"ونعوذ بك من تغير القلوب
بدون حجه ومن عداوه
تأتي بعد المحبه
ومن الخيبه فيمن أحسناً يوماً الظن به."
********
ساره العبيدي
******
صباح الخير
متابعاتي الحلوات لاتنسون التصويت
اتركم ويا بارت جديد نبدي حجولي جنتو متوقعين هلشي ممكن يصير 💔
بالصلاة على النبي
...........
قررت ليوم لو اموت جوع ما اكل
نفتح لباب هوا وناطيني ضهرا
كال كومي للحمام كلتله اريد اسبح
لوسمحت حضرة جنابك
محسيت اله لتفتت جرني علي بكل قوه نضرب راسي بصدره نزل راسه لمستوايه
كالي ترا ناطيج مجال هوايه غيري
جان هسه لاعب بيج لعب
فا احترمي نفسج احس بقيت خانسه
مانطقت ولا حرف بتعد عني
كالي جيبي ملابسج ويلا بسرعه
هزيت راسي وخذت ملابسي
وكفت اشر امشي كدامي
§åřå95
مشيت واني ساكته طبيت ركض للحمام
كملت بسرررعه وطلعت
اومالي براسه مشيت كدامه وطبيت
للغرفه جاي اسد لباب
دفره برجله
رجعت وره تقدم صار قريب مني غمضت عيوني حسيت وجها قريب من رقبتي احس الدم جمد بعروكي فتحت عينه سوا روحه جاي يشيل لمنشر وبتعد وهوا متجاهلني
ماعرف ليش احس دكات قلبي صارت
عاااليه مسموعه احس حتا لي خارج الغرفه سمعع صوت دكات قلبي كعدت واني اباوع للحايط
الي كبالي حسيت الخوف اكل قلبي
شجاي يصير ياربي
لمغرب هيج وقت جابولي
الاكل ماكلته عفته بس
اخذت لمي شفته تاكدت ممفتوح
شربته وسويت روحي نايمه
نفتح لباب
بعد فتره فتحت عيوني خفييف
شفته ساجر
اول مره اشوف وجها بدون لثام
تفاجئة من كد الجمال الي شايله
ماشايفه شخص يشبها ابد
غمضت عيوني جان جاي يباوع
ع الاكل وبسرعه طلع
واضح مايريد اشوف وجها وعرف اني ما
ااكلت ولا نايمه
فتحت عيوني لمن طلع من الغرفه
شكد وسيم شكله يشبه الخليجيين
حتا لهجته ماتشبه لهجتنه مرات احس
كلامه مختلف
بقيت افكر كلت اكيد ماراح يرجع بعد
كمت اكلت ورجعت غفيت بسرعه
كعدت ثاني يوم هلمره كعدت
بدون صوت تاكدت جان يطب يمي للغرفه زين ليش شنو يسوي وليش ينومني
مرت ايام على هلحال لحد يوم فرغة العصير
بعلاكة الملابس الوسخه
وخليت لفه ويا
ومددت انتضر اعرف ليش يطب
يارب مايكون جاي يأذيني يارب
طب حسيته دنك لعلاكة الاكل
وسمعت صوت قفل لباب
بس خطوات رجلي بعدهن بلغرفه
واني غركانه بحيرتي وتفكيري
حسيته تمدد يمي حاولت اثبت على موقفي
رفع راسي وحطه ع ايده وصار يلعب بشعر
حسيت انفاسه تقربت من وجهي
فتحت عيوني وهوا نصدم
وكام بسرعه ماحجه اي حرف
طلع وقفل لباب واني ماعرف
مشاعر قهر جانت بداخلي
حسيت نفسي جاي اخون كرار
حتى لو ماجان بينه شي رسمي
ولو كان هلشي غصب عني
ثاني يوم كعدت ع صوت حركه واصوات عاليه
برا ماعرف شنو لي جاي يصير نفتح لباب
بسرعه جا لزمني من ايدي وخله قماش ع خشمي وبعد ماعرف شنو صار
فتحت عيوني لمن نشمرت بلشارع
باوعت اني كبال بيتنه
زحفت ليم لباب
سمعت طلقتين نضربت قبل لايمشون
طلعو اهلي نفتح لباب جان سيف
حضني وهوا يبجي ويصيح لماما
طلعو ماما وريمه بسرعه
حضنوني ويبجون سيف اتصل ببابا
طببوني جوا وبعد
مده وصل بابا
اجا يركض تايحضني.
بتعدت رحت لحضن ماما
واني ابجي وكوله كله
بسببك لو ناطيهم
صاحبهم ماصار وياي
هيج اجا حضني
ويعتذر مني وكالي
شكد حاولت ماكدرت
وسلمته الهم ولله
يابنتي ماخليت مكان
كلبت عليج كل لاماكن لي
ممكن ينتمون الها هيج
مجموعات مجرمه
ومالكيتج سامحيني بنيتي
حضنته واني ابجي
اجت ريمه كلتلي كومي
وياي ودتني للحمام
وجابتلي ملابس
سبحت وطلعت لكيتهم
صابين عشه
ستغربت لمن طبو
وخدروني جان لدنيا
ضهر يعني اني جنت خارج لمحافظه
تعشينه وبابا صاحني للمكتب يمه
يسألني اذا شفتهم اجه طيف عيون
ساجر خيالي
كلتله لا ماشفت احد ولا
عرفت اسم احد
جانو يكولون باشا وستاذ وماعرف
ماشفت منهم شي جانو ملثمين
ماعرف ليش سويت هيج
بس ماكدرت احجي عنه
حجا ويايا بابا وبلغني
اني نجحت ماعرف
مجان عندي رد فعل
طلعت من مكتب بابا
لكيت سيف بلهول
هوا وماما يتفرجون
تلفزيون اتذكر اخر شي
جانو مايتحاجون
رحت يمهم سيف اشرلي
اكعد يمه
فتح ايده كعدت وخله ايده
ع جتفي حضني
وباس راسي كالي تفرجي
ويا لوالده فرحانه برجعتج
فا شغلت مسلسل خليجي انتاج
الف وحطبه
حتا نحتفل وياها بتسمت
وخليت راسي على جتفه
وتفرج جنت متوقعه لمن ارجع راح يسئلوني
عن لي صار ويايا بس ابد ماسئلوني
خلص لمسلسل ورحت للغرفه لكيت ريمه نايمه
ماتتغير هلبنت دوام عطله مستحيل تخرب نومها
ماعرف شلون احنا خوات
§åřå95
مددت بفراشي ودموعي تنزل ماعرف ليش
نفتح لباب طبت ماما كالت اريد انام يم بنتي
ضحكت وسويتلها مكان
اجت بقت ساكته فتره بعدين حجت
**
سحر
ماما سيدرا اريد احجي وياج بس
لا تزعلين مني بس اريد قلبي يتطمن
اني من وصلتي قلبي نار اريد اعرف
شنو سوولج احد عتدا عليج احجيلي بنيتي
لاتضمين شي عليه
**
سيدرا
من وصلت واني انتضر اسئلتهم فا ابد
ما تفاجئة بسؤال ماما الي خليت تركيزي ع لفراغ الي بلغرفه وجاوبتها لا
ماما محد لمسني
ولا تقرب مني جان كل
هدفهم يطلع صاحبهم
وبلغو بابا بهلشي بس هوا
جان معاند ولظاهر بلاخير لي يريدو صار
يعني بابا ماستفاد شي غير
عرض حياتي للخطر في سبيل
يحصل كتاب تكريم براسي
***
سحر
لا سيدرا لا امي ليش تفكرين بهلطريقه
انتي اكثر وحده تعرفين طبع ابوج وتعرفين
مستحيل يتهاون بعمله ولو ما جان عنده امل
يلقي لقبض عليهم
ويرجعج ماسوا هلشي لا تقهرين ابوج
بهذا الكلام يكفي لي اني سويته بي
اذيته هوايه بسبب غيابج
لدرجه ترك لبيت وسكن دوامه
بس حتا يوصل لخيط يدله مكانج
بس مع الاسف ماعليهم اي غبار
ولا الهم اي ملف ولا يعرفون عنهم شي
وصاحبهم ماقبل يعترف بحرف عنهم
***
سيدرا
فكرت يعني بابا اكيد مايعرف ساجر
همزين ماحجيت صح خطفني وتأذيت
بس اغلب لوقت جان يحميني
تذكرت موقفه باخر ليله
وستغفرت ربي وحضنت ماما من
بعد حديث طويل دار بينه
وغفيت
بأماااااان من بعد ليالي خوف وقلق
طول نومي احلم بذيج لغرفه
وبعيون ساجر
كعدت على صوت اذان الصبح
لكيت ماما طالعه كمت تااتوضى
لكيت ماما واكفه بلمطبخ وبابا
جان يرضي بيها بتسمت على شكلهم
ورحت توضيت وصليت ورجعت لفراشي ياترى
كرار اذا عرفني رجعت راح يجي يتقدملي
مثل ما حجالي بقيت اتكلب بفراشي كمت
رحت اخذت فون ريمه لان
اني فوني بقا يمهم
فتحت لماسنجر مالتي يمها دزيت لكرار
هلو
وبقيت انتضر يشوفها اعرف يكعد
للصلاة شاف لرساله خليت ايدي
على قلبي انتضر جوابه
بقه يطلعلي جاري لكتابه ويوكف
ويرجع يضهر جاري لكتابه
لحد ما وصلني
✉الحمد لله على سلامتج خيتي
فتحت عيوني بصدمه ماعرفت شنو ارد
✉كتبتله شكرا الله يسلمك
شلونك
✉الحمد لله
انتي شلونج
✉
الحمد لله يمكن عرفت اني جنت
مخطوفه
✉اي متشوفين كتلج الحمد لله على
سلامه
✉الله يسلمك خذ راحتك لضاهر مشغول
سديته وحذفت لحساب من فون ريمه
ورجعت تمددت بفراشي
ودموعي تنزل حقه يعني وحده مخطوفه شهر
منو يقبل يرتبط بيها
بس اقلها جان مارد عليه بهلطريقه
جان فهمني انه مايكدر يتقبل
هلشي جان تفهمته ماحسيت اله ريمه
يمي حاضنتني واني اشهك بحضنها
***
ريلام
سوسو حياتي خلص انسي لي جنتي بي
موقف صار وخلص نتها مايصير
توكفين حياتج علي اهدي ورتاحي وباجر نخلي
سيوفي يودينه مطعم ونروح للمول نفتر
ونغير جو ماحجيتلج عن سيف
تعرفين شكي جان بمحله هاي لبنت
جانت مسويه عمل لسيوفي
لو ماقيس اصر انه يودي شيخ
ويعالجه جان خسرنا
بس الحمد لله ربنا كتبله الشفاء
**
سيدرا
هزيت راسي كلتلها الحمد لله
ريمه نوميني بحضنج مثل قبل
**
ريمه
حضنتها قويي ولعب بشعرها لحد ماغفت
واني اقرا ايات
***
سيدرا
مرت ايامي كل يوم مثل لي قبله
جبت فون جديد ونزلت كل حساباتي
ونتضرت كرار هوايه بس يبين انو الحب
كد ماجان كبير ماكدر يتحمل لي
مريت بي بس لي صدمني بيوم جنت
احجي ويا رهف وجان احمد يمها جان يسئلها
يالون قميص يلبس ويا القاط
سئلتها ليش عدكم مناسبه
تلعثمت وردت
*
رهف
شوفي سوسو مااريدج تزعلين
هيه الحياة قسمه ونصيب
وكل شخص ونصيبه
فا مايصير نعترض على
النصيب الي كاتبه النه الله
**
سيدرا
عرفت بسرعه المناسبه تخص كرار
جاوبتها يا شبيج دكولي كرار خطب
ترا مايهمني ميحتاج كل هلخبصه
لان لو حبني صدك ما نفر مني
بهلطريقه من دون حتا ما يسال على لي صار ويايا فا مايحتاج تنحرجين احجي عادي
*
رهف
مادري ولله ماردت اكولج بس
استاذ احمد خربها
لاتهتمين لو يفتهم مافرط
بوحده مثلج
**
سيدرا نهيت المكالمه
فتحت الفيس طبيت
ع صفحته ممنزل صور جديده واني اكلب
تصل كرار فزيت حسبالي انا
لي تصلت ترددت اجاوب او لا
فتحته
📲هلو كرار
📲سيدرا اني اسف خذلتج
بس صدكيني لصور لي وصلتني
ماجاي تطلع من راسي
سامحيني صدكيني ما كذبت
عليج بحرف حبيتج من كل قلبي
ما كذبت عليج بحرف بس
لو محاول اتناسى جان بقيت
طول عمري لصور كبالي
📲ياصور كرار ترا مجاي افهم
📲صورج ونتي بحضن لي خاطفج
بقيت جامده ماعرف شنو ارد
📲الله يتمم عليك بلخير اعرف
ليوم خطوبتك تستاهل كل الخير
يلا خويه مو راهم حجينه عروستك
تنتضرك
وسديته واني مصدومه معقول ساجر
سوا هيج متعمد زين شيستفاد
ليش مادزها الاهلي ليش دزها لكرار
كعدت على جربايتي وابجي تذكرته
من يكولي دموعج ماتخلص
مسحت دموعي وكمت اصلي
حتا ارتاح احسن خلص
ربي يوفقه مو نصيبي
يمكن احسن شي سوا ساجر
هوا هلشي خلاني اعرف
الي تركني من اول كسر
ماعتقد يستاهل اكون اله
........
ردت انطي ظهري وابتعد
بس گلبي ما ينطيني
..............."
....................يتبع
