" နမ်းလိုက်တာလားလွေး "
မျက်ဝန်းတွေထဲ၌ အံ့သြရောင်ကိုမတွေ့ရပါ ။
စိတ်ဆိုးသွားကြောင်းလည်း အချက်မပြပါ ။
တုန်လှုပ်နေပုံလည်းမရှိပါပဲ ပုံမှန်အတိုင်း စိတ်ပျော်နေသလိုမျက်ဝန်းများဖြစ်သည် ။
မျှော်လင့်တကြီးခေါင်းမော့ကာမေးလာသော အဖြေကို လွေးအောင် ပြန်ဖြေရန်စဥ်းစားမရဖြစ်မိသည် ။
ချစ်လွန်းလို့ ၊ မြတ်နိုးလွန်းလို့နမ်းမိပါ၏ဟုဖြေလျှင် သူ့အားသခင်လေးကမည်သို့ထင်မည်နည်း ။
မည်သို့ပြောမည်နည်း ။
ထို့အတူ ပတ်ဝန်းကျင်ကရော သူ့ကို အခြောက်တစ်ယောက် ၊ မိန်းမလျာတစ်ယောက်လို့ပြောကြမည်လား ။
ဟင့်အင်း ။ သူသည် အခြောက်တစ်ယောက် ၊ မိန်းမလျာတစ်ယောက်မဟုတ်ပါ ။
သူအပြောခံရမည်ကိုကြောက်သလို သခင်လေးလက်ကိုရဲရဲတွဲကိုင်ရန်ပါလည်း ကြောက်မိသည် ။
ယုံကြည်မှုစိုးစီပင်သူ့ထံ၌ရှိမနေချေ ။" ဖြေလေလွေးရဲ့ ဘာလို့နမ်းလိုက်တာလဲ "
မျက်ဝန်းနက်တွေဟာ သူ့ကိုတရားခံစစ်သလို စူးစိုက်ကြည့်လာသည် ။
သူအကြည့်တွေကို ချက်ချင်းဆိုသလိုရှောင်မိသည် ။" ဖြေလေလို့ ငါမေးနေတာမကြာဘူးလား "
သခင်လေးသည် လွေးအောင်၏ပုခုံးနှစ်ဖက်ကို ဆုပ်ကိုင်ကာ လှုပ်ခါ၍မေးလိုက်သည် ။
လွေးအောင်ငြိမ်နေဆဲပင် ။" မဖြေချင်ဘူးလားလွေး "
နောက်ဆုံးသောမေးခွန်းအဖြစ်မေးပြီးမကြာခင်မှာပင် သခင်လေးသည် လွေးအောင်၏ခြေဖမိုးပေါ်မှဆင်းသည် ။
လွေးအောင်၏ပုခုံးပေါ်ရှိ လက်ကိုရုတ်သိမ်းလိုက်သည် ။
အကြည့်တွေဟာလည်း လွေးအောင်ထံမှခွာသည် ။
တစ်လှမ်းနောက်ဆုတ်သွားသည် ။
နက်မှောင်မှောင်မျက်ဝန်းတွေကို အမီလိုက်ကြည့်မိတော့ အုံ့မှိုင်းကာ ရွံရှာမှုတွေကို လွေးအောင်မြင်ရသည် ။
YOU ARE READING
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...