" စားပွဲပေါ်မှာ စာအိတ်ရှိတယ်လွေး ''
လွေးအောင်အားတစ်ချက်လှည့်မကြည့်ပါဘဲ ခပ်ပြတ်ပြတ်ပြောလာသည် ။
လွေးအောင်မျက်နှာတစ်ချက်ပျက်မိ၏ ။
ယခင်ကရင်းနီးသယောင်ရှိခဲ့သော သူတို့ဆက်ဆံရေးသည် ပထမဆုံးတွေ့စဥ်ကထက်ပိုအေးစက်နေသည် ။
လွေးအောင်သည် အနားရှိ စားပွဲဝိုင်းလေးပေါ်မှ စာအိတ်လေးကိုကောက်ယူလိုက်သည် ။
တစ်ဆက်တည်းမှာပင် ခါးတွင်ထိုးထားသော စာအုပ်လေးကိုဆွဲထုတ်လိုက်သည် ။
ထိုစဥ်
" ပြန်တော့ ငါနားတော့မယ် ''
ယခင်ကနှင်ထုတ်ခဲ့ဖူးသော လေသံနှင့်ကွဲလွဲစွာ ခပ်မာမာပြတ်တောင်းတောင်းအံကျလာသည့်အမိန့် ။
လွေးအောင်သည် လက်ထဲရှိ စာအုပ်လေးကို ကျစ်ကျစ်ဆုပ်ကိုင်ကာ မပေးဘဲပြန်လာခဲ့သည် ။
စိတ်တို့သည်လည်း လေလံလျက်ရှိသည်။
အကြောင်းမဲ့စွာပင် သူသည် ဝမ်းနည်းမှုကိုခံစားနေရသည် ။
ဝမ်းနည်းရခြင်းအကြောင်းကား သူစဥ်းစားမရချေ ။
သူသည် သခင်လေးစိမ်းကားသောကြောင့်ဝမ်းနည်းသည်လား ။
အို ... မဖြစ်တန်ရာပါလေ ။
သခင်လေးလို ယောကျာ်းသားတစ်ယောက်ဖြစ်သည့် ချိုကြီး စိမ်းစိမ်းကားကားပြုစဥ်က သူ့ရင်တွင်း မည်သို့မျှမခံစားရပါချေ ။
သို့ဆိုလျှင် သူသည် ဘာကိုဝမ်းနည်းနေသနည်း ။
သခင်လေးထံမသွားခင်အချိန်ထိသူပျော်နေခဲ့သည်
သူမတွေးနိုင်တော့ပါ ။
သူသည် သခင်လေးဆိုသူ၏ အာရုံစိုက်မှု ၊ အလေးပေးမှု လေးများကို တောင်းတနေမိသည် ။
ဤသည်ကား ဘာကြောင့်ပါ့လိမ့် ။
အချစ်ဟုဆိုစေထားပါရန်လည်း သခင်လေးသည် မိန်းကလေးတစ်ယောက်မဟုတ်ပါဘဲ ယောကျ်ားလေးတစ်ယောက်ဖြစ်နေသည်။
သူခေါင်းကိုသာအကြိမ်ကြိမ်ခါရမ်း၏ ။
လက်ထဲရှိစာအိတ်ကိုလည်း သူသတိမရပါလေ ။
သူ့ရင်တွင်း တစ်စုံတစ်ခုသည် တစ်စို့နေသလို ၊ တစ်ခုခုကို အလိုမကျသလို တနုံ့နုံ့နှင့်ခံရခက်နေသည် ။
YOU ARE READING
Beholders(complete) (Z+U)
Romanceတက္ကသိုလ်တက်ရန်အတွက် မြို့၌ အဘဖြစ်သူအလုပ်ကြွေးပြု သည့်အိမ်သို့ လာရောက်နေထိုင်မည့်ကောင်လေး နှင့် လူသူမသိသော ကြီးမားသည့် စံအိမ်ထဲမှ ထူးခြားသည့် သခင်လေးအကြောင်း တစ်နည်း.............. လိင်တူချစ်ကြိုက်ခြင်းကို လက်မခံနိုင်သည့်၁၉၇၀ ဝန်းကျင်၌ ခင်မင်ရင်းနှီ...
