" မောင်ရေ "
နောက်ကျောဘက်မှခေါ်သံကို ရင်းနီနေသည်မို့ အလျှင်အမြန်လှည့်ကြည့်လိုက်သည် ။
" ခင်ထား ဒီကိုဘယ်ကဘယ်လိုရောက် "
မြန်မာဝတ်စုံ ပန်းရောင်လေးဝတ်ထားသောခင်ထားသည် ယုဇနပန်းတစ်ချို့ကိုပန်လျက် လှလှပပသူ့ထံသို့လျှောက်လာသည် ။
အချိန်သည်ကား နေ့ခင်း ၃ နာရီ ။
နေရာသည်ကား ကျောင်းရှေ့အရိပ်ကျရာပိတောက်ပင်အောက်၌ဖြစ်သည် ။" ခင်က ကြီးကြီးတို့ဆိုင်မှာကူလုပ်ဖို့ဆိုပြီး မြို့ကိုရောက်နေတာ တစ်ပတ်လောက်ရှိတော့မယ်ထင်တယ်မောင် "
နှစ်ယောက်သား ပိတောက်ပင်၏အောက်ထိုင်ခုံထက်ထိုင်ရင်း စကားပြောဖြစ်ကြသည် ။
" အော် ခင်ထားက ဘယ်လောက်ကြာအောင်နေမှာလဲ "
မျက်နှာချေမှုန့်များကို လှပသေသပ်အောင်လိမ်းထားပြီး ဆေးနီတချို့၏အကူဖြင့် ပန်းရောင်သန်းနေသော နှုတ်ခမ်းပါးတို့ဟာ စကားချိုချိုကိုဆိုသည် ။
" တစ်လ ၊ နှစ်လ မဟုတ်လည်း တစ်နှစ် ၊ နှစ်နှစ်လောက်ကြာမယ်မောင် ဒါနဲ့ မောင်ပိန်သွားလိုက်တာ နေမကောင်းဘူးလား "
စိတ်ပူခြင်းများယှက်ပြေးနေသော ခင်ထား၏မျက်ဝန်းတွေဟာ သူ့ကိုယ်ပေါ်ဖြတ်ပြေးနေသည်။
" မောင်နေကောင်းပါတယ် စာနည်းနည်းပိနေလို့ပါ "
" မောင့်ရဲ့အနီရောင်မုန်းတဲ့တစ်ယောက်နဲ့ ခင့်ကိုမိတ်ဆက်ပေးပါအုန်း "
ထိုအပြောကြောင့် လွေးအောင်သည် လိပ်ပြာမလုံသလိုခံစားရသည် ။
သစ္စာဖောက်ခံရသူ ခင်ထားကိုယ်တိုင်မှ ထိုစကားမျိုးပြောလာသည့်အခါ လွေးအောင်အနည်းငယ် ရှက်မိသည် ။
သို့သော် ခင်ထား၏မျက်နှာထားသည် ပုံမှန်အတိုင်း ။" မောင်သိလား ခင်ကမနေချင်သူကိုဆွဲထားတတ်တဲ့သူမဟုတ်ပါဘူး ။ မောင်သာစိတ်ရှိရင် ခင်ကခုချက်ချင်းသူ့လက်ထဲထည့်ပေးမယ့်သူမျိုး ။ ခင့်အတွက်ယောကျ်ားမရှားဘူးမောင် ။ ခင့်အတွက်မောင့်လိုလူသာရှားတာပါ ခင်တော့မောင်မရှိလဲနေနိုင်ပါရဲ့ကွယ် "
ESTÁS LEYENDO
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...