يا غربتي غربة عصافير التودع عشوشها برفّة جنح
ويا دمعتي دمعة الكاع اللي تبكي موت أهروشها
بجيت الملح يا دار أهلنا الطاهرة مر العمر عيون الحب امساهرة
وما مش خبر بهيدة على بختك يا كمر
من قصيدة ياكمر
*******************&
سارة العبيدي
**************
نبداء بارتنه بالصلاة على النبي .
لاتنسون التصويت وتعليقاتكم الحلوا
وساعدوني بنشر القصه
*********
كرار
زين احجيلي
خليني اعرف شنو لي ترك عندج ردة فعل
لهلدرجه
.....
سيدرا
مممممممم مو هسه بعدين
يلا كافي ترا نطيتك عين هوايه
يلا خليني اطلع
تعبت هوايه من الامتحانات اريد اروح
ارتاح
....
كرار
راح اشتاقلج هوايه
عفيه سيدرا لخاطري
حاولي تتفقين ويا امج نحدد موعد
ترا صبري خلص
اريدج يمي
.....
سيدرا
خجلت من كلامه ماعرف شنو اجاوب
كلتله ان شاء الله حبيبي
ماعرف شلون طلعت من لساني
ماعرف شلون نطقتها ولفاجئني ردة فعله
خلاني اتبخر من لخجل هههه
......
كرار
شنو شنو عيدي بربج عيدي
....
سيدرا
كرار عفيه ولله طلعت بدون ما انتله
....
كرار
معلش لخاطري امانه عيديها
....
سيدرا
حبيبي ها هيج رتاحيت
......
كرار
اي اي ولله رتاحيت
لو تسمعين دكات قلبي صارت
طبول احبج سيدرا وربج احبج
.....
سيدرا
واني هم يلا باي
مشيت بسرعه لباب لخروج جانت هوسه الخطوط
هواايه بقيت ادور خطي ماكو
تصلت على لبنات كالو مشه الخط
مالكيناج حسبالنه طالعه
كلتلها تمام عمري
صراحه جنت احس عندي طاقه فول
ههههه ماعرف يمكن سبب
كلام كرار يخلي عصافيري
تحلق بعيد
كلت خليني اتمشا شوي وبعدين اخذ تكسي
مشيت حسيت الشارع بلش تقل لزدحامات
كلت خليني اخذ تكسي
وكفت انتضر تكسي
ماحسيت غير سياره وكفت كدامي ونجريت بسرعه لداخلها
****§åřå95
سيف
نتهيت مرت ايامي بعذاب
بين كوابيس
بين صداع ملازمني ٢٤ ساعه
حتى بنومي اكعد من الالم
بس ماجان بالي شي غير
شلون ارضي ليليان
بلش وضعي الصحي يتدهور
ملامحي بلشت تتعب
جنت كاعد بالنادي ويا صديقي
كالي سيف شبيك مو ع بعضك
حجيتله صفن بوجهي
كالي سيف انتا تحس روحك
طبيعي الي جاي تمر بي
مو حب ابد ولا لانك
خايف تخسرها
الموضوع بي غلط ولازم تنتبه
وصراحه اني ملاحظ شغلات على البنت
انتا معمي من ناحيتها
ترا لبنت مو بريئه مثل ما انتا مفكر
فد وحده ملعبه
سيف تنرفزت هوايه من كلامه كمت تاطلع
ماتحمل اي شخص يحجي عنها
احس حبها مسيطر على كل جزء بيه
مستعد اخسر اهلي
ولكل لخاطرها
لخاطر ارضيها
لزم ايدي قيس صديقي كالي يخوي
صدكني لجاي احجي لمصلحتك
لاتنسا سيف اني وياك من ايام المدرسه
سوا مو ليوم ولبارحه تعرفني واذا تحب
اثبتلك انك مو طبيعي اكدر
جاوبته وشلون تثبتلي
كالي سيف بعدك ملتزم بصلاتك
خجلت شلون اجاوبه اني
صارلي اشهر تركت لصلاة ماكدر كل ما اريد
اصلي شي يمنعني احس روحي تعبان
سكتت سألني على علاقتي بأهلي
كلتله قيس ولله ماعرف مادري شنو لي
جاي يصير ويايا نصحني اروح شيخ
ضحكت كلتله شهلخرابيط
شتقصد كالي تفهم قصدي
كلشي جاي تمر بي مو صح
وهاي لبنت اني مامرتاحلها
فكر ومن تقرر بلغني اني
اروح وياك وتتعالج وكلشي يمشي طبيعي
جاوبته ماعرف يلا عذرني راسي يوجعني راح
اطلع للبيت
مشيت واني دايخ بكلامه جزء مني يريد يصدك
وجزء يرفض بقوة
نفضت الافكار من بالي
ومشيت لسيارتي اول ماصعدت شفت ليليان
من بعيد لازمه ايد
شاب ماعتقد من قسمنه اصلا
ردت اروح احجي وياها وافهم
بس شي داخلي وكفني شغلت سيارتي ومشيت
صار كلام قيس
يتردد بعقلي رجعت بسرعه توضيت
وكفت تا اصلي ماكدر احس تعب لزمني
مددت بفراشي وتغطيت طفيت لضوا
اريد بس انام
كعدت على صوت هوسة
اسمع صوت امي تبجي وريمه تهدء بيها
هف شسالفه
طلعت كلتلهم شبيكم ردت ريمه
الحك سيف سيدرا ماكو اتصلنه ع صديقاتها
وبابا اتصل على
الخط كال مارجعت ويانا
سالتهم بابا وين كالو بلمركز
لبست ملابسي وبسرعه
رحت للمركز §åřå95
..........
سيدرا
صحيت اني بغرفه
مابيها اي شي
غير مده بلكاع مخليني عليها
وماكو اي بشر يمي كمت افتح لباب لكيته مقفول
صرت اردد ادعيه بداخلي واتلمس ملابسي
الحمد لله بعدني محد لامس ملابسي
بس ليش جابوني لهنا
شيريدون مني
بقيت على كعدتي
طب واحد ملثم
حط يمي ماعون مغلف
وطلع بدون اي حرف
صحته ياولد اني ليش هنا
باوعلي ومارد
وقفل لباب
فتحت لغلاف
جان لفات
مردت اكل بس جنت جوعانه حيل
خفت اكل ويكون لاكل بي شي
عفته وبقيت كاعده
باوعت من لشباك لدنيا ليل
ياربي معقول اهلي مافتقدوني
لحد هسه زين كرار هسه قلبه شيكول اذا
عرف اني مخطوفه
حسيت بطنيي نتهت من لجوع تقربت
اخذت لفه اكلتها وشربت مي
ورجعت مددت ع نفس المكان
وابجي وردد ياربي لاتتركني
يارب لا تخليهم يأذوني
غفيت ماحسيت اله ثاني يوم
كعدت ونفس شي محد طب حسيت اريد اروح
للحمام بعد ماتحمل
صرت ادك بلباب بكل قوه افتحووولي
اريد اروح للحمام الله يخليكم
فتحولي اني شنو مسويه الكم
اكثر شي جان مهسترني انو محد جان يجي
او ماكو احد اصلا بلبيت لي اني بي لان ماكو صوت
بقيت ادك بلباب بدون فايده لبعد ساعه او اكثر ماعرف نفتح لباب
نفس لشاب لملثم ماحجا اي كلمه اشرلي اكوم كتله وين تاخذني
مارد اجا لزمني من زندي وخذني
كبال باب فتحه حمام دفعني طبيت
وسديت لباب
صرت اتفحص لمكان خاف بي كامره
ملكيت شي كملت
كمت غسلت وجهي
ومسحت رقبتي بمي
وفتحت لباب لكيته
بوجهي لزم ايدي بكل قوه ورجعني لنفس لغرفه
صحت بوجها اتركنييي
انتو منو ليش جايبيني الله يخليك تركني ماكول لاحد انتو خطفتوني
ضحك بستهزاء وهاي اول مره اسمع صوته
عيونه لشي لوحيد لجان واضح منه
عيونه جانت واااسعه رموشه كثيفه
ولون عيونه بلون البن
دفعني للغرفه وسد لباب
بقيت مره ابجي مره اتذكر اهلي مره اعاتبهم
مره ادعي واتذكر ايات وادعية الحفظ
عدا لوقت جعت وعطشت كلشي ماجابولي
لافاهمه ليش اني هنا ولا يمتا راح اطلع
احس روحي صارت تطلع كمت اضرب
لباب بكل قوتي
واصرخ طلعونني ياحيواناتتتت
طلعوني الله ياخذكم شعدكم وياي
ندفر لباب بسرعه بتعدت
طب نفسه لشاب لملثم
§åřå95
كال شكو تصيحين
كلتله ليش جبتوني شعدكم وياي
طلعونني من هنااا اني ممسويه شي
اتصلو على اهلي
اذا تريدون فلوس ولله ينطوكم بس طلعوني
تقرب مني كعدت بلكاع
ولميت رجليه على جسمي احس
كل جسمي يرجف خوف
نزل لمستوايه خله ايده ع حنجي رفع وجهي
احس جسمي كله جمد
خله عيونه بعيوني نضررات تحدي
كالي بلغنه بابا ياروح لبابا
حتا نشوف انتي غاليه
عنده لو لا
ولا تخافين احنا مانريد فلوس
لو نريد فلوس اخذناها مانخاف من ابوج
بس عدنا يمه شغله
يخلصها وتطلعيله
يادلوعة لبابا
رفعت ايدي دفعت ايده كتله لاتلمسني زين
ضحك نفس ضحكته
وكف كال اصلا اني
ماتشرف المسج
بسسس ادعي الوالد المحترم يبعد عن شغلنه
حتا مااا اضطر لاسامح الله والمسج
حسيت نتهيت منا الخوف منا الجوع ولعطش
لتفت كالي عطشانه
كرامتي ماسمحتلي احجي
بكل حقاره جاوبني احسن مالي خلك اطلع
للحمام
وطلع وسد لباب
بعد فتره
لغرفه صارت ضلمه عرفت ليلة لدنيا واني بعدني
على لفة لبارحه
باوعت البطل باقي بي شوي مي
شربته
ورتاجيت ع لحايط
ابجي احس بهاي اليومين كبرت سنين
لخوف اكلني اكل
معقول بابا يضحي بيه
الخاطر شغله
زين سيف صح مريض بس
معقول يسكت ويعوفني
عند رجال غريب
سرحت بتفكيري
ممعقول شخص واحد ويايا اكيد
همه عصابه مستحيل
شخص يسوي كلشي وحده
فضلت اني اسكت
حتا ما استفزهم
ويسوولي شي
§åřå95
او ياخذون اغله شي عندي
وعند اي بنت
نمت ودموعي تارسه وجهي
كعدت ثاني يوم ع صوت فتحة لباب
بس مافتحت عيوني
حسيت دفره ع خاصرتي
احس جسمي نشل من وجعها
فزيت بسرعه وكعدت
جان غير شخص ملثم بس ميزت عيونه
جانت عيونه بيها
كل البشاعه لي ممكن تخطر على بالكم
مااتمنى الايام لعشتها لاي بنت
بصوت خشن بشع كالي كومي حيوانه
ماستجريت ارد كمت لزمني من ايدي شمر عليه علاكه وداني للحمام
فتحتها بيها ملابس بيت
تراك جان طويل ومستور
صفنت شنو اني مطوله هنا
ندك لباب قوي خترعت كالي ١٠دقايق اذا صارت ١١ اكسر لباب واطلعج
بسرعه سبحت ولبست لتراك
حتاريت شهلتصرفات المتناقضه
شو اكل ومي مانطوني
وهسه ينطوني ملابس
بسرعه كملت وطلعت
§åřå95
وخليت ملابسي بلعلاكه لي نطها الي
لزمني من زندي قوي
كال لو ما الاستاذ جان
حتا ماخليناج تطبين
للحمام بس امرنه
ندير بالنه عليج لضاهر دخلتي باله
احس الدم نشف بعروكي
مابديت اي رد فعل
منو الاستاذ وشيقصد
طبيت للغرفه
لكيت حاطين بيها دوشك ومخده
ولفه وبطل مي صغير
قفل لباب وراح
طبيت اكلت نص لفه
كلت بليل اكل لباقي
حتا اكدر انام لان
لجوع يأذيني وماشربت مي هوايه ماريد
احتاج الحمام
اسمع اصوت بره هاي اول مره
اسمع صوت اشخاص
جان نقاش حاد لي فهمته نفس لشخص
صاحب العيون البنيه
صوته جان مميز بينهم
كاللهم من اكول شي
يتنفذ اني صح اول مره اخطف بس
همه اجبروني اول ما
تعبر الشاحنه ويطلعون
ولدنا سلامات وكتها انتا
سالم تخليها بسياره وتشمرها بباب اهلها وخلص
سمعت صوت خطوات قريبه
بسرعه رجعت لدوشكي الي خليته
بنهاية لغرفه
وسويت روحي صافنه بلسكف
نفتح لباب
جان صاحب العيون البنيه
اجا وكف فوكايه جيت اكعد
اشر تؤ تؤ
ابقي بنبره عصبيه
بقيت مدده
ثنى رجلي كعد لتفتت للباب
شفت نفس صاحب لعيون لبشعه
يباوع بنضره ستهزاء
ركز بعيوني صاحب العيون البنيه
شافني اباوع بتجاه الباب
لتفت اشرله اطلع وسد لباب
خفتتت حسيت خلص نضراته
ابد ماتدل على انو هليوم راح يعدي
على خير
بقيت مركزه على ايده
شفته شال ايده نزلها لمس ايدي
جسمي كله رعش
لزمت ايده بثنين ايدي
ابوس بيها الله يخليك
لا تأذيني ابوس ايدك اعتبرني اختك
ولله ماسويت شي
شنو تريد اسوي بس لاتلمسني
جنت لازمه ايده ارجف وابجي احس دموعي
ناار ويجوي بخدي
خوووف اني افقد شرفي
مستحيل بعدها اتقبل نفسي
اموت نفسي ولا اعيش بعاار طول عمري
رفعت وجهي
لكيته صافن بوجهي
كالي اهدي ماراح اسويلج شي خلص
تطمني لا اني ولا غيري
كلتله الله يخليك هذا لي جاني لصبح لاتخلي يطب
هنا للغرفه بداعت امك
حسيت من عيونه بتسم مجنت اشوف وجها بسبب لثام
كالي سوالج شي هذا الساق....
كلتله لا ولله لا بس ماريده يطب يمي
كالي وشدراج اني احسن من عنده
يجوز بالي احصل شي
كالها وعيونه
كلها بمكرر
دنكت ماعرف شنو اجاوب بس ماعرف
ليش وثقت بي مد ايده
بنفس الحركه رفع وجهي من حنجي
وكالي خلص محد يطب
يمج غيري راح اخذ
المفتاح بس تصبرين
ماتطلعين للحمام لمن اكون مشغول
كلتله اي اي ولله بس
لا يطبلي احد منهم
وكف وهوا يحاول
يشتت نضراته عني وكالي خلص
اتحملي لعد
تحمحم فتر بلغرفه شوي برتباك
وطلع وقفل لباب
مدة دقايق
وطب بيده علاكه
كالي لاتنسين ماراح تطلعين للحمام
ستحيت كلتله تمام
........
§åřå95
يتبع شاركوني رئيكم نوروني بتعليقاتكم الحلوه
مثلكم
