نافضة القلوب

الفصل الرابع

غيابك طال
وبوختي في هزار بُعدك
أنا بَعدك عرفت اني مليش بَعدك
كبر سني يا اول حاجة احوشها وأشوفها بتتسرق مني
ابص من الغياب علي الباب واقول بالوقت هتحني
فضلت استني واتحولت شطرة في غنوة الاطلال
غيابك طال

#عمرو حسن

الفصل الرابع :-

" تُكاد انفاسي تهرب من بين جوفي .. "

_ هتستفادي اي من اللي هتعملي يا تولان ؟!

هتف بها صقر الذي كان يتفحص تولان هذه الفتاة البريئة بأعين ثابتة شيء غريب قد حل بهذه الفتاة أصبحت فتاة اخري غير هذه تولان البريئة ذو الابتسامة الصافية ..

تقدمت هي خطوات للأمام مستعرضة هذا الفستان الذي ترتديه لكي ينظر لها صقر من غير فهم وهتفت بغموض

_ تعرف يا صقر لما تكون متقيد طولت الوقت بقوانين غيرك ، عايش بتتنفس بنسبة ، خروجك بمواعيد محددة ، استيل لبسك برأي غيرك ، اكلك شربك تعليمك كل حاجة حتي في اختيار شريك حياتك بقوانين ، شايف الفستان اللي انا لابساه ده ، عارف اللي يشوفني في أي مناسبة وأنا لابساه اول كلمة هيقولها ...
دي بنت كذا ، دي تولان أميرة من اميرات الطبقة الراقية ، اللي محدش يقدر يعيش زيها ، كل البنات وقتها يتمنوا أنهم يعيشوا مكان تولان ، اصلها تولان الشبراوي بنت المليونير اللي طالبتها كلها مجابة ، ميعرفوش أن كل مظهر خارجي مداري تحته وجع وقهرة ...

ابتسمت هي بخذل شعرت بنبضات قلبها تتسارع ، أخذت نفساً عميق مغمضة عيناها واكملت

_ ميعرفوش أن تولان اللي بيتكلموا عليها الابتسامة اللي مبتفرقش وشها ، ميعرفوش أنها مزيفة وان تولان الحقيقة ماتت واندفنت وقت ما امها ماتت ، ميعرفوش أنها طفلة شافت بعيونها رحيل امها ، طفلة كانت لسه في عمر الخامس وشايفة حواليها خيانة باباها لأمها وقهرة امها وموتها ما بين ايديها ، ميعرفوش يعني اي تعيشي عمرك كله مع نفس المرأة اللي كانت سبب في حرمانك من امك ، ميعرفوش يعني اي تحب وباباك يسرق منك الشخص الوحيد اللي حسيت معاه بالأمان ، ده كله مش وجع ، تعرف بقا لو الناس دي كلهم عرفوا حكايتي مكانوش هيتمنوا أنه يعيشوا لحظة واحدة بس من اللي انا شوفته ...عرفت ليه انا عايزة اخد حقي ، أنا طولت الوقت عايشة بقوانين بس جي الوقت اللي لازم يكون بقوانين تولان وبس ...

اقترب هو منها ولمس كف يديها ومسد عليه بحنية وحدق بعيناها وهتف ..

_ ورغم اللي خسرتي أنتِ لسه قوية هو ده اللي انا محتاجاه ...

رمشت هي له بعيناها بينما كانت ترمقهم هذا العين وكانت ليس إلا عين زوجة ابيها " رجاء " الذي تملك الغيظ قلبها ، فهل حقاً ستترك تولان تتزوج من صقر من أكبر رجال الأعمال في مصر ، هل ستتركها تعيش حياتها بحرية بعدما تملكتها هي لسنين ماضية هتفت لنفسها وهذا الشرار المتطاير يخرج من بين عيناها ..
_ يعني يا رجاء بعد ما صابرتي الوقت ده كله لوقت ما ادمري تولان هتيجي هي وادمرك .. ، انتِ لازم تتصرفي ..لازم صقر ميتجوزش تولان لازم ...