أحببتها وكانني ترياق حب ارتشف
فمزاجها متقلب بالنرجسيه تنصف
ان جادلت لا ترحمك ان اخطات
لا تعترف ان عاندت ياويلتي
اياك فيها تستخف تلك
صفات حبيبتي في كل شي تختلف
بس انا حبها بلا سبب حب بلايه منيه
مابيها كل عيب وغلط بس هيه جوزائيه
........
ساره العبيدي
..........
نبدا بارتتنه بالصلاة على النبي
هذا بارت طويل لعيونكم 😁
لاتنسون التصويت
...........
ساجر
اي جان المفروض نهاية الاسبوع اروح
بس مضطر اقدم روحتي
المهم احلفج بداعة اي احد غالي
عندج هتمي بروحج لاتهملين صحتج
ترى محد يفيدج
سيدرا
تمام ولله ساجر خلص بعد ما اهمل
صحتي روح وتطمن وعد
ايمتا راح تروح
ساجر
الفجر لان لازم قبل ل٨ اني هناك
سيدرا
ساجر شغلك بي شي غلط لاتزعل
بس حقي اتطمن
ساجر
شوفي احنا تجار يعني بكلشي
نشتغل بس تطمني مخدرات مانجي
يمها
سيدرا
بالله هذا حجي يعني هسه اني شفهمت
لحضه قصدك عادي تتاجرون بسلاح
مووو
ساجر
هههههههههه وشكو مرعوبه ع اساس
هو العراق مو كله سلاح
سيدرا
لا عفيه ساجر الله يخليك
لاتاجر بالسلاح والله اخاف
ساجر
ههههههه عليمن تخافين يولي
عليه
سيدرا
اهووو هسه وكت مدابل اخاف
بابا يعرف او ينضر لان انتا
نسيبه
ساجر
اي مو اكول مستحيل عندج احساس
وتخافين علي
المهم شي يخصني شغلي ماتدخلين بي
تمام
سيدرا
تمام مالي شغل بس
ساجر
بس شنوو
سيدرا
لا ماكو شي بس اريد انام
ساجر
تمام نوم العافيه راح اطفي الضوه
ونزل يم الوالد بلمضيف ماشفته ليوم ملتهي
وياج بيناتنه الحجي
ابوي ومي كيفو من وكعتي بالهم حامل
هههههههه مايدرون جنج واحد من مجاعة افريقيا
سيدرا
انيييي من افريقيا
ساجر
اي لعد من وين شوفي عضامج
بعد سبوع اشمرج بكلية لطب العام
يشرحون على هيكلج العضمي
سيدرا
طفي الضوه كتلك
ساجر
اوك طفيته
اعرفها مجنونه راح تزعل من كلامي
بس شنو بيدي غير هلحل كلت استفزها
بلكت تقتنع وتاكل لانها تموت ع العناد
نزلت يم ابوي للمضيف جانت اكو
عركه بين اشخاص وجايين عند
ابوي وعمامي حتى يحلوها الهم
بقينه اني وبوي وعمامي نحاول ويا
جميع الاطراف حتى نحاول نوكف المشكله
عند حدها وماتطور اكثر
مانريد مشاكل الطلايب الي
شفناها بحياتنه تكفي
والحمد لله بعد مد وجزر كدرنه
نحل المشكله ابوي جان
هواي يفتخر بيه لان وحيده
وخذت عنه كل منطقه وشجاعته ولسانه
جان رجل بمعنى الكلمه واني مامدح بروحي
بس صرت نسخه عنه حتى بحبي
لسيدرا واصراري انها تكون الي يمكن
هاي خصله من الوالد اخذتها
لان ابوي هم عاند الكل واخذ امي
بوقتها جان ابوي شاب توي
بادي بشغله وكذا جان عنده صديق
من بغداد يترردد اله بسفراته لبغداد
جان قريب منه هوايه نكدر نسمي اخ
بروحه من روحات والدي الهم جانت امي
راجعه من المدرسه جانت طالبه اعدادي
وصفها ابوي.......
كال واكف ومن بعيد اكبلت
جنها شطب ريحان الوجه ابيض مدور
والعيون جنها رماح والخدود فرط الرمان
والشعر اه الشعر يساجر يوليدي واصل جوا
ضهرها اصفر مثل لون الذهب وكتها سبيت
خالك شلون يسمحلها تطلع هيج لمن ركزت اكثر
حسيت النار صعدت براسي جانت بصدريتها
فتحه طويله تمنيت الي سلطه بوقتها
حتا الزمها وابسطها اشلع اذاناتها على
هلبس الي لابسته بس مالي سلطه.
