إذا كان يمكنني إعطاءك شيء في هذه الحياة، كنت سأمنحك القدرة على رؤية نفسك بعيني، حينها فقط ستدرك أنك شخص استثنائي بالنسبة
(وحده من رسائل ساجر لسيدرا🤎)
............
اتركم مع بارت جميل
لاتنسون نبدا بالصلاة على النبي
اتمنالكم يوم سعيد 🤎
.......
ساره العبيدي
سيدرا
كعدت ثاني يوم ساجر جان كاعد وسابح وطالع
كمت بسرعه رتبت لغرفه وطبيت سبحت
طلعت لبست ثوب ستن تعلاكه حيل حلو
لونه نيلي احب هذا لون هوايه لان يبرز
لون بشتري جففت شعري صليت بعدين
رجعت رتبت شكلي شلت شعري كبكوبه
ونزلت كم خصله بأهمال حيل تلوكلي
خليت بس تنت وكحل
تعطرت كعدت انتضره رجع جان جايب
ويا غراض
كلتله شنو كال ريووك ليوم نتريك هنا
لان ماريد نطلع وغمزلي كمت اضحك كلتله
لا بله ماعليه اريد اطلع كالي
ساجر
اي ميخالف هسه نتريك ونتفاهم
سيدرا
اكلنه وطبعا ماطلعنه ههههه
لحد ليل كال نروح نتعشه
احنا وطالعين اتصلت رهف كالي جاوبي
رديت كلتلي انو همه هم باربيل
وحتى نطلع سوا كلتلها ماعرف اسئل
ساجر ورجعلج جواب مكدر اسالها
اذا وحدهم او وياهم كرار وزوجته
توقعت طالعين سوا بس هيه
فهمتني كلتلي تطمني وحدنه طالعين
ماجت ضرتي وياي الحمد لله
كلتلها تمام باجر لعد نطلع سوا
بلغت ساجر كالي ماعنده مشكله
وفعلا ثاني يوم لتقينه
ياربي صارلي هوايه مشايفتها
حسيت بيها شي متغير ماعرف
مو نفس حماسها قبل كعدو احمد
وساجر يتعرفون ع بعض جنه بمطعم
كمنه اني ورهف بلحديقه نحجي
رهف
اوووي لج سيدرا شكد مشتاقتلج
ولله خابصه احمد كد مااسولف بيج
حتى يكولي شكو تصيحين عندي
ضره هم اني عندي مو بس انتي
سيدرا
هههههه ياعمري ولله اني اكثر حجيلي
يمتا جيتو
رهف
صارلنه يومين جابني حتى يرضني
لافندي
سيدرا
خير ليش شصاير بينكم
رهف
لكفته يحجي ويا وحده بلفون
ويحلف ولله مو علاقه هيج شي بس يتونس
واني كلبت لدنيا علي وحلفت اروح لاهلي
بس ماخله شي ماسوا حتى يرضيني
من يومها اني بغرفه وهوا بغرفه
ولله اله احرك قلبه حرك
سيدرا
معقول احمد يسويها لج مستحيل احمد
يموت عليج اكيد انتي مخربطه
رهف
لاتستغربين اوثقي ببليس وبلزلم لا توثقين
لج عيني مشغلتله لاصابع شموع لو تشوفين
لبس ولخبال لي اسوي بس
حتى ما يجي يوم ويكول مليت لو شي
روتيني تحسيني مهرج بلبيت هههههه
اسكتي راح اطلع لفضايح كلها
سيدرا
هههههه زين وهسه من جيتو هنا بعدكم
زعلانين
رهف
اي اله اخلي يحفه تايعرف قيمتي
سيدرا
لج لاتضيعين لايام لحلوه هاي لخاطري
تونسي وعيشي لحضات لحلوا وعود بغداد
ارجعو تعاركو ههههه
