الفصل الثاني عشر :-
_ هتفركش ؟!
هتفت بها سوسن بحزن علي حال اخيها فايز ...، هل سوف ينهي هذه الخطبة التي دامت خمس سنين وشهد الجميع علي حب فايز لنورا وكيف حارب من أجلها ، هل سينهي هذه الخطبة بل لن تكن مجرد إنهاء خطبة فقط بل ستكون كأنهاء حياة كاملة ، روحاً طالت العيش بداخل روح أخر ، نفساً زاد يقين بوجود أنفاس أخري تحتوي بداخلها ، هل يستطع الأنسان أن ينهي عمراً كاملاً بكلمة تُعد بحروفها فقط ...
أخرج من داخله نفساً كاد يقضي علي روحه ، شعر بأجتياح يرهقه ، تنفس بعمق مُغمضاً عيناه في أرهاق باديٍ علي ملامحه..
_ مش مُستعد اني أبني حياة مع شخصية غير ساوية نفسياً ، عندها جشع وطمع ، كل مرة بتغاضي عن أغلاطها علي أمل أنها هتتعلم منها ولكنها بتحسبها بأن طالما سكت عن غلطها مرة و اتنين اذاً خلاص هسكت طولت العمر ، تعرفي الإنسان امتي بيستهتر في اللي قدامه ومش بيحاسب علي مشاعر غيره ؟!
اكمل :_
_ لما نسكت علي غلط اللي حوالينا ونتقبل منهم كلام جارح لمشاعرنا و قلوبنا بكل نفس راضية ومنحاولش نلومهم علي لسانهم اللذع وأنه كان زي الخنجر بيغرز في قلوبنا وبنضحك بكل براءة علي حديثهم علي يقين أننا بنحبهم ومش عايزين نزعلهم بس مكناش عاملين حساب أننا بنزعل بسببهم وبنسكت علشان راحتهم ، دائماً حاطين راحتهم في الأوليات ، ناسيين راحتنا احنا ، ولما نيجي ندور علي راحتنا و نقولهم علي حقيقة الأمر وقتها اللوم هيكون علينا ، علشان احنا اللي سكتنا من الاول ، الإنسان مبيتعلمش من غلطو الا لما حد ينبه يا سوسن ..
_ بس الناس يا فايز ،هيتكلموا دي انتوا مخطوبين ليكم خمس سنين في الأخر ...
قطعها هاتفاً
_ انك تنهي علاقة دامت سنين طويلة افضل من انك تعيشي فيها خوفاً من كلام الناس ، افواه الناس مش بتسكت ولو حاولنا أننا نسكتهم مش هنعرف ولكن مع الوقت بينسوا وبيعشوا حياتهم عادي ، ام احنا بقا لما نعيش مع شخص احنا مبنحبهوش علشان بس عاملين حساب للناس هتكون حياتنا وقتها عاملة ازاي ؟! تقدري تقوليلي ؟! هل هنعرف نعيش مع بعض ، هل هنعرف نبني حياة صح؟!
اكمل
_ الزواج يا سوسن هو مش مجرد عقد ولا أمضا علي ورقة والسلام ولا هو عبارة عن شراء زوجة لأهلك علشان تمرمطها معاك ، الزواج عبارة عن ارواح مفروض تكون مؤهلة يعرفوا يكرسوا حياتهم صح ، يعيشوا في مودة و رحمة و يتقوا الله في أنفسهم وفي أولادهم مش عبارة عن يومين حلويين هنعيشهم وبعد كدا نكره أننا نبص في وش بعض ، لو كل واحد مننا عرف معني الزواج الحقيقي مكنش دلوقتي قضايا الطلاق بقت اكتر من الزواج ..،
قامت هي بأحتضان أخيها بحزن ، ربما هو علي حق ، أن ينهي علاقة اخذت منه كثيرا افضل من أن تظل تسحب من داخله كل شيء نقي ...
" في بعض من الأوقات يجب التخلي علي ما نحبه في سبيل راحة قلوبنا ، إلا نعيش في شقاء طوال العُمر ، فكفا الذي سُلب مننا في سبيل الأخرين ..."
أنت تقرأ
نافضة القلوب
Romance" لا شيء يعادل تمرد روح الأنسانية ، لا شيء يعادل الوقوف علي منصة الخطر بدون هلع ، لا داعي للتنازل من أجل واقع مرير كهذا بل يكفي مواجهته " _____________________________ انتاج ٢٠٢١ 🍂
