يامن امكدر علي غيرك فصاله صعب
جم دوب اخيط واشك
حنيت انه لشوفتك
واصبرت بس ما صبر كلبي وصرخ راح اطك
جاباني الك واذعنت
جيتك ابليله شته ظلمه ومطرها رشك
وشبعده صار الدرب
خوف ورعيد وثلج
وجفوف اديه زرك
ابابك طحت ها كمت ضميت
اديه او ردت ع
الباب بالروح ادك
بس كالو إلمن تدك
كلمن مشه لحالته
واحد سكن بالغرب واحد سكن بالشرك
((((كاضم سماعيل كاطع))))
....يمكن هذا اكثر شعر
حسيته مناسب يوصف حالت كرار
..
..........
ساره العبيدي
...........
وهذا بارت ثاني حبايبي
اتمنالكم قرائه ممتعه 🤎
.......
سيدرا
كملت كلشي ورجعت
بقالي بس فستان العرس وهوا
وصاني انو ما اخذه لان
هوا يريد يختاره وياي
اعرف مو حبا بيه بس لان
يريدني اخذ مستور خايف
اخذ شي مو مستور بس عادي
مهتميت كلتله تمام
اجا اخذني ورحنا كم سنتر
مال فساتين
ويا قطعه اختارها ماتعجبه
شي دلعتها كبيره شي
لصفاح شفاف شي مابيها ردان
يطلع بكل قطعه الف عيب
بلنهايه كلتله مالي شغل
انتا ختار الي تعجبك وصراحه
ختار فستان مستور بس
جان ياذ العقل اول ماشفته
تخيلته عليه كد ما ياخذ العقل
اخذنا وطلعنه لاحضت بي
شغله حبيتها ابد مو من لنوع لي
يهتم للسعر اهم شي عنده الشي
يكون راقي فاجئني لمن طلعنه
كالي يلا حتا انتب تختاريلي
القاط بلي يعجبج ماعرف بس حببت
هلشي وفعلا رحنه وختاريتله اني
لون رمادي ولقميص يجي لونه افتح
اساسا لو شنو ماللبس راح يكون
حلو علي لان جسمه جان متناسق
وهوا وسيم لدرجه كبيره ^
حجز الصالون ثبته
قبل العرس بيوم ماما ورهف وريمه
اصرو انو لازم نسوي حنه وطبعا جبنه
كلشي لبست فستان احمر
ماروني ستان جان مخصر وبي
فتحه فوك الركبه شبر تقريبا
بدون ردانات جان شعري نازل
على جتوفي وضهري
لان جنت متأكده هوا ماراح يجي
وعزمت صديقاتي صح ماجانو كلش مقربات
بس عزمتهم وعزمت ست غاده
واكيد مرام جانت من ضمن الحضور
بيومها مارحت صالون اني سويت مكياجي
وريمه ومرام سوولي شعري
وواكيدددد اكيد ساجر ما اجا
§åřå95
ولا حناني بحجة اهله مسويله حنا بالانبار
وراح يحضرها وباجر يجي ويا الزفه
ماهتميت هلمره لان تقريبا تعودت
على طبعه وماعاد يهمني بس ماما
نقهرت هوايه وكل شويه تسئلني
متأكده ماراح يجي يحنيج
اريد افهم وين اكو شخص ما
يتمنى يشوف خطيبته وهيه بهيج
يوم بس حضج وحد عن العالم
حضنتها وكلتلها ماما حرام هلحجي
حض وماعرف ايش خلص اني
تعلمت على طبعه ماكدر اجبره
بوسط الحفله ولاجواء ولبنات يركصون
شفت ماما طبت للاستقابل وهيج
لفرح تارس وجها بلغت البنات يتسترون
لان العريس جاي حتى يحنيني
ماعرف شصارلي
حسيت بطني مغص متوقعت منه هل
خطوه ابد اعرف يحاول يستغل
كل موقف بس حتا يئذيني
بعد ما البنات لبسو شالتهم
وكفو عن الركص طب ساجر
واني سرت بكل جسمي
رعشه ما اعرف لبسي جان فاااضح
ابد ماتوقعت يكون موجود كلت هوا بنات
ليش اتقيد وتصوير ماكو
.
ساجر
قبل يوم بلغتها انو ماراح احضر الحنه
لان حقيقه اهلي جانو مسوين حفله بمنطقتنه
ومحضرين للجوبي وكلشي
بس بعدين فكرت حنتي بليل
وهيه العصر ليش ما اروح
علمود كدام اهلها احنيها وكذا
واطلع لأهلي لطريق مو طويل ولوضع هسه
امان الضهر رحت حلقت
ورتبت لحيتي
ورجعت سبحت ولبست بنطرون وستره
كجول مالبست رسمي
وقررت اسويها مفاجئه اريد
اشوف رد فعلها
اتصلت على امها وبلغتها اول
ماردت عليه ردت من وره خشمها
بعدين لمن كلت الها اريد اجي
وجيتي مفاجئه مخليها نبرتها
ختلفت ورحبت بيه
بكل فرح طبيت للاستقبال
ماعرف بس صراحه نصدمت اول مره
اشوفها لابسه هيج حتا لبس يوم
الخطوبه ما اندله لانها ماخلت خواتي يصورون
بس صدمني فستانها النوب تقدمت اليمها
وكفت تقربت منها بست جبينها
وكعدنه جان اشوف فتحة الفستان لي واصله
لراس الشارع
احس النار كبت براسي
شاورتها
عليش جان طبيتيلهم بدون ملابس
شدعوه عليج مستوره هلكثر
ماستحيتي من نفسج كاعده كدام
النساوين مزلطه
..
سيدرا
تقدم مني وباس جبيني واني
ما اعرف احس كل احاسيسي
جامده ماعندي رد فعل
لحد ما تقرب يشاورني
وكاالعاده لازم يسممني
بكلامه ماعرف اعصب ماعرف
اخجل بس لازم امثل لابتسامه
ماريد اتفشل كدام الكل
وليضحك لبنات يتغامزون ببللهم
يغازلني رعشه سرت بكل جسمي
لمن اصابعه لامست رجلي وهوا
يحاول يسد فتحت الفستان
حتا يغطي شوي
من لي طالعه اجت ماما وهيه
لدنيا ماواسعتها من الفرح خطيه
ببالها عريس الغفله جاي من حبه
ماتدري جاي بس حتى يعرف شلابسه
تا يسممني بسوالفه وقبل لا يخليلي الحنه
باوعتله بتحدي وكلت اله احرك دمك
اشرت الريمه كلتلها تعالي
ساعديني اغير لفستان
قبل الحنه لان صورنه بهذا
كلتله من رخصتك حبيبي
ثواني ما اطول ونطيته نضره ستهزاء
هوا بتسم بتسامته الي تنرفز
براحتج ياعمري بس استعجلي
لان لازم اطلع للانبار مابقا وقت
رحت طلعت لفستان الثاني
جان مفضوح اكثرر قصير فوك الركبات
لونه احمر ناري
ولضهر كله مكشوف غيرت الاكسسوارات
وريمه كبالي تضحك
...
ريلام
اشوفها شجاي تلبس وميته
ضحك اعرف بي رزلها لكلل جانو
يتغامزون بالهم يغازلها
حتى ماما بس اني
محد حافظ ملامح اختي مثلي
اعرف جذبها من صدكها
كلتلها تريدين تغيضي موو
استري ع نفسج ترا
يطلعا منج باجر
..
سيدرا
هه هسه تشوفين شلون راح يموت قهر
كملت طوخت حمرتي برز بياضي اكثر
بهذا الون نزلت
طبيت للاستقبال ماما جانت تحجي ويا
رفع راسه وعيونه احس من كد مافتحهن
راح يوكعن بيدي ههههههه
تقدمت يمه رجعت للكوشه وماما
تصلي على نبي وتدعيلي
ربي يسعدني
ماتدري بالحرب البارده لي
جاي تقوم بيناتنه
كعدت قرب نفسه مني هوايه
جفلت
لمن حسيت ايده جاي تمشي على
ضهري شاورني
..
§åřå95
ساجر
بعكليي ستحت من لرزاله
وراحت تستر جسمها شو
ياريتها ماراحت رجعتلي مدري
شمغطيه كلشي طالع ع اساس تستفزني
ماعبالها بلعكس خلتني استكشف
براحتي بدون تعب هههههههه
مديت ايدي اتلمس بضهرها جفلت
قربت وجهي يم اذانها كلتلها
لمنج مستحيه ياعيني ماسترتي
روحج
وصارت ايدي تتجول على ضهرها
وهيه شكلها يضحك مستحيه لحد
حنيته ودنكت راسي المستواها
بستها من رقبتها وشميتها
وسط هلاهل صديقاتها
وخجلها حسيت برجفتها لمن قتربت
وطبعت عليها اول قبله على جسمها
وكلت لعمتي اترخص لازم اروح قبل
مايصير المغرب جانت ايدي لازمه ايدها
حسيتها مارفضت لزمت ايدي
لأيدها باوعت بعيونها وكلتلها
موعدنا غدا اليس الغد بقريب
سيدرا
رجف جسمي مو حب بي
بس مشاعر اول مره اعيشها
كالي اخر كلامه ماعرف ليش
خفت خزرته بعدين تذكرت لكاعدين
بتسمت وسحبت ايدي تواقح وتماده كلش
طلع هوا ولبنات لتمو يااااا وياحضج
ولج شلوون لكفتي وماعنده اخوو ولج شهلطول
متأكد هذا عراقي ولله تركي
مستحيل وحده من صديقات الكليه
اذتني لمن حجت
.
رباب
صدك محضوضه ركض وراج المن حفا
٤ سنين كرار الي نص بنات الجامعه
يركضون وره وعفتي وكعتي بوحد يطك بلكاع
عمي حضيضاااان
.
رهف
شهلكلام رباب هذا وقته يعني ترا
ابد مو مناسب كلامج نصيب وماصار
عيب
.
سيدرا
شكد وجعني كلامها بس ذكرت كرار
بس كلت كلامها صح مابي شي
يزعل جاوبتهم عادي بنات هيه لدنيا
قسمه ونصيب والحمد لله ربكم يعوض
على كد نياتكم
وهيج بلشو لبنات وحده وره لثانيه تروح
بقينه بس اني ورهوفه ومرام وريمه
وبعد شوي ابو مرام دز عليها
يخاف سيف يرجع وهيه موجوده هههههه
ثاني يوم الساعه ٨
رحت للصالون
تفقت وياها على ميك اب يبرز
ملامحي هلمره وخليت لون حمره
مخمل واني اساساً شفايفي مليانه
شعري خليته ويفي ماحب الخبصه
والتسريحات العاليه وخليته على لونه
ماصبغته طبعا حسب توصيات
استاذ ساجر لان بليل رسلي
اذا صبغتي شعرج او كصيتي
اكص ايدج ردت اعاند بعدين
خفت يطلع مني خصوصا هناك
ماعندي احد فا صرت حبابه وسمعت كلامه
وسويت مثل مايريد لحد ساعه ١١ ونص تقريبا كملتني
اجا سيف اخذني من لصالون للبيت
كلتلهم اريد بيتزا
جابولي طبعا لعد حسبالكم اعوف
نفسي جوعانه ولله شنو متوتره
لا اكل هسه واملي بطونتي
اهم شي اكلنه وريمه ورهف يصورون
بيه واني اكل ويكلولي راح ندزها
لساجر يشوف مرته
شكد مفجوعه واني اكللهم يلا دزوها
منو بحاله يلكه مثلي يطول هوا اصلا
اجا بابا وسيف ويا شافوني اول
شي سيف دابلني
اكو وحده عرسها بعدكم ساعه وترربع
هيه وفستانها وتاكل هنياله
شماخذ خزرته يلا عيني نشوف انتا
شماخذ باجر مرار تاخذها صايمه
.
سيف
مرار شنو ولج
.
سيدرا خطيبتك ياحقير
ضحك بابا وتقدم كعد يمي
واني كأنو هذا لي جنت انتضره
حتى تروح كل القوه الي
تضاهرت بيها ويضهر كل وجعي
بس مجرد باوعت بعيونه لي مليانه
دموع مابقيت دمعه مانزلت هوا حضني
ويدعيلي ولبنات وماما يكلولي لا تسوين
هيج خربتي مكياجج وبابا رفع راسي بدي وباس
جبيني كالي
..
ابو سيف
طول عمرج اول فرحه الي وهسه
انتي سبب اول فرحه صارت ببيتي
اريدج ترفعين راسي ماريد بشر
يكول بنت سالم وقحه او ماتعرف تتصرف
ارفعي راسج وراس ابوج
ياروح ابوج وعقله
.
سيدرا
كلامه احس دخل جوا روحي
مسح على خافقي بدفو حبه
الي يضمره الي بهلحضه تندمت
على كل يوم وكفت بوجها
وكل يوم اذيته بتصرفاتي
صرت اشهك بحضنه وهوا بعدني
.
ابو سيف
لا باباتي لا اريدج قويه ماريد
هاي لدموع لغاليه تنزل اله على شي
لي يسواهن دموعج نار وتحرك
بقلبي لاتضنين بيوم زوجتج لان متثاكل من عندج
بس صدكيني ماراح تلكين بشر مثل
نخوة هلولد
ولا غيرته
.
سيدرا
حضنته وكلتله انتا سامحني
على ايام اذيتك بكلامي بس ولله
ماجنت واعيه وانتا تعرف
اثناء حديثنه سمعنه صوت الزفه
يعلن وصولهم ماحجيلكم
وضعي بوقتها احس نبضي صار
الف لبنات نخبصو يرتبون مكياجي
وكذا بابا وسيف لمن طب ساجر
حجو ويا
.
ترا انتا اخذت قرت عيونه وفرحتنه
وثقنه بيك لانك ابن اصول بس
بالك بيوم تغثها لان صدك نحرك الدنيا
.
ساجر
على راسي عمي فخر الي اخذت
من عدكم ويابخت الي يناسبكم
يزيده شرف
.
سيدرا
باس راس بابا وتقدم بتجاهي
كاله امانتك بهلركبه عمي لاتاكل هم
.
كالي اغطي وجهي وغطيته لزم ايدي
وطلعنه جان الشارع متروووس
سيارات مثل لي جو ويا بلمشيه
واكثر بعد بس ماجان اكو نسوان غير امه
بوستني وباركت الي وحجت ويا ماما
تطمنها انها راح تخليني بعيونها
وماما تبجي وتوصي بيها
لحد ما طلعنه صعدنا وره
جان واحد يسوق
ماشفته مشغلين اغاني عاليه
وولسباق اكيد تعرفون عراقيين
منكدر نعوف لعادات ولتقاليد
ههههه طول لطريق ما حجينه
اي شي بس يسئلني محتاجه شي
دايخه بيج شي
راح احجيلكم سبب رفضي انو شخص
من الانبار جان كل تفكيري الانبار
بعدها متدمره بسبب داعش جنت اخاف
بس لي شفته طبعا من تحت الغطه مقتطفات
جانت الانبار حلوا هوايه
وماعرف بلمستقبل اكيد راح اشوف اكثر
وصلنه مكان جانت بساتين كبيررره
ولخضار تارسها وكفت السيارات مقابيل بيوت
فخمه جدااااً وبلشو رمي الطلقات لزمت ايد
ساجر كل قوتي ساجر امانه ماريد انزل
خليهم يوكفون
.
ساجر
ضحكت على ردة فعلها عيب بويه ليسمعج
من باريس وول مره يرمون يمج غير
احنا راضعين صوت لرصاص
ويا الحليب
.
سيدرا
بجيت ولله ولله اخاف كافي
.
ساجر
تحجين صدك شكو تبجين ياعيني
حجا ويا الي خارج لسياره
اشرلهم وكفو رمي اجت امه
ساعدتني هيه ويا حتى انزل بدون
مافستاني ينرفع
نزلت جانو عازمين هواااايه نسوان
جانت عيوني تدور ريمه لي اجت ويا
خاله ام ساجر الحمد لله لمحتها
احس رد الدم لعروكي جنت خايفه
لان ماعرف احد بيهم بس امه
وخواته واضح ماخذات موقف
لاني ماخليتهم يصورون هههه
........
يتبع
لاتنسون التصويت
