Jeon's Love | Jungkook Centric | Completed

Chapter 8

Jungkook's View

තමන්ගෙ හැඟීම් අස්සෙ හිරවෙලා ඉන්න එක ⁣කොයි තරම් අමාරු දෙයක්ද?කවුරු හරි කෙනෙක් මගේ සිතුවිලි වල⁣ට ඇහුන්කම් දුන්නොත් හිතයි මට පිස්සු කියලා..මං මෝඩයෙක් කියලා..මෙච්චර ලස්සන ආදරයක් ළඟ තිබිලත් ඒක අතඅරින්න හදන මම මහ මෝඩයෙක් තමයි..ඒත් මගේ හිතේ තියෙන බය..ආයෙත් මගෙ ආදරේ නැති වෙයි කියන බය..මෙච්චර කාලෙකට මම මේ ලෝකෙ වැඩියෙන්ම ආදරේ කරපු ගෑනු චරිතය මගෙ ඔම්මා..අදටත් ඒක එහෙමයි..

එක අතකින් මම ඔම්මාව එපා කියද්දි හිතේ එක අගිස්සක් ඔම්මාව ඉල්ලනවා..

ඒ වගේමයි..

එකවෙලාවකට හිත යූරාව එපා කියද්දි තවත් වෙලාවකට හිත යූරාවම ඉල්ලනවා..කොහොමද මං මේ හැඟීම්වලට තේරුම් කරන්නෙ?කොහොමද මම මගෙ හිත තේරුම් ගන්නෙ?

ආසයි ඔම්මා ගාව දැවටෙන්න..ආයෙත් මගෙ පුංචි කාලෙට යන්න..ඔම්මාට කියලා කෑම කවාගන්න..ඔම්මා එක්ක හුරතල් වෙන්න..ඒත්..හැරෙන්න බැරි අතීතයකින් මං ගොඩක් ඉදිරියට ඇවිල්ලා..එක අඩියක්වත් පස්සට ගන්න බැරි තරමටම මගෙ ජීවිතේ වෙනස් වෙලා..කාර්යබහුල වෙලා..කාර්යබහුල ජීවිතේ මට සැනසීමයි..තනිවෙලා පරණ මතක නිසා දුක් වෙනවට වඩා...

මේ හිත කොයි තරම් බොළඳයිද..හරි තීරණයක් ගන්න සිය දහස්වතාවක් තමන්ගෙන්ම ප්‍රශ්න කරනවා..සමහර වෙලාවට මට දැනෙනවා මේ මං නෙමෙයි කියලා..මේ හිත මගේ නෙමෙයි කියලා..ඒ තරමටම හිත යූරාට ආකර්ෂණීය වෙලා...

ඒත් මම මහා යක්ෂයෙක්..යූරාව රිද්දලා සතුටු වෙන කාලයක් මටත් තිබුණා..මගෙ අවධානය අඩු වෙලාවට එයාගෙ ඇස් අඳුරු වෙන විදිහට මං කැමති වුණා..යූරාට ලැබිය යුතු තැන මගෙ හිතේවත් මේ ගෙදරවත් මම එයාට දුන්නෙ නෑ..බිරිඳගේ ගරුත්වය දුන්නෙ නෑ..නමුත් ඒක එහෙමයි කියලා එයා හඬා වැටිලත් නෑ..මාත් එක්ක රණ්ඩු කරලත් නෑ..ඒ නිසාමයි මට තවත් මේ රඟපෑම කරගන්න යන් අමාරු..යූරාගෙ අහිංසක ඉවසීම මාව පරාද කරනවා..

ඇත්තම කියනවනම් මම මගෙ වෙඩින් රින්ග් එක දාන්නෙ අප්පා ඉන්න තැනදි විතරයි..අප්පාගෙ හිත රිද්දන්න බැරි කමට...ඒත්..යූරා කිසි දවසක රින්ග් එක ගලවලා නෑ..මම එයාව දකින හැම මොහොතෙම මගෙ ඇස් යන්නෙ එයාගෙ අතේ දිලිසෙන මුදුව දිහාට..එයා ඒ මුද්ද දිහා බලන්න රටක් රාජ්ජයක් ලැබුණා වගේ ආදරෙන්..