مره سهرنا سوى
آني وخيالي وحطب
بليلتها جانت برد وألسنة
نار الحطب تتمايل وي
الهوى البروحي نفس اللهب
والليل مدمن دمع شما أصب ينتشي.......
ل(سمير صبيح)
.........
ساره العبيدي
..........
مساء الخير نبلش بارتنه
بالصلاة على النبي
ولاتنسون تشاركوني تعليقاتكم
ولتصويت
......
سيف
جنت احجي ويا ليليان
وطبت سيدرا حجتلي ع ماما
ماهتميت ابد بس بداخلي
شي يأنبني وصوت ثاني يكولي يستاهلون
همه يعذبون حبيبتك
جان ليليان دايم تحجيلي شلون
ياعيروهه لان حالتهم مو هلكد لمن
تجي يمنه بس هيه لان تحبني
مترد عليهمدايم دكلي لخاطرك
اتحمل كلشي اني بلاول جنت اكول
ماطلع وبقا وياهم وعتمد ع نفسي
بس لا ليش هذا حقي بفلوسهم
اريده من هسه بس تطلع امي
من لمستشفى وتصير صحتهه احسن
اكوللهم اريد ورثي اريداستقر اني وليليان
جيت انام ورجع لوجع مال كل يوم راسي
احس كانو بي شي يطبل رجعت رتفعت حرارتي
كمت فتحت باب لغرفه مكدرت امشي وكعت
ع صوت وكعتي حسيت خواتي فوك راسي
سيدرا اني بلمطبخ وحسيت صوت شي وكع فوك
صعدت شفت سيف مدد بلكاع
ولصخونه راجعتله وبس يعيط راسي
الله يخليكم راسي كمت ابجي ماعرف شنو اسوي
وبابا وماما مو بلبيت صحت لريمه
كدرنه نودي للغرفه وتصلنه ع بابا
كال سووله كمادات بين مااجي
جابت ريمه لقران تقرا يم راسه
واني حاطتله لكمادات كل ماتعلي ريمه
صوتهه جان سيف يصيح من لالم اكثر
مجنه نعرف شنسوي اجا بابا وطلعنه ويا سيف
كناله بابا خلينه نجي وياك صارو
ثنين بلمستشفى
ورحنا بابا طبب سيف للطوارء وحنه رحنه للغرفه
لي بيها ماما جان وجها اصفرر وتعبان كلش
سئلت على بابا وين ماحجينالها على وضع سيف خفنا تتعب اكثر
كلنالها جابنه يمج لان شوي تعبان وراح يرتاح
بقينا يم ماما ليله كامله ثاني يوم وافقو على الخروج ورجعنا للبيت سيف جان ويانا نضرات ماما جانت تنتقل من عدنا لسيف تريد تعرف ليش ماجا وزارها بس سيف جان يمشي ولازم راسه ومايباوع علينه ابد ولا حتى سئل ماما شلون وضعها جانت الحيره واضحه
بوجوه الكل بابا جان بس يستغفر
صعدنا لسياره ورجعنه للبيت
جان متحاني بليوم الثاني ولازم ارجع اقرا لحد الفجر ويادوب الحك
نسيت حتا ماشفت الفون اذا واصلتني رساله او لا بقيت على كعدتي ادرس ويمي ريلام نفس شي كمت تطمنت على ماما وسويتلها عصير ليمون ورجعت الدراستي
فتحت الفون لكيت هوايه رسايل من كرار
طبيت عتذرت منه وحجيتله عن الضرف لي مريت بي خلال هلوقت
**
كرار جنت انتضر سيدرا من اخر مره حجينه وهيه ختفت بالي يمها معقول صاير بيها شي
حتا ما كدرت ادرس سمعت صوت
الجهاز اه احس دكات قلبي صارت مليون فتحته
رساله من سيدرا كاتبتلي تعتذر
حبيبتي ضل بالي يمج صدكيني حتا ماكدرت ادرس
سيدرا
شفت رسالته نقهرت لاني عفته بدون ماابلغه بضرفي واني اعرف انه يكره الاهمال كتبتله
لا تحسبه اهمال كرار بس صدكني نخبصت
كرار
لا حبيبي مدان انتي بخير الحمد لله هذا المهم يلا خلينه ندرس يادوب نلحك نكمل الماده
