" နောက်နောင် စံအိမ်ဘက်ကိုခြေမချပါနဲ့ ''
အဘယ်အကြောင်းကြောင့်ထိုသို့ဆိုသည်ကို နားမလည်သော်လည်း လွေးအောင် ခေါင်းငြိမ့်ကာ နာခံလိုက်သည်
ခဏအကြာတွင် ဘဘကြီးသည် တိုက်ပုလေးထဲသို့ပြန်ဝင်သွားတော့သည်
" နားတော့လေ လူလေး ''
ဘဘကြီးသည် အခန်းတံခါးဝတွင် ရပ်ရင်းလွေးအောင်အားကြည့်ကာ ဆိုလိုက်သည်
" ဟုတ်ကဲ့ပါ ဘဘကြီး ''
ထို့နောက် လွေးအောင်သည် အိမ်တံခါးပေါက်ကိုပိတ်ကာ အခန်းထဲသို့ဝင်လာခဲ့သည်
အခန်းထဲရောက်၍ ကုတင်ပေါ်လှဲသည့်အခါ အချိန်သိပ်မယူလိုက်ရပါပဲ လွေးအောင် အိပ်ပျော်သွားတော့သည်
ပွင့်လက်စပြတင်းပေါက်မှ လေပြေများတိုးဝှေ့ဝင်လာခိုက် စံပါယ်နံ့သင်းသင်းတို့က ငြိကပ်ပါလာသည်
စံပါယ်နံ့သင်းသင်းသည် နှာခေါင်းဖျားတွင် လာရောက် ကျီဆယ်သည့်အခါ မကြာသေးခင်က ရှူရှိုက်လိုက်ရသည့် နှင်းဆီနံ့ဆူးဆူးကို မသိစိတ်မှ တမ်းတမိသည်
အိမ်ခေါင်မိုးတွင်တွဲခိုနေသည့် ရေစက်ကလေးများသည်မြေပြင်သို့ တဖြောက်ဖြောက်ကျဆင်းချေသည်
ကောင်ကင်မှ ကြယ်တွေလတွေမမြင်ရအောင် မိုးတိမ်တို့အုပ်မှိုင်းနေသည့် ယနေ့ညတွင် စံအိမ်ထဲမှ တစ်စုံတစ်ယောက်သည်ရော အိပ်ပျော်မည်တဲ့လား
❣❣
အိပ်ခါနီးတွင် မပိတ်လိုက်ရသည့် ပြတင်းပေါက်မှတဆင့် နေရောင်ခြည်နုထွေးထွေးသည် လွေးအောင်၏ ချောမောသည့်မျက်နှာထက်တွင် အခန့်သားနေရာယူသည်
ပုံမှန်နိုးနေကြအချိန်တွင်ပဲ လွေးအောင်နိုးလာခဲ့သည်
မျက်ခွံကို လက်ဖြင့်ပွတ်သပ်ရင်း လွေးအောင် ကုတင်ပေါ်တွင် ထိုင်လိုက်သည်
လွေးအောင်သည် မထင်မှတ်ပါဘဲ ပြတင်းပေါက်မှတဆင့် စံအိမ်ဆီသို့အကြည့်ရောက်သွားသည်
စံအိမ်ရှေ့ ဖွေးဖွေးလှုပ်ကာ အပြိုင်အဆိုင်ပွင့်နေသည့် နှင်းဆီဖြူတွေကြောင့် မျက်နှာထက်အပြုံးတည်စေသည်
YOU ARE READING
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...
