الأمراض النفسية الناتجة عن الغدر
والخداع والخيانه
هي أصعب الأمراض التي أهلكت العقول والنفوس
فما بالكم بغدر اقرب الناس لكم
..............
اتركم مع بارت جديد يحتوي احداث مشوقة
اتمنا لكم قرأه ممتعه لاتنسون التصويت ومشاركة القصه مع صديقاتكم 🤎🤎
§åřå95
صحا سيف بعد ما بابا غسل
وجهه وشربو عصير
بس صحا سيف اخرس اي
اخرس مينطق اي حرف
بعد ماصحا سيف شفنه منضر
اول مرا نشوفه بابا راح
بتجاه ماما
حضنهه كومي سحر لمي
ملابسج وملابس لبنات
وسيف هذا لبيت بعد مالنه
مكان بي
حسيت من كثر فرحت ماما
حسيت قلبهه راح يطلع
من صدرهه
حسيت لحيل رجع الهه
واكيد مو لان كللهه نطلع §åřå95
لاااا
لان بابا اووول مرا يلمس ماما بدون اهانه
وفعلا اخذنه بابا
ورحنه بيت جديد
لي هسه احنا كاعدين بي
جان مشتري مع لاسف بس لحفلاته لخاصه
بس من هذي لمشكله بابا تغير جذرياً
لكن سيدرا بقت عدوانيا
وبقت تكرهه بابا فتره طويله
بقت كل لوقت
تكول لماما
تطلكي خذينا
وخلينه نروح منريد هذا لرجال
ومجانت تقبل تسمي بابا
وجانت دايم تذكر ماما بتصرفاته
تذكرين لمن يضربج
تذكرين لمن يخلي دم يطلع من كل منطقه بجسمج
تذكرين لمن يكعدوج مثل لخدامه ب٥§åřå95
لفجر تذكرين تجيبلج
ملابس اطفال بناتهه
بقذارتهه حته تغسليهه
وبقت ع هذا اسلوبهه لوقح اكيد ماله
غير تسميه
وجانت تجرح ماما هوايه بكلامهه
حتا انهه صارت تكللهه انتي
تحبين واحد يهينج ويهينه
هذا مو اب وتتلفض الفاض محد بينه
جان يجرء يلفضهه كدام بابا او ماما
بعدين صارت تكللهه
انتي مالج اهل انتي محد يسال
عنج اخوتج يكرهوج فاتبقين يم هذا
اني جنت صغيره جنت اشوف ماما
توكف بوجه سيدرا وتمثل انهه تضحك
بستهزاء ع وضعهه وتكتفي
بتحريك ايدهه بطريقة استهزاء
بكلامهه وستخفاف بي
مجانت ماما ترد عليهه
لان جانت تعرف بحالتهه لنفسيه
بعدهه قررت هيه وبابا ياخذوهه
طبيب نفسي
ولحمد لله تحسنت حالتهه لكن
ذكريات ماقبلت تفارقهه
وماكدر الومهه لانهه اكبر من عدنا
وشافت اكثر من لي شفنا اني
وسيف بهواي
سيوفي لحمد لله بعد كم شهر
رجع ينطق طبيعي
بس بقا قلبه لطيب
بقت اخلاقه لحلوه ونحمد الله
اني وماما لان ماصار يشبه بابا
باي تصرف ولحمد لله بعد هلمدا
صرنا عائله مثاليه صار بابا
مايصيح ماما اله حبيبتي
جنه نفرح اكثر منهه
لمن يدلعهه
بختصار ماما تستاااهل
كلشي زين لانهه اطيب قلب بلكون
ولهنا اكون شرحتلكم
سبب خوف وتردد سيدرا
لي لا اني ولا ماما نكدر نلومهه علي
وبصراحه ماما هيه لي
كلتلي احجي ويا سيدرا بموضوع هذا لولد
لان سمعت مكالمت بابا ويا عمي وخافت
بلنسبه لعلاقة بابا بعمامي بعد سنتين عمي نتكست
حالته لصحيه
فا بابا راح اله للمستشفى وتراضو
وحتا ماما من طيبة قلبهه
سامحتهم
بس بقت تخاف علينه منهم
هلسبب لخلاهه تكون سعيده لوجود
شخص مثل كرار بحياة سيدرا
لمن سالتهه ليش
كلتلي ماكو بشر راح يتحمل اختج غيره
****&
سيدرا
نمت ساعتين كعدت دورة فوني لزمته
اول مافتحته شفت طلبات رسايل
ماعرف ليش بس جنت منتضره من عنده رساله
وبلفعل لكيت رساله
من كرار
