Born To Love You (✔)

Chapter 23: Unstoppable Flutter

"ဟင်! အဲ့ဒါဘာ​တွေလဲ"

အိပ်ရာနိုးနိုးချင်း kitchen counter ​ပေါ်မှာပွစာကျဲ​နေတာကိုမြင်လိုက်ရလို့ ​ဆော့ဂျင်အံ့ဩတကြီး​မေးလိုက်ခြင်းဖြစ်သည်။ ​အလုပ်​တွေရှုပ်​နေတဲ့ဂျောင်ကုက​ဆော့ဂျင်ကို​တွေ့​တော့ ပြုံးပြပြီး...

"​နိုးပြီလား...ဒါ​တွေအကုန်ရှင်းပြီးမှလာနှိုးမလို့"

​"ဘာ​တွေလုပ်​နေတာလဲ"

"ဒီ​နေ့​လျှောက်လည်ကြမယ်ဆို..အဲ့ဒါ​ကြောင့် ​lunch box ပြင်​နေတာ"

"ဝါး! အများကြီးပါလား"

​သူ့ပခုံး​ပေါ်ကို​မေးတင်လာတဲ့သူ့ရဲ့ချွဲစိန်​လေးကိုချစ်စနိုးကြည့်လိုက်ပြီး ​ဘေးတိုက်မြင်​နေရတဲ့ပါး​ဖောင်း​ဖောင်း​လေးကိုသူ့နှာ​ခေါင်း​လေးနဲ့ငုံ့နမ်း​တော့ ချွဲစိန်​လေးကမျက်လုံး​လေး​တွေမှိတ်ကျသွားသည်အထိကြည်ကြည်နူးနူးပြုံးသည်။

ကင်​ဆော့ဂျင်ဆိုတဲ့သူ့ရဲ့ချစ်သူ​လေးကအသက်၁၅နှစ်အရွယ်ကတည်းကတစ်​ယောက်တည်းရှင်သန်ခဲ့ရလို့သူ့ကိုယ်သူစိတ်ဓါတ်မာ​ကျောတဲ့သူတစ်​ယောက်အဖြစ်ခံယူထား​ပေမယ့်တကယ်တမ်း​တော့တစ်​ယောက်​ယောက်ဆီကအခုလိုမျိုးဂရုစိုက်မှု​တွေလိုအပ်နေမှန်းသူအသိဆုံး​ပေါ့။

အရိပ်တကြည့်ကြည့်နဲ့ဂရုစိုက်​ပေးပြီးအနားမှာနေ​ပေးတဲ့သူ့ကိုတွယ်တာပြီးချစ်ခင်​စိတ်ဖြစ်နေတာကိုသူမသိပဲ​နေမလား။ ​ဆော့ဂျင်ခဏခဏ​ပြောဖူးသလိုသူတို့နှစ်​ယောက်ကဘဝတူ​တွေ​ဆို​ပေမယ့်သူက​တော့ သူ့ဦး​လေးမိသားစုရဲ့​မေတ္တာရိပ်​အောက်မှာ​ကောင်း​ကောင်းကြီးပြင်းခဲ့ရ​သေးတယ်​လေ။ ​အဲ့ဒါ​ကြောင့်သူကအငယ်ဆို​ပေမယ့်​ဆော့ဂျင်အ​ပေါ်ကို​မေတ္တာ​တွေအပြည့်အဝ​ပေးပြီးပိုချစ်​ပေးဖို့ဆုံးဖြတ်ထားတာ​ပေါ့။

"နှိုးလိုက်တာမဟုတ်ဘူး...တစ်​ယောက်တည်းပြင်ဆင်ရ​တော့ပင်ပန်းမှာ​ပေါ့"

"Surprise ဖြစ်​စေချင်လို့တိတ်တိတ်​လေးပြင်ဆင်​နေတာ​ပေါ့။ ဒါ​တွေအကုန်သိမ်းဆည်းပြီးမှလာနှိုးမလို့ဟာကို..ဘာလို့ဒီ​နေ့မှအ​စောကြီးနိုးလာရတာလဲ"