يكلها اليوم امشي عليج الم كل العگل
والمايمشي وياي ينمطل خوش زلمة اصل وفصل القسمة ماتاكل بعد عندي رصاصة
الة حيطان اهلج انخلهن نخل انتي غير تعافيتي ذبي العدسات اي غير عيونج
تطيح العكل
........
ساره العبيدي
..........
بارت جديد واحداث
جديده راح تغير حياة ابطالنه
ومثل كل بارت خلونه نصلي على النبي
......
مشت ايام الاسبوع
ركض من كد قهري حسيت
لوقت يتعمد يطير بسرعه
حتى يجي ليوم لي انجبر بي
على ساجر
لمفروض بعد يومين يجون بابا اصر
انو انزل ويا ماما وريمه
اشتري تجهيزات للعقد
وطبعا ريمه ماقصرت هيه تولت كلشي
وصتلي على ميز العقد ولشال وكلشي
كلشي جان حلوو ممكن يكون امنية
اي بنت بس مو اني ماعرف
بس اكو شي بداخلي رافض
هلموضوع من الاساس
بليل فتحت لواتساب
طبيت كتبتله
✉الله يخليك ساجر
ماريدك صدكني ماريدك
شافها ونفس شي ردلي لايك
§åřå95
ك
مت رحت ع غرفة بابا وماما
دخلت كلت احسن شي
احاول اكسب عطف بابا
لعله يوافق ع كلامي
..
ابو سيف
ها عروستنه زايرتنه
ليوم شعجب محتاجه شي
..
سيدرا
بابا الله يخليك صدكني
ماريده ماكدررر اتقبله
اني اساسا كم مره اشوفه
لمن اروح للدوام اكرها ولله
..
ابو سيف
اي عادي الحب يجي
بعد الزواج هاي امج ابسط
مثال هسه اني وياها روح بروح
فا يابابا عوفي لكلام الزايد
ويلا روحي نامي باجر حفلتج
....
سيدرا
بابا بس افهمني الله يخليك
.....
ابو سيف
ماريد نقاش كافي سيدرا
تحملت عنادج هواي روحي لغرفتج
لاتخليني اطلع من طوري
....
سيدرا رحت للغرفه فتحت
جرار اخذت لموس وطلعت بسرعه للحمام
واني ابجي لو اموت ما راح
اقبل اكون اله هوا تحداني خلي
يستفاد طبيت للحمام اباوع
للمرايه مر كلشي صارلي بحياتي
كدام عيوني تحرش ياسر تحرش عمي
بماما حالتي لنفسيه
وكرار اي كرار اول نبضه بداخلي
وكسرته الي خليت الموس وشككت معصمي
اول ماحسيت الدم بلش يجري
حسيت الخوف كطع قلبي
صحت صوت عااالي
واغما عليه كعدت بغرفتي
الضاهر جروحي ماجانت قويه
لانهم لافين ايدي بشاش
باوعت يمي سيف
وريمه الضاهر بابا وماما ماسمعو
سيف خزرني وكالي ماكولج
بس شغله وحده انتي اتفه بشر
مر عليه
ريمه سكتته وطلعته بره لغرفه
اجت كعدت يمي
..
ريمه
ليش هيج تسوين بنفسج وبينه
ليش ياسيدرا كو تعبتيهم هوايه
ماتشبعين من البجي كافي خلص
باجر عقدج ونتها الموضوع ياعيني
يلا نامي ورتاحي حتا الصبح
نروح للصالون مدري ششاف بيج
هل احول انتي شواربج اطول من شعري
...
سيدرا شكد جنت تعبانه ضحكت
على وصفها
ضربتها على جتفها ولي
عني ما واصلتج
بقيت اليل كله افكر لحد ما ايقنت
خلص لازم ارضا بلي مكتوبلي
غمضت عيوني وماكعدت اله
ع صوت ريمه
..
ريلام
يلا بسرعه كومي راح يروح علينه
الحجززز يلا عروستنه وصيت سيف نمر
على السوك حتا نشوف غير لفستان
لااخذتي لازم فتسان يغطي
ايدج العالم شنو يكولون
يشوفون ايدج يلا بسرعه
حبيبتي
..
§åřå95
سيدرا
كمت يلا كمت لبست بنطرون اسود وقميص اسود قصير بلكت يشوفني ويموت قهر
ومالفيت الشال بس حطيته
على راسي وطلعت كذلتي
والحمد لله جان بالشارع
شفت نضراته شلون معصب
رفعتله حاجبي بمعنى ماتهمني
ضحك بستهزاء هلحركه تجلطنيي
رحنه اول شي الكم محل
الحمد لله لكيت فستان
كلش حلو ذهبي على الجسم
اخذته ورحنه للصالون
اول شي سوولي وجهي وحواجبي
بعدين ماسكات وسويت تسريحه بسيطه
تقريبا نفس لي سوتها
مرام بخطوبتهم ومكياج نازك
بس ماخليت عدسات هلمره
كملتلي باوعت لروحي نضرة
رضا صدك جنت طالعه حلوا
بس غصه بداخلي منغصه كل شي
يعني هوا لي ربح بلاخير
وكلامه لي تنفذ واني لي
نحطيت امام الامر الواقع
بس لصوج بيه جان لازم احجي
كلشي من لبدايه وولو ماضل
فايده لكلمة لو
تصلت ريمه على سيف جا اخذنه
وبعده زعلان مني مايحجي
وياي وحقا طبعا تصرفي
جان اكبر غلط شفايده
صلاتي واني جاي انتحر
واغضب ربي ومو بس
هيج جان جبت كلام فاضي الاهلي
بسبب تصرف غلط مو كافي عليهم سالفة
اختطافي وبقيتي هناك
رجعنه للبيت برجعتنه شفنه
الهوسه لي ببيته واضح وصلو اهله
بين ما اكلنه وكذا لعصر اجو
وجابو وياهم لشيخ ماجو نسوان قبل
لان هوا وبابا جانو متفقين
على كلشي وبحكم انو طريق وماعرف
ايش فا كتفو انو كببل عقد
لمن اجت المشيه سيارات ترست
المنطقه وكلها سيارات حديثه
وعاليه تدل علي رفاهيتهم
طبو كلهم شفناهم بلكامره اني
وريمه طب ساجر جان لابس
الزي العربي الحقيقه
جان هيبه بمعنى الكلمه
حتى ريمه تباوع وتغمزلي
منو كدج ولج كلهم لي طبو ماكو
بحلاته اخذتي صاك العشيره
الله يعين قلبج شكد راح
تواجهين معجبات غميتها بلضحك
ورحت باوعت للمرايه للمره الاخيره
قبل ماطب يم اهله طبعا ماما وريمه
همه لي ستقبلو النسوان الي طبو وبعدين
صاحوني طبيت هوايه جايين
كرايبه جان شكلهم حبابين
امه اجت وسلمت عليه وتبوس بيه
ودكول يمه جنتي شحلاتها وتصيح للبنات
تعالو سلمو على مرت اخوكم
اني احس الخجل اكلني
بس لاحضت اكو كم وحده بودهم
يكومون يكطعوني هههههه
واضح من معجبات السيد
ساجر طنشتهم وتلهيت وياهم
يتعرفون عليه خواته جانو حبابات
لحد ما بلغونه لازم اكعد وره لباب حتا
الشيخ يعقد النه خلو على راسي
الشال الاببيض وبلش لشيخ يحجي تفاصيل
المهر الصدمني المقدم ١٠٠مليون
ولمؤخر ١٠٠ وحج حتى صفنت ماعرف
شنو ارد كلتله لا شيخ اني مهري
مو فلوس اني مهري رجال
يحافظ عليه ويصوني اريد مقدمي
قران ومؤخري حج اهله تعجبوو
وماما فرحت كالت عفيه عليج
بنيتي المال مايكبر احد
الشيخ كالي بارك الله بيج بنيتي
ووتم العقد على ما اني اريد
مفكر روحه يشتري قلبي
بفلوسه استاذ ساجر نوب حتى
اسمه مكروه وصعب مثله
بعد مده اكيد جان المفروض يطب
يلبسني الحلقه وجنت ناويه اول ما
اشيل العصير اذبه على ملابسه
ع اساس بلغلط
وطير كشخته للعريس
بس لي صدمني
من امه اجت كدام الكل
اني اعتذر بس ساجر ميحب الشكليات
ووصاني اني البسها الحلقه
شهلتصرفات هاي وهوا لي كتل روحه
بس حتا يحصلني
وبلفعل امه لبستني الحلقه وماما
ابد ما عجبها هلتصرف
لان حست بيه نقهرت
بس اني كلتلها بعد احسن اني اصلا
ماريد اشوفه وعرفت شلون اقهره
تذكرت سيف لمن رجعنه من خطبت مرومه
اجا يدور صورها من عندي
اول ما اجت اخته
حتى تاخذ صوره وياي
كلتلها اعذريني بس ما احب الصور
حسيت بيها نحرجت واني
حسيت بوقاحتي بس معلش خلي
قلبه يحترك على شوفتي لان
متأكده هوا لي وصاها تصور وياي
ان شفتها تكتب بلفون قبل
لاتجيني وتباوع عليه واضح
جانت تحجي عني يلا خلي
يتحسر وهاي بدايتها ونشوف
منو لي يربح بعد مده قليله
راح الكل بقينه اني ومرام
الي اجت علمودي وريمه
كملنه تنضيف لبيت ولهوسه لي صارت
ورحنه لغرفتنه نسولف لي
صار واكيد سوينه ستوديو
تحليلي لمجريات الخطوبه ههههههه
سوالف بنت منكدر
بدونها لكل اجمع
انو لبنات لثنين جانو
يخزرون بيه
واضح معجبات بساجر
او وحده منهم
معجبه ولثانيه خط
دفاع مساند الها
اجت ماما كالت كومو
يلا سيف جاب عشه
اني وريمه كلنه بصوت واحد
يمممه شكد مكااار هاي لان يعرف
مرام هنه سوا روحه كريم
ماما كالت اسكتو لاتخجلون
مرومه يلا ماماتي يلا جايب
بيتزا يكول مرومه تحبها يلا
قبل ماتبرد تعشينه لاحضت سيف
يفتر داير مدايرنه حبيت اخبث
كلتلها يلا مرومه نرجع لغرفتي
سيف نط اااا شرئيكم تعوفونه اني
ومرام عندي موضوع وياها
باوعتله هممممم تمام
عفناهم بلاستقبال وماحجيلكم
§åřå95
عن نضرات مرام تتوسلني
ابقا بس ماحبيت اكسر
خاطر اخوي خطيه ابوها
لمن يروح يستلم خفاره
فوكاهم ههههههههه كاعدين نسولف
سمعت رنت جهاز غريبه
شلته جانن مكتوب المتصل
بابا يا هذا فون مرام كمت من
غبائي فتحت باب لاستقبال
وطبيت بسرعه شو هذول
ماعرف شصابهم تطشرو بس
لواضح طبيت بوقت غلط
تحمحمت ااا مرام تلفونج يدك
لزمت ايدي كلتلي جايه
وياج ضحكت على منضرها
وراحت بسرعه لبيتهم
رحت لغرفتي نتضرت منه
رساله ماكو خلي بعد احسن
رتاحيت من عنده تذكرت شكله
جان كلش حلو شكد الكل يكولي
انو اني جمييله وانو ملامحي وجسمي
وكلشي بيه حلو بس يمه احس
اني لا شيء من الجمال
غفيت واني افكر كعدت ع صوت تصال
ساعه ٤ لفجر زفرت بنفاذ صبر
ستغفر الله ساجر هسه
وقتك شلت الفون لمتصل جان
!!!!!!!!!!!!!!!!!!!
يتبع
