لا تعاتب طير غادر بيتهم وبعيد
طار اللي يدوس النار يدري مو ثلج
جواه نار احنا مثل اللي ينتظر يمتى
يموت وتدري صعب الانتظار
ل (خضير هادي )
...........
ساره العبيدي
.........
سيدرا
الحمد لله اجت ريمه رفعت عني هذا الي
يغطون بي الوجه ولجسم وعدلت البركع
ومكياجي وكعدت يمي جانت ساعه تقريبا ٥
لتمو بنات اقاربهم
ركصو شبعو ركص ههههه بعدين اجو بلغوهم
راح يبلشون يصبون العشه
كلتلي ريمه
.
ريلام
اباوع لوجوه صراحه لكل مبين
ماحاب سيدرا هههههه صراحه
حقهم لان يوم لعقد جانت بقمة
غضبها حتى ماكدرت تجامل احد منهم
فا الضاهر باقيه بعقلهم ركص وماعرف ايش
تقريبا حدود ل٦
او وره ل٦ ماتذكر بلضبط بس
كالوللبنات خلص طفو الاغاني
راح يبلشون يصبون العشه
واني متت ضحك سيدرا تصير تتعشه
ب٦ المغرب ولله يازمن لعد ايمتا يتغدون
ب٩ صبح شاورتها لج سدوو لضاهر
كل الدلال ولنوم راح يطير منججج
لج ب٦ يتعشون
يمكن ب٩ لغدا
..
سيدرا
لا يولي بس لان عزيمه هيج اعتقد
جابو صواني كبار دليميه
صراحه منضرها يشهي لي مايشتهي
ولكل كعدو بس انا ماقبلت
الخوف ولتوتر احس سد نفسي
بعدها بوقت سمعنه صوت الشباب يريدون
يزفون ساجر واني احس
خلص نتهيت لزمت ايد ريمه
لاتروحين امانه ابقي
.
ريلام
شبيج سوسو حبيبي ادري راح ياكلج ياعيني
كولي يالله ولا تنسين صلي اول ماطبين الغرفه
واني هسه راح ابلغ احته الكبيره حتا هيه وزوجها يرجعوني
يلا حبيبي انتي لا تتصرفين مثل لاطفال
ترا اني لصغيره مو انتي
..
سيدرا
طببوني للغرفه جانت
كلش حلواا ذوقه يجنن واسعه لدرجه مريحه
للنفس جان كلشي ابيض
بس الجدار الي خلف السرير
جان ورق جدران منقوش علي ورد وردي
صغااار نازك لدرجه
وجان اكو باب داخل لغرفه
الحمد لله اكو ب
داخلها حمام نقطه حلوا
بعد شوي ريمه عدلت اخررر
تعديله ع مكياجي وحطتلي الحمره
من جديد
وام ساجر كالت للنسوان
يلا حبيبات تفضلو خلو جنتي
تاخذ راحتها ماما ريمه اذا حتاجيتو
شي بلغوني
..
ريلام
خاله بس اكديلي ع رجعتي
ماكدر ابقا ابد عندي متحان بس جيت
لان ميصير اعوفها وحدها
.
ام ساجر
ابد ولله حبيبه لمتحان يولي
ماتروحين من عدنه ماشفناج
..
ريمه
غير مره ولله خاله ابد اعذريني
لازم اروح
.
ام ساجر
خلص حبوبه تدللين مثل ماتردين هسه
ابلغ بنتي وزوجها
يوصلوج بدربهم همه راجعين
لبغداد لان عايشين هناك
...
سيدرا
سمعت صووت الهوسه وكلشي
ينذر على قرب دخوله للغرفه
اجا باس راس امه وهيه تدعيله
ستأذنت ريمه وطلعت وتبعتها ام ساجر
سد الباب وقفله
وختفت لبتسامه الي
بوجها وتحولت البرود لملامحه
لي عرفته بيهن ماستغربت
توقعت ينتهي يومي نهايه سيئه
فتحت الجنطه لي مخصصتها لهليوم
ردت اطلع الثوب الابيض
كلت مايحتاج طلعت بجامه ستن
بيضه اخذتها وخذت فرشت لاسنان
ولغسول ومزيل المكياج
وبدون ماحجي اي حرف مشيت
من كدامه طبيت للحمام نزعت فستاني
الحمد لله جان نزعه سهل محتاجيت مساعده
وكفت كدام المرايه شلت الكم ماشه الي جانو مخليها الي
فرشت اسناني ومسحت الميك اب
غسلت جسمي وتوضيت وبدلت
وطلعت لكيته جاي يدخن ع الشازيلون
فتحت الجنطه الثانيه
طلعت ايزار الصلاة
وفرشت سجادتي صليت وكملت
ونزعت الايزار سفطته
وفتحت لكنتور اول باب
جان بي ملابسه ولثاني نفس لشي
لبعدها جانت فارغه فتحت
الجنط وبلشت احط اسفطهن
ورتب الي للبيت ولي تعليك للطلعه
ولاحذيه والجنط لان اني محبيت
احد يرتبها حبيت اني اسوي
شغلي بيدي
وكذا اخذني لوقت سمعت رنت
تلفوني جانت ساعه ١١
يا بسرعه فات الوقت
طبعا طول الوقت هوا ع لجربايه
ولازم الفون مدري يتراسل مدري
بس يتصفح او بس يغثنيي؟؟
رديت جانت ريمه كلتلها طمنيني عنج
كالت بلبيت سئلتني تعشيت جاوبتها اي
الحمد لله كالت زين شنو الوضع
جاوبتها اي الحمد لله
فهمت هوا يمي سكتت ونهينه
المكالمه كملت شغلي رحت مددت بلجانب
الثاني من السرير
تعبت شسويله خو ما اريد ابقا طول ليوم
انتضره يبعد حتى امدد
هوا مجرد ما مددت نهض بسرعه
فتح الكنتور سئلني
.
ساجر تريدين الضوا لو اطفي
.
سيدرا لا طفي تعبانه اريد انام
اخذ ملابسه وراح للحمام
اني غفيت بسرعه كعدت بعد ساعه او اقل
ماعرف بس جان جاي يفتح الملحق
طلع من عنده دوشك وبطانيه
بقلبي خفتا وراحه ميته عليك قابل
فرشهن كالي اسف كعدتي من صوت لكنتور
كلتله لا عادي ورجعت نمت
الصبح كعدت على دكة لباب
لكيته كاعد ولام لفراش من كعدت فتح
الملحق وضمه فتح لباب
جانت امه دخلت شافتني بلبجامه
وهوا نفس شي ولازم لجكاره
نرسمت على وجها ملامح الاستغراب
بس اني كلت اثول لوضع
اجت صبحت علينه وكالتلي
يلا حبوبه كومي اكشخي وتمكيجي
حتا تنزلون تتريكون يلا راح
يلتمن لحبايب حتى يباركن الج
وبعد شوي توصل حبوبة ساجر
ماكدرت تجي لبارحه جانت مريضه
كلتلها تمام خاله اكمل وانزل
لاحضتها خزرت ساجر مستفهمه
وكأنها تريد تعرف شنو لي جاي
يصير بس غلست
كمت رتبت لفراش
جيت تافتح لبرده صاح بيه
