يالفاهيه رمشچ مشط وتخبلين
تدرين گلبچ بذات وايدينچ يخبلن زغيرونات
عاشگ عيونچ من صدك وبغيرهن ماارضى
تقبلين لمن گلبي يشمر حظه واترس
اصابيعچ ذهب مااخلي اصبع يعبر
ناذر نذر شهر العسل يمكن سنه وست اشهر
(صادق طلال )
..........
ساره العبيدي
............
صباحكم بارت من عندي
يلا نبلش بالصلاة على النبي
.....
كرار
كملت متحاني ورحت الاحمد
حتا نروح نشوف لبنات
صارلي يومين مشايفها
احس مشتاقلها هوايه
اعرف هيه بارده
ويمكن اصلا مامشتاقتلي بس
لازم اتحمل لان اني رضيت بهلشي
لازم اتحملل لحد مايتغير طبعها
جنت امشي بسرعه مثل كل مره
اريد استغل اكثر وقت يخليني اشوفها
لمن صرنه قريبين على النادي شفت
رهف تمشي وحدها احمد كالي هذا مو ستاذ عزيز مدري معتز لي واكف ويا سيدرا
ركزت اي ولله هاي سيدرا زين ليش واكفه ويا
اوصلنه بسرعه حتا ماسلمت
حجيت رهف هذا شعندا ويا سيدار
.
رهف
تلعثمت ماعرف شنو اجاوب اعرف كرار
يغار هوايه عكس احمد متفهم كرار
لا يغار هوايه ومتملك طبعا اعرف صفاته
لان احمد طول ليوم يحجي بي
جنت اسمي ضرتي بداية علاقتنه بس
بعدين عرفته انسان ذهب
كتله صراحه ماعرف هوا جا وكال اريدها بموضوع
وترخص مني حتا اتركهم وحدهم
كرار
اني راح اروح اشوفه شيريد منها
احمد
لزمته هوب شبيك كرار ترا استاذ هذا مو طالب
كرار
استاذ على نفسه اني رايح
سيدرا
راحت رهف رتبكت اني اعرف
استاذ معتز ماله علاقه ولا يحتك
بلبنات ابددد
حتا الأستاذات مجنه نشوفه
ويا احد ابد رفعت وجهي باوعت
صراحه استاذ معتز وسيم لدرجه
وجذاب حتى طريقة كلامه رزنه وكئنه هارب من القصص الخياليه
كتله تفضل استاذ شنو الموضوع
رد
سيدرا صراحه اعتقد انتي او اي احد يعرف
اني مالي علاقه باي شخص داخل الكليا
مو تكبر او شوفة حال
بس صراحه اني عندي هوايه اشياء بعقلي دراستي ومشاريع خاصه بيه
فا ماعندي وقت للكلام
ومضيعة الوقت
بس اني صارلي فتره
لاحضت اخلاقج وهدوئج
ومااخفي عليج اكيد جمالج
ترددت اني ابوح الج بمشاعري
بس بعد خلص السنه راح تنتهي ولازم
ابلغج بمشاعري حتا انطيج وقت لنهاية الامتحانات
تفكرين سيدرا اني الحمد لله متمكن ماديا
بلاضافه لوضيفتي عندي اعمال حره خاصه بيه
وعندي بيت ملك بمنطقة المن.....
يعني من ارقى المناطق هنا
عائلتي كلها واصله بلدراسه يعني تكدرين دكولين شخص كامل
والكمال لله
سيدرا
اني بس اسمع ومصدومه زين هسه
شنو اتصرف
احس لساني بعد مايتحرك بس اسمع وساكته
مابديت اي رد فعل
لحد مالتفتت شفت كرار جاي بتجاهنه احس قلبي صارت دكاته تنسمع من بعيد
نتبه ستاذ معتز لرتباكي كالي
سيدرا اني راح اخليج على راحتج تفكرين من عندي مجال اني راح اجي ونكمل غير يوم
اوميتله براسي تمام استاذ ان شاء الله
قبل لا يوصل كرار مشا ستاذ معتز
حسيت الهوا رجع يدخل بريتي
ماعرف ليش جنت خايفه من رد فعل كرار
مع انو مابدر من عنده اي تصرف يدل
على عصبيته او تشدده
بس حسيته هلمره يختلف
جانت عروك ايده كلها بارزه وحواجبه
طابكه دليل على الغضب
وصل يمي
