FDA 3: SPELL LOVE - COMPLETE

Kabanata 42

"LET'S cancel the wedding."

Umawang ang bibig niya at hinawakan ang mga kamay. Muli siyang kumurap at sunod-sunod pa rin ang pagdaloy ng kanyang mga luha. Her hands felt empty. It wasn't the same. Gusto niyang humagulgol ng iyak nang mga oras na 'yon.

"Bakit?" her voice broke. She was too confused. Shocked. "H-Hindi ko maintindihan," she sobbed. "Bakit bigla-bigla na lang? Anong nangyari? Saan ako nagkulang?" Lumapit siya rito at hinawakan ang mga kamay nito. Hinuli niya ang mga mata anito pero wala siyang mabasang awa o simpatya man lang mula roon. "Bal..." she begged, humigpit ang hawak niya sa mga kamay nito. "Bal, please? Joke lang 'to, 'di ba?" Luminga siya sa paligid. "May camera ba? Na saan –" But when he drew his hand with her doon siya mas lalong nasaktan. "Bal?"

"You will find another man, Niña."

Natawa siya, pero hindi niya pa rin mapigilan ang sariling mga luha. "Ang galing! Sana simula pa lang sinabi mo na 'yan. 'Di sana hindi na tayo nagsayang ng panahon sa isa't isa. Ano bang ginagawa natin? Teaching demo? Example kung paano maging tanga sa pag-ibig?! Laro lang ba sa'yo lahat? May natutunan ka ba sa tuwing nasasaktan mo ako?"

Hindi ito umimik. Tinignan lang siya nito. At 'yon, 'yong masakit. He didn't care about her pain! He didn't care about her feelings! He was looking at her with those cold eyes - void with any adoration that she used to see in his eyes.

Lahat nang 'yon ay tila imahinasyon na lamang niya.

"Tang ina!" mura niya. Her chest throbbed in pain. Hindi pa niya mapigilan ang mga luha niya. "Pagod na pagod na ako," halos bulong na niyang sabi rito. "Buong buhay ko... ikaw lang... ikaw lang ang minahal ko. Naiintindihan mo ba 'yon? Paano ko maiintindihan ang gusto mong mangyari kung hindi mo sasabihin sa'kin... kung... kung bakit ayaw mo na? Balti, ano bang kulang sa'kin? Hindi pa rin ba sapat ang pagmamahal ko sa'yo? Kasi... kasi hindi ko na talaga alam paano ka pa mamahalin. Paano ba dapat mahalin ang isang Bartholomew Juarez?"

"Then, stop now."

Lalo siyang napahagulgol. Nahilamos niya ang mga kamay sa mukha. "Ganoon lang 'yon?" Punong-puno ng hinanakit ang boses at ang tingin niya rito. "Sasabihan mo lang ako na tumigil na ako? Balti, hindi ako tanga! Gusto kong ipaintindi mo sa'kin kung saan tayo nagkulang sa isa't isa?! Kung saan ako nagkulang? 'Yon ang gusto kong malaman. Hindi 'yong sasabihan mo lang akong huminto na ako!"

"I just want you to stop now, Nin. Let's stop."

"Pero bakit nga?!"

"Kasi 'yon ang gusto ko! Alin ba roon ang hindi mo kayang intindihin? Tumigil ka na! Tumigil na tayo! This relationship won't work for us. Mahirap ba 'yong unawain?!" Marahas itong bumuntonghininga. "I know, I've hurt you. I initiated everything and I made the wrong choices."

"So, I'm a mistake?"

"No! I mean – "

"You just said it, Juarez. You made the wrong choices." Marahas na pinahid niya ang mga luha sa mukha. "I was the wrong choice you made." Mapait siyang ngumiti rito. "Alam mo, okay? Let's stop now. Na sana matagal ko nang ginawa. Sana 'di na lang ako bumalik ng Pilipinas. Sana 'di ako nag-apply sa SNL. Pinagsisihan ko na lahat ng mga desisyon ko. Sana naghanap na lang ako ng iba. Masaya na sana ako. May anak na siguro ako. Ang ganda-ganda siguro ng buhay ko ngayon kung wala ka, 'di ba? Imagine, sinayang ko ang 15 years sa kakaasa sa maling tao?" Natawa siya nang pagak. "Ang laking tanga!"

She stepped back. Nayakap niya ang sarili habang umiiyak pa rin. Ang sakit. Sobra. Hindi na yata huhupa ang sakit sa puso niya. Hindi na yayata titigil ang mga luha niya. She felt hopeless. Confused. Hurt. Pero wala siyang magawa para patahanin ang sarili. Ang malinaw lang sa kanya nang mga oras na 'yon ay ang sakit at pagkadismaya niya kay Balti.