ကျယ်ပျံ့သလို နေရာတိုင်းဟာတစ်နေရာတည်းမို့ကျဥ်းမြောင်းစေသည်ဟု ခံစားစေရသော ပင်လယ်ပြင်နှင့်တင်စားဖူးသော လွေးအောင်၏မြတ်နိုးရာမျက်ဝန်းတွေဟာ တကယ်ပင် ပင်လယ်ပြင်လို သူ့အား ပျော်စေသလို တစ်ခါတရံ မွန်းကြပ်စေပြန်သည် ။
ကော့ညွှတ်သည့် မျက်တောင်ရှည်တွေဟာ ဘေးတစောင်းများ ငေးကြည့်မိပါလျှင် ပန်းချီကားတစ်ချပ်၏ အနားသတ်ဘောင်တွေလို သေသပ်လှပလွန်း၏ ။
ခြေဖမိုးလေးတွေဟာလည်း တယုတယပွေ့ပိုက်နမ်းရှိုက်ချင်လောက်အောင် ကြွေရုပ်အလားလှလွန်းသည် ။
လွေးအောင်သည် သခင်လေးအနားသို့ အကြောင်းအမျိုးမျိုးရှာကာ ရောက်လာတတ်သည် ။
အပတ်စဥ်စာအုပ်လေးများငှား၍လည်းကောင်း ၊ ညဘက်သခင်လေးထွက်လာချိန်၌အနောက်မှလိုက်သည်လည်ကောင်း ၊ နှင်းဆီဖြူများကိုဆိုင်မှတကူးတကဝယ်၍သွားပေးခြင်းဖြင့်လည်းကောင်း အကြောင်းအမျိုးမျိုးရှာ၍ သခင်လေးထံပါးခစားသည် ။
သို့သော် လွေးအောင်သည် ဤသို့လုပ်ပေးနေရခြင်း ၊ ငေးကြည့်နေရခြင်းတို့ကိုသာ လိုလားသည် ။
ထိုမျှလောက်နှင့်လုံလောက်သည် ။
ရောင့်ရဲနိုင်သည် ။တခါတရံ သခင်လေးနားတိုးသွားချင်မိသော်ငှား တခါတရံ ပိုဝေးဝေးကိုပြေးချင်သည် ။
လွေးအောင်တွင် အဖေရှိသည် ။ ကတိကဝတ်ပြုထားရာခင်ထားရှိသည် ။ ပေါင်းသင့်ဆက်ဆံနေရာသူငယ်ချင်းများရှိသည် ။
လွေးအောင်သည် ဂုဏ်သိက္ခာတို့ကို ဘုရားတစ်ဆူလိုကိုးကွယ်လာသူမို့ မိုက်ရူးရဲဆန်စွာ သခင်လေးဘက်သို့ တိုးဝှေ့မသွားချင် ။
သူ၏ချစ်ရသူဟာ ယောကျာ်းတစ်ယောက်ပါဆိုသည်ကို လက်မခံကြမည့်ပတ်ဝန်းကျင်မှာ သူမနစ်မွန်းချင် ။
သူများလှောင်ထေ့နေသည့်ဘဝတွင် သူ့ဘဝကိုမပြောက်ဆုံးချင် ။
ထို့ကြောင့် မီးမှန်းသိနေသော သခင်လေးထံသို့ ပိုးဖလံလိုမကြောက်မရွံတိုးဝင်ပြောက်ကွယ်မသွားချင် ။
YOU ARE READING
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...