اياماً تمضي من لعمر
لاندري اله اين لمطاف
لكننه نعلم بان اقدارنه
بيد لله وان الله لايخذل
عبد التجئ اليه فيارب
انته تعلم مايحمله قلبي فارح قلبي
..........
ساره العبيدي
............
تسريع احداث
ليوم اول يوم بعطلة نصف السنه
قررنه اني وسيف
نحجي ويا بابا مااما بخصوص
خطوبته من مرام
طبعا بابا وماما فرحوا هوايه
لانهم يحبون مرام كلش
ويعرفون شكد اخلاقها حلوا
واكيد ماراح تاخذ سيف منهم
هههه لانهم اكثر شي يخافون من
عندا انو سيف يطلع من يمهم
ويبقون وحدهم فا فرحوا انو
ختار مرام .قرر بابا يروحله زياره
رسميه بليل ويحجي ويا
والحمد لله جانه الرد انو
والدها ماعنده مانع بس
يريد ياخذ موافقة لبنت
وبعدين يرجع النه جواب
وبابا كاله على راحتكم
طبعا لازم تفكرون وفعلا
بعد كم يوم ردولنه خبر لموافقه
بابا عزم كلل اصدقائه على المشيه
طبعا رحنه زلم ونسوان لانها جانت
مشيه وعقد بنفس ليوم رحنه
وجانت مرام طالعه
ماعرف شوصفها
بس اول ماشفتها اني
وماما صلينه
على النبي خفنه عليها
لان تجنن
بياضها وخدودها ولون
عيونها
وشعرها الطويل لنازل
جوا خصرها
جانت مخليه مكياج بسيط وحلو
بنفس لوقت
§åřå95
جانو لموجودين خالاتها وكرايبها
بس ماكنت اشوف بعيونهم فرحه الها
عجيب يعني فوك مايتيمه
ولازم يعوضوها
بهليوم نوب تحسيهم جايين غصب
بس يلا اهم شي
احنا فرحانين بيها
بعد مده اجا لشيخ حتا يسئلها
ااذا موافقه خلينه على راسها الشال
الابيض كررلشيخ السؤال ٣مرات
ندستها جاوبت نعم وانت وكيلي
وماحجيلكم على هلاهلي اني وماما
وريمه خلينه الكل يهلل ويانا
طبعا فرحانين وحيدنه هذا
هههههههه بعد شوي ابوها
طب باس راسها وباركلها
وبعدها اجا سيف حتا يلبسون
الحلقات ايدين مرام جانت ترجف وسيف
منضره يضحك جان لازم كلنسه
ويمسح عرك جبينه من كد الخجل
لبسها الحلقه وهيه هم لبسته
حلقته وسط الهلاهل
وباس راسها كعد شوي
ومن بعدها بلغونه خلص
حتى نرجع لبسنه شالاتنه
وطلعنه لي صدمني
وجود ساجر ويا لمشيه
ادري هذا شعندا شلون يجي
بصفته شنووو طبعا
مايحتاج سياره لان احنا بيت جنب
بيت رجعت دزيتله شنو
✉تحس شعندك جاي
كوه تريد تسوي روحك من عدنا
✉ياهلااا كنت انتضر رسالتك
ههههههه اهدي بويه اهدي
مو زين عليج العصبيه
✉مالك شغل بلي زين عليه
ولي مو زين رجاءً ابتعد
عني افهم ماحبك ولا راح احبك
لو تبقا اخر رجال بلكون
✉ومنو يمج منو بكربج اني جاي
والدج عزمني لان اني ويا
هلفتره ربع.......
عفته ورحت اغير ملابسي
شنو قصده بلربع ولنقاط
مستحيل بابا يصيرون
ربعه ناس مجرمين
واني ابدل سيف دك باب لغرفه
كلتله اكمل واجي
رحتله كالي دزيلي لصور
لاخذتيها النا اني ومرام
ضحكت ضحكه شريره
وشتنطينيييي
سيف
انطيج طراك دزيهن ودزيلي رقمها
ستحيت اطلبه
او اكولج لا لاتدزيلي لرقم
باجر راح اروح اخذلها فون
ورقم جديد احسن حتى
بحجة الهديه اروحلهم
شرئيج
.
ههههههه تمام خوش حجه
بس اذا ابوها شحتك من بيتهم
اني مالي شغل
رحت دزيتله لصور
كتبتله هنياااالك عيني ماخذلك لعابه
.....
عدة الايام بسرعه ورجع لدوام
طبعا ذيج لفتره جان عليه
ضغط قوي بسن
تحضير
خطبة سيف وبين تصحيح لدفاتر
بس الحمد لله عدة على
خير وكدرت اوازن بين لاثنين
اني بالصف دك جهازي شفته ساجر
فتحت الجهاز حضرته من
كل لمواقع وحضرت لرقم
خلص كافي لعب لهنا وبس
