ضحكت وشافوها طلاب القسم
وانا اباوع والعشگ شابع شتم
ضحكت وكالت تعال
انته اعز كل الرجال
انته مو طالب غريب
انه اكثر من حبيب
بس تصير القسمه اصير من الجهال
........
ساره العبيدي
..........
مساء الخير على عيونكم
حبايبي نبلش بارت جديد
بالصلاة على النبي
........
سيدرا
وبوسط حيرتي وتفكيري سمعت صوته
اول مره احس بدكات قلبي
تفز ع صوت شخص
اي صح قلبي فز ع صوته
حاولت اكتم بتسامتي
لي نرسمت بمجرد
سماع صوته ماكدرت رديت هلا كرار
كرار
همممم بس كرار ماكو حبيبي شي
جايلج هلمسافه بهلحر
كولي حبيبي شي
سيدرا
اوي كرار عفيه خلي الكلام هوا
يطلع لا تغصبني
كرار
اوييي لا تتموعين ترا كوه صابر
احم
سيدرا
ها ليش اني اتموع لا بلعكس اني
ماحب هلحركات
كرار
اي لا صح اني اتموع عيني
اكول سيدرا
سيدرا
كول شنو
كرار
احد كايلج من قبل انو
عيونج تسحر حتى الاعمى
سيدرا
احس النار صارت تطلع من خدودي
تلعثمت ماعرف شنو اجاوبه اول
مره شخص يتغزل بيه هيج
ماجنت انطي مجال لاي شخص
وصراحه اني مو من لنوع لي يركز
على جماله اشوف شكلي طبيعي
ماعرفت شنو اجاوب كتله
شكرا
كرار
نعم الله عليج هذا كل حيلج
سيدرا
فتحت عيوني ممنصدمه
احس فشلني
شو صار يضحك
كرار
ههههههه اسف ولله بس اتشاقه
وياج اعرفج بسرعه ترتبكين
وصراحه اكثر شي احبه
ملامحج ونتي مرتبكه
سيدرا
هذا شبي مصر يحرجني ليوم
كمت كتله ااا اني راح اروح انتضر رهف هناك
كرار
لا تنتضرين احمد اخذها وطلعو
سيدرا
يااااا صدك تحجي هيه ماتطلع
بدون ما تشوفني مستحيل
كرار
اي صدك احجي بعد صارت
مره متزوجه عقبالج بنت قلبي
سيدرا
كرار شنو هلكلام عفيه لا تحرجني
اني راح اطلع اخذ تكسي
لان مابيه انتضر الخط
يكمل
كرار
بكيفج بس خلينه نكعد شوي نحجي
مدام ماعندج شي بين مايجي الخط
سيدرا
لا كرار ماريد يصير مثل ذاك اليوم لمن اجا
ابن عمي ترا هوا يريدني فا ماريد
يشوه سمعتي
كرار
تمام خلص براحتج مابقا شي وتصيرين
الي ونكعد براحتنه
سيدرا
ان شاء الله
يلا باي
كرار
طلعت سيدرا رحت اتمشا للنادي
طلع من لنادي ستاذ معتز
باوعلي بنضره ماعرفت افسرها
بس ع الاغلب نضرة تحدي
نضرتله نضرة استهزاء
وطبيت للنادي
ماعرف بس ستفزني عصبت هوايه
سيدرا
طلعت اخذت تكسي لاحضت نفس السياره
ورايه ستغفرت ربي سمعت صوت فوني
شفته كرار ستغربت شعنده
رديت
📲الو
📲هلو سيدرا
📲بيك شي
📲لا بس ماعرف عصبت كلت احجي
وياج اهداء شوي
