ليليان طبيت للماسنجر شفت طلب مراسله ههههه هذا سيف اكيد هسه اهله وصلوله لكلام لي حجيته واذا اخر همي فتحت لطلب اهلا سيف تفضل ريد شي .. سيف سمعت صوت اشعار فتحت لفون جان رد منهه ع لمسج لي دزيته هلا بيج ليليان ردت احجي وياج بكم شغله لازم تفهميهه كلش زين قبل مانخطي اي خطوه بعلاقتنه عندج وقت تسمعين .. ليليان (بقلبي هههه شكد محترم خطيه شوكعك يمي) اي تفضل سيف .. سيف ليليان اني الله يشهد عليه من اول يوم دوام شفتج كلت لو انتي لو ماخذ مستحيل بعد ماشوف اي وحده غيرج بعيوني وقررت اعتمد ع روحي علمود اخذج وشتغل ويا رجال قريب من يمنه في سبيل انو اوكف ع رجليه وتعلم شغل وجمع فلوس من تعبي حتا من اخطبج احس بلذة لشي لي اني سعيت اله .. ليليان اي سيف كمل ليش سكتت .. سيف ليليان اني عائلتي متمكنه كلش واي شي طلبتي يكدرون يجيبو واكثر بعد بس اني مو من هذا نوع لي يعتمد ع اهله حتى يوصل لليريده اني مانكر انهم حيساعدوني بس اني ماريد يساعدوني بجزء جبير وصراحه اني مقرر ماتزوج الى ان نكمل كليه ونتخرج وراهه حكدر اشتغل اكثر وكيد اكون بهاي لفتره جمعت مبلغ زين يساعدنه بحياتنه وشوفي اني ماريد اي جواب منج هسه فكري وبعدين جاوبي يلا من رخصتج اعرف اخذت من وقتج مع سلامه
ليليان بقيت صافنه هذا شيحجي شنو يلم فلوس شنو نتخرج اني كل عمري اتمنا واحد يشيلني من لفكر لي اني بي وهذا يريد يلم ويجمع ومانتزوج المن يتخرج شسالفه ياربي كتله مع سلامه رحت ع ماما
ام ليليان شبيج احجي بحلكج كومه حجي
ليليان ماما هذا صايرلي عصامي براسي واني واني ويريد منتزوج لمن نكمل دراسه ويريد نكعد ويا اهله مبين وفوك هذا يكولي الم فلوس منا المن اتخرج وعود حكدر اشتغل اكثر شلون يوم اني ماصدكت الكالي واحط يطلعني من هلفكر شسوي
ام ليليان كبر شبي هذا مادامه ميكدر يتزوج شكو يخطب ليليان وج يوم اني سالت ع حالتهم واصلا من بلش دوام وشفت سيارته بلشت ارسم علي ومخليت شي مسويته اخر شي تفقت ويا صديقتي اخوهه يجي يعترفلي كباله تخيلي بس حتى يتحرك شوي وكال حيجي يخطب كلت اكيد مكون نفسه واهله ممقصرين تالي براسي يطلع تحفه ويدور مثاليات هسه شتنصحيني مو كتلج خليني اني لي امثل دور لعاقله ونتي اطلبي حتا اخلي يلين
