ល្បិចបញ្ឆោតបេះដូង❤️ (Completed ✅)

part:37

មួយរយៈនេះ រឿងរ៉ាវដូចជាវិលត្រឡប់ទៅរកភាពដើម កាលដែលនាយតូចជួបគេពីដំបូងអញ្ចឹង គេយកចិត្តទុកដាក់ មើលថែនាយណាស់ ស្ទើរតែមើលមិនដឹងថាគេកំពុងសំដែងទៅហើយ តែធាតុពិតគឺនៅតែឃោរឃៅ ដាក់ខ្លួនមិនខុសអីពីយប់មិញទេ

Taehyung អង្គុយញ៉ាំអាហារថ្ងៃត្រង់យ៉ាងស្ងៀមស្ងាត់ នឹកឆ្ងល់ថាហេតុអីត្រូវឲ្យគេអង្គុយរួមតុជាមួយខ្លួននិង Jimin ដែរ? ទាំងដែលនាយស្អប់គេសឹងស្លាប់ ហើយគេខ្វះកន្លែងអង្គុយឬយ៉ាងម៉េចទើបបានជាចង់តែមកក្រវែលៗខ្លួនគ្រប់ពេល!!!

>អា Tae ឯងមានដឹងទេរឿង Yoongi ស្អីនោះទេ?<

Jimin បូញមាត់ទៅតុក្រោយខ្នងរបស់មិត្តខ្លួន ធ្វើឲ្យរាងស្ដើងត្រូវងាកមើលតាម ក៏ឃើញបងប្រុសក្រៅខោរបស់ Jimin អង្គុយញ៉ាំបាយជាមួយមិត្តភក្កិរបស់គេនោះឯង

>រឿងស្អី? បើឯងមិនប្រាប់ផងយើងម៉េចដឹង?<

រាងស្ដើងមិនដែលដឹងរឿងគេម្នាក់នោះអីបន្តិច ត្រឹមស្គាល់ថាគេជាមនុស្សដែលមិត្តខ្លួនស្អប់តែប៉ុណ្ណោះ....

>វាជាខ្ទើយ!!! យើងឃើញវាឱបថើបគ្នាជាមួយមនុស្សប្រុស កាលពីយប់មិញ!<
>ខឹកៗៗ<

Tae ស្ដាប់ហើយក៏ឈ្លក់បាយ មិនគិតថាបានលឺរឿងបែបនេះទាល់តែសោះ ហើយដូចជាចាក់ចំចំណុចរសើបយ៉ាងម៉េចមិនដឹង

>នេះទឹក!<

រាងស្ដើងស្រវាយកទឹកក្រូចពីដៃរបស់ Jungkook យកមកផឹកដើម្បីបន្លប់ ស្ទើរតែមិនជឿដែលនាយស្គាល់មនុស្សប្រភេទហ្នឹងច្រើនយ៉ាងនេះ

>យ៉ាងម៉េចហ្នឹង គ្រាន់អញ្ចឹងសោះដល់ថ្នាក់ឈ្លក់បាយ<
>ឯងមើលច្រឡំទេដឹង?<

នាយតូចមិនគិតថាគេជាមនុស្សប្រភេទនេះនោះទេ ទោះមិនដែលស្គាល់ តែមើលទៅគេដូចជាបុរសពេញលក្ខណៈ មិនសមណាជាហ្គេយ៍ទេ តែក៏ថាមិនត្រូវដែរមើលតែអ្នកនៅជិតខ្លួនរបស់នាយទៅ ក៏ជាប្រភេទបែបនេះដែរ តែម៉េចបានជាគេស្ដាប់រឿងនេះហើយ គ្មានប្រតិកម្មអ្វីសោះ?

>ច្រឡំស្អី ឱបថើបគ្នាបណ្ដើរ ដោះខោអាវបណ្ដើរហ្នឹងហេស ហៅថាច្រឡំទៀត?<