25
တဗြဲဗြဲရွာချနေသောမိုးနှင့်အပြိုင် ချစ်ရသူဟာ သူ့ရင်ခွင်၌မှီ၍ တရှုံ့ရှုံ့ရှိုက်ငိုနေတော့သည် ။
လန့်သွားသည်ထင်ပါ၏ ။
လက်ကလေးတွေဟာ လွေးအောင်၏ခါးကို တင်းကျပ်နေအောင်ဖက်တွယ်ထားသည် ။
မိုးအနည်းငယ်စိုနေသောရင်ခွင်ဟာ ချစ်ရသူ၏မျက်ရည်တို့ကြောင့် တဖန်ထပ်၍စိုလာပြန်သည် ။
အနည်းငယ်မိုးဆဲသွားချိန်အထိ သူဖက်ထားဆဲဖြစ်သည် ။
သွပ်ပေါ်သ်ို့မိုးစက်များကျသံအစား သွပ်အစပ်မှမိုးပေါက်များမြေပြင်သို့ခိုတွဲကျဆင်းသံက ပတ်ဝန်းကျင်တွင်တိုးဝင်လာသည် ။
ထိုအခါမှ ရင်ခွင်ထဲမှလူသားက အပြင်သို့တိုးထွက်လာသည် ။
မျက်ဝန်းတွေဟာလည်း သူနဲ့ရင်မဆိုင်ရဲစွာ ရှောင်ဖယ်နေကြသည် ။
" စံအိမ်တံခါးမကြီးကိုမပိတ်ပဲထားရသလားရိပ် "
ဆူငူငူပြောစကားဟာ ခဏတာအတွင်းရပ်တန့်သွားသည် ။
အကြောင်းမှာ ချစ်ရသူသည် နှုတ်ခမ်းလေးအနည်းငယ်စူ၍ သူ့ကိုတဖန်မော့ကြည့်လာသည် ။
တဆက်တည်းမှာပင်
" မဆူနဲ့ ငါ့ကိုမဆူနဲ့ "
လွေးအောင်သည် မျက်စိရှေ့မှ သူနှင့်မတိမ်းမယိမ်းကိုယ်လုံးလေးကို အတင်းပြန်ဖက်လိုက်တော့ ရုန်းထွက်သည် ။
" ကိုယ်ကရိပ်ကိုစိုးရိမ်လို့ပြောတာပါ ဆူတာမဟုတ်ပါဘူး "
" ငါက မင်းစံအိမ်ကိုလာရင် တံခါးခေါက်နေရမှာစိုးလို့ "
တိုးတိမ်ဝင်သွားသောအသံအဆုံးတွင် ထိုနှုတ်ခမ်းဖူးလေးများကို သူငုံ့နမ်းမိသည် ။
အရင်လိုနွေးထွေးညက်ညောဆဲဖြစ်သည် ။
အံဝင်ကွင်ကျဖြစ်သွားသော နှုတ်ခမ်းပါး နှစ်ခုအပြင် နှစ်ဦးနှစ်ယောက်၏ရင်ခုန်သံတွေဟာကျယ်ကျယ်လောင်လောင် ။
သူ့ကိုစိုးရိမ်လို့ ဟူသောအပြောလေး ၊ သူ့ကိုစောင့်နေတယ်ဟူသောအပြောလေးကြောင့် သူအသည်းယားစွာငုံ့နမ်းမိခြင်း ။
သူ့အတွက်တွေးပေးနေသည် ဟူသော စကားတစ်ခွန်းဖြင့်ပင် သူ့ရင်ဟာအရည်ပျော်နေပြီးမို့ ဆက်ထွက်ကျလာသောစကားများဖြင့်ဆိုလျှင် သူဟာ ပြာကျသွားနိုင်သည် ။
YOU ARE READING
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...
