يكون الله يجيك احساسي وتحسه
وتشوف شكد وجع وياك متجاوز
~~
وهم تدري شيحس القلب لمن يريد اعزازه
..........
ساره العبيدي
............
بلنسبه انو البارت قصير
اني انشر بارتين يابنات
......
يلا نبلش قرائه
بالصلاة على النبي
............
جان المتصل كرار فزز
شكو وجع بداخلي زين ليش
ليش اله هليوم من دون الايام
عفته ماجاوبت رجع اتصل مره ثانيه
فتحته بس ماحجيت اي شي
📲....
📲سيدرا الله يخليج لا تتزوجين
صدكيني اموت ولله اني اموت
عليج بس لي صار مايطلع من
بالي صدكيني خطبت بس حتى
اتجاوز لي مريت بي بس ماكدرت
سيدرا احجي خليني اسمع صوتج
حبيبتي بداعتي كولي اي شي
بس خليني اسمع صوتج
📲كرار اني نخطبت وخلص
ولي بينه شي صار ونتها
اساسا اني مانشرت شي
شلون عرفت
📲احمد كالي سيدرا احس قلبي مذبوح
اموت اذا سويتيها صدكيني
📲لا غلطان محد يموت وره احد
عادي تعيش مثل ما اني عشت
وره ماصعدتني لسابع سمه
وشمرتني الاسفل السافلين
يوم كتبتلي اختي يلا
من رخصتك اني على ذمة رجال
حرام اخونه وحجي ويا غيره
📲الحرام انج توافقين على
هذا الهمجي احمد حجالي
شكد متعجرف وشايف نفسه
سيدرا انطيني فرصه بس
اكدر انسى الشي الي صارلج
📲ههههههه فرصه انتا شتحجي
فرصة ايش الي انطيها الك
مو كافي الي صارلي انتا
تعرف اني البارحه نتحرت
بس ماعرف ربي ناطيني
عمر ما يريدني انهي
يمكن لان ضاملي ايام
احله من الي جنت متخيلتها وياك
يلا اترخص ....
سديته منه وسمحت لعيونيي
تاخذ راحتها وتنزل اخر دموع على حب
كرار اي قررت هاي اخر مره
يكون لكرار وجود بحياتي
صوته جان سجاجين وتنغرز بقلبي
بس خلص هلشي غلط حتا لو
كلام عادي مدامني اعرف جان بينه
بيوم مشاعر حرام حديثنه سوا
بقيت على وضعي لحد ماغفيت
كعدت ساعه ب١٠ ع اتصال
ماعرف ليش قلبيي نغزني خفت
كرار لي متصل بس الحمد لله
ساجر جاوبته
📲الو
📲اهلا اذا حضرتج
ماعندج شي او مشغوله خلي امر عليج
العصر اني وامي حتى نروح السوك
الصاغه حتا تختارين الي تريدي
قبل لايرجعون اهلي للديره
📲مايحتاج انتو جيبو الي يعجبكم
📲تمام براحتج
سيدرا
سده بوجهي يا هذا شبي
يعني اريد افهم شنو اكو براسه
ليش بلأول سحل روحه بس حتى
اوافق وهسه محسسني مجبور علي
بدال ما يحاول يخليني اميل اله
شسويله مخبل خلي يسوي
الي يعجبه براحته كمت سبحت
وصليت
طبعا بسبب الاحداث الاخيره الصارتلي
تركت المدرسه
تغدينه وكعدنه نتفرج مسلسل تركي
اني وريمه قبل المغرب هيج
وقت سمعنه صوت
الجرس باوعنه للكامره ساجر ويا امه
اني بلبجامه بس همزين لمن
سبحت خليت تنت ورسمت حواجبي
وله شعري هوا اصلا ناعم مايحتاجله شي
اجت ماما صاحتلي ومثل ماتوقعت
بس امه هوا ما دخل سلمت عليه
وهيه بعدها فرحانه بيه طايره
كلتلي تعالي اكعددي يمي
ستغربت امه تحجي مثلنه لهجتها
مو لهجة الانبار بعدين من خلال الكلام
عرفت انو ابو ساجر
جان جاي بشغل وهيه اخت صديقه
بغداد شافها وصار النصيب
وطبعا تعذرت لان ساجر
ماطب بحجة يخجل
ماما حجت
*
سحر
عيني ام ساجر لا تزعلين بس
لبارحه كلنه معذور نسوان هواي
ويستحي هسه منو اكو حتى يستحي
هم لو ما اعرف هوا لي طلبها
بلسانه جان كلت انتو غاصبي
...
سيدرا ماما حجت اخر كلامها
وسوته بضحك وشقى
بس واضح جان الكلام جدي
بس ماحبت تسوي مشكله
من بدايتها
...
ام ساجر
حقج عليه ولله ام سيوفي
ان شاء الله ع الجايات اكيد
هوا الي يجي بس هسه اني
مثل ماحبت سدوره اني جبت الذهب
على ذوقي واذا ماعجبكم بعد بكيفكم
روحو وغيرو بلي يعجب جنتي الحلوا
....
سيدرا
انطتني العلب صراحه
جانت جايبه ذهب هوااايه
وكله شي احله من شي
كلتله عاشت ايدج خاله
بس والله هواي ماله داعي .
...
ام ساجر
لا حبيبه مو هوايه اصلا
قليل اني ماصدكت ساجر
يوافق يتزوج هذا وحيدي
والله مو قصة امدح بس هلشفتيهن
بنات عمه ماتن حارن شيسون
بس تايقبل بوحده منهن
وهوا مايحجي وياهن اله بصفة
خوات واني ماجنت اتدخل
لان اريده هوا يكون راضي
بلي يختاره حتى يكضي كل ايامه
سعاده ماحجيلكم عن فرحته البارحه
هم لو اجيبلج السوك كله
احس مقصره مدام ابني هيج
مرتاح وفرحان بيج
...
سيدرا
بتسمت الها وشكرتها
وبقلبي حجيت اذا فرحان
شكو متنرفز مني قدمتلها
الضيافه ماطولت هوايه
بس جانت فرحتها واضحه
..
سحر
تعرفين سدوره حيل مرتاحه
من شفت امه شكد فرحانه
بيج يارب تبقا هيج
ولو غصب عنها لازم
تفرح بنتي وين اكو مثلها
عيني شو جمال ودلال وشهاده واخلاق
واصل وفصل بعد شيردون
...
سيدرا
بتسمت كلتلها ترا هيج انغر
ودزله رساله يجي نفسخ
..
سحر
عمه بعين عدوج شهلكلام
تفسخين شنو يا هبله
بعد لاتعيدين هلكلام ولو بلشقه
ماريد تكولي ربي يتمم عليج
ويفرحنه بيج
....
سيدرا
هيج مرت الايام ابد لايراسلني
ولا يسئل حتا مرات اشك بعدني حاضرته
اتذكر لا فتحته بعد شهرمن خطبتنه
جان عيد ميلادي
يوم ٥/٥ توقعت من عنده يهنيني
بس ابد حتا رساله مادز عادي ماتفاجئة
هوايه بس
الوجع الي اذا قلبي
لمن وصلت رساله من كرار
✉كل عام وانتي اول انثى
اخذت قلبي وعقلي كل عام وانتي
اول دكه بقلبي كل عام وانتي وجع قلبي
*احبج
ماعرفت شنو ارد
حضرته واني ابجي على
الي وصلناله كله بسبب ساجر
هوا سبب كل شي سيء صار الي
فتحت الفون وحضرته من كل المواقع
وحضرت الرقم وكمت نزلت لبيت هدوء
رحت للاستقبال فتحت لباب
شتغلت الاضاوي
جانو ماما وسيوفي وريمه وبابا
مسويلي حفله جايبيلي
كيكه
سبوفي جان يغنيلي
كان يوم اسود يوم ماجيت
بابا وماما سابو البيت
ولشغاله جتها حاله
والطبخ حرء البييت
موتني ضحك نساني
لدموع ولموقف ليصارلي
قبل شوي
شفت ليي مكتوب على الكيكه
اخر عيد في بيتنه
زعلت بلشقه كلتلهم بس تريدون اروح
ماريد كيكتكم
اجا بابا تقدم حضنييي
..
ابو سيف
كل عام وانتي اول فرحه عندي وعند
امج
..
بست راسه وحضنته كلتله تسلم ياروحي
جانو كل واحد جايبلي هديه شكل
شكد فرحت بس احس
نقص صح
اني ويا مابينه تواصل ابد
بس كل اسمه خطيبي
وهذا مو حيلا يوم واول ذكره
تمر بعد خطبتنه
ماما نتبهت عليه وبعد مااكلنه لكيك
وخلصنه صاحتي ماما كلتلي
خطيبج ماعايدج كلتلها اي مبله
بس خطيه مشغول
ماحبيت اشغل بالها خطيه
كالت زين ليش ما اجا وعايدج
كلتلها مو يمكن طالعله شغل بلأنبار
ورايح ماعرف
..
سحر
ياشغل يا امي ليش تكذبين
يابنتي من رحنه اني وسيف
نجيب لكيكه شفنه طالع من لبيت
..
سيدرا
لا ماما ولله مو اكذب بس
ماحبيت اشغل بالج
عادي تطمني امورنه بخير
بس يجوز هوا من لناس لي
متحب هاي المناسبات عادي
...
سحر
تمام هلمره راح اعديها
بس مره ثانيه اي تصرف بلغيني
حتى ابوج يعرفه انو ما ميتين
عليه مانطيناج اله لان هوا سحل
روحه بس حتى يحصلج
وشفتي شلون جاب اهله وجا بنفس لسبوع
لي ردينه بي لموافقه
ليشوفه مايصدك ذبح روحه حتى توافقين
...
سيدرا
ماما لاتشغلين بالج عادي تصير بين اي ثنين
بداية علاقتهم مشاكل واشياء
....
رحت لغرفتي اتكلب بفراشي
رفعت ايدي شفت الحلقه
جانت حلوا هوايه اسمي واسمه جانت
محفوره بداخلها ولي يضحك
حافر عليها تاريخ الي
خطفني بي ههههه
بين حيرتي وتفكيري
اخذت لفون شلت عنه لحضر
لازم اترك حركات المراهقين
شلت الحضر عنه
جان كنتوري مكلوب من يوم
لخطوبه
كمت نثرت كل ملابسي
طلعت لفستان
لي لبسته بيوم حنة رهف
باوعت تذكرت بيومها
كلام كرار وغزله تذكرت
اول مره يلزم ايدي
حسيت دمعه خانتني ونزلت
ستغفرت ربي تفكيري غلط وحرام
جبت مكص ولزمت الفستان
كصكصته قطع صغااار
ماريدده بعد ولا ريد اشوفه
خلص بين لملابس ورده
يابسه طبيعيه جانت منعنده
شمرتها فوك لفستان لزمت اي قميص
جان يكول علي حلو شمرته
لميتهن كلهن بجيس وطلعت شمرتهن
يم لحاويه رفعت راسي جان
ساجر كبالي ماهتميتله ودخلت
لحقير شلون يباوع عبالك حشره كباله
رجعت كملت شغلي
فتحت الشباك الي على حديقته
وكفت شفته جاي يدخن
عابتله تعمدت اسوي روحي جاي امسح بالشباك
ههههه مادري ليش جاي اتحارش
يلا خليني احرك قلبه
بس لي صار اني لي نحرك قلبي
لان لنحيس رفع راسه شافني
وطب جوا ياربي
اكثر شي اكرها بعمري التجاهل
وهوا ماشاء الله علي ابد ممقصر
كملت التنضيف اجت ريمه
لان جانت تقره بره
مددت بفراشي اتكلب
وصلتني رساله من ساجر
فتحتها ونصدمت
.......
يتبع
