وصف المتنبي الشوق قائلا
منَ الشوقِ والوجدِ المُبَرِّحِ
أنَّني يُمَثَّلُ لي من بعدِ لُقياكَ لُقياكا
سأسلوا لَذيذَ العيشِ بعدك دائمًا
وأنسى حياةَ النفسِ من قبلِ أنساكا
......
لاتحرموني من تعليقاتكم الحلوه بين الفقرات
ولتصويت
يلا نبلش بارت جديد بس
ماننسا اول شي نصلى على النبي
....
ساره العبيدي
..........
سيدرا
اجت مرام وهيه واضح عليها الحيره
كلتلها مرام راح ادخل بلموضوع
كبل ميحتاج مقدمات احنا مثل
الاهل ونتي كضيتي طفولتج
بعد ماتوفت خاله ببيتنه
يعني تعرفينه ونعرفج
مو غربه وصلتني رساله عرفته ساجر غلست
وكملت كلامي
شوفي مرو حبيبي انتي تعرفين سيف كلش
زين واني متاكده اول شبته
جانت عينه عليج
بس يمكن حس انج صغيره
فا ستصعب الموضوع
وهم شفتي بنت ابليس شسوت
بحاله لو ماصاحبه جان راح من ادينا
..
مرام
لا بعيد الشر عفيه لاتكولين هييج
..
سيدرا
ههههه عيب ياحضيي اثكلي
هسه اكول ماصدكت اخويه يخطبهاا
....
مرام
خليت ايدي ع حلكها
اشششش لايسمعج بابا ولله استحي
.
سيدرا
اي خليني اكملج لمهم هسه هوا
تشافه الحمد لله وصحته
رجعت تمام وبتعد عن هاي البنت نهائيا
وصارحني انه يريد يتقدملج
لان هوا نوعيته يكره العلاقات
يريد يتاكد انج موافقه
حتا يفاتحون عمو بلمووضع
فا حجيلي رئيج حتا اذا موافقه
ابلغ اهلي لاتستحين من عندي عتبريني
اختج الج مو اخت سيف
احجي كل لي بخاطرج
..
مرام
سيدرا اني اعرف انتي وريمه
تعرفون اني احبه لسيف
اصلا اني من فتحت عيوني
هوا لي يدافعلي وهوا لي ييشتريلي
وماعرف يمكن كلها تصرفها بمعزه مو حب
بس اني وعيت على حبه وصراحه
اي اني موافقه بس ماريد اتزوج هسه
لان ماكدر اعوف بابا وخواتي
اقل شي سنتين حتا يكدرون يعتمدون
على نفسهم صح اني مو بعيده عنهم
بس راح تصير عندي مسؤوليه ولتزامات
مو صح
.
سيدرا
هوا اني اصلا جنت حايره شلون
اكولج انو سيف مايريد يتزوج لحد لتخرج
لان انتي تعرفي معتمد على نفسه
فا يريد يتزوج بتعبه هاي عقليته
يعني ماكو مشكله الحمد لله
خلص حبيبتي اني راح ابلغ بابا وماما
وبس يقررون يفتحون الموضوع ويا عمو ابلغج
تتحضرين
.. .
مرام
تمام يروحي خليني اضيفج شي
...
سيدرا
لا ابد ولله مستعجله بس
خطيه سيف صارله
هوايه من طلب مني
اتواصل وياج واني
محبيت اتواصل ع لنت
كلت لازم وجه اوجه
حتا نتفاهم على كلشي
وهم الله جابني
حتى اشوف مرت اخويه
بلدشداشه الكودري
وهيه صاعده الكرسي
وتجلف بنكات حتا اعرف شكد نادررره
...
مرام
هسه انتي جاي تمدحيني لو
تذمينييي
§åřå95
.....
سيدرا طلعت من عدهم
سديت بابهم جان اشوف
ساجر واكف بباب لبيت
لي بصفنه من لجها
الثانيه عجيب شعندا
هذا البيت فارغ
يارب لي بالي مو صحيح يارب
نوب شباج غرفتي يطل عليهم
يباوعلي نضرات ستفزتنيي
ياربي اكره البرود لي بي
بس ليش اجذب
سرحت بجماله
جان لابس تراك
اسود ورافع شعره
وعيونه البنيه
ورموشه ماعرف شكوللكم
بس اخذتله سكرين شوت بعيوني
سويت روحي متنرفزه وطبيت
وسديت لباب قوي
جان توصلني رساله
✉عيب عليج تدحكين
علي (تباوعيلي )هيج
شنو ماعندج
اخوان متخافين وحده
تدحكلهم مثل مادحكتي
علي
..
قريت الرساله وضحكت من كل قلبي
احب لمن يحجي بلهجته الغربيه
مارديت علي رجع دز
✉لمنج معجبه عليش مادكولين ادزلج
صوره تشبعين مني شوف
✉تستحي على دمك لو احضر
منو مباوعلك فد نمونه انتا ولله يالله
مصدك روحك جنك شرشبيل
✉تمونين معذوره ماتعرفين شلون
تثولين سالفة نضراتك الي بس حقك
ولله يولي لبنات كلهن يموتن علي
بس انا احبك انتي
✉الله يالقيصر خف علينه
لاتحما الجو حار
✉يا طلعتي تافها بس
معلش الحلو مايكمل
يكيفييي
✉شعندك بلبيت لبصفنه
✉اجرته عندج مانع
✉اي عندي احس مابقا
اوكسجين بالمنطقه
من صرت جارنه
✉عليج الله ماتخافين
من جهنم شكد تجذبين
يامهبوله قبل شوي ردتي تضربين
العامود ونتي تدحكين علي
✉لا غلطان مجنت اباوع عليك
جنت مستغربه وبس
....
بقينا طول ليل
نتدابل هوا يعاند ونا اكثر
كالي افتحي شباج اشوفج
✉ونتا شعرفك غرفتي كبالك
✉واضح من لون البرده الوردي
كاتلتج الانوثه ليشوفج مايعرف
تتكلبين مثل
طرزان وكت تجيج
الحاله وتطبك خبالاتج
✉ماافتح البرده ومن
باجر تاخذ جوالاتج وتمشي
اني بلفون كوه متقبلتك
نوب عليه تكابلني
حسبي الله ع ذيج ساعه
لي شفت وجهك بيها
✉افاااا ههههههه
يول انتي صدك ماتستحين
بس معلش اوعدج راح يجي يوم
وتبوسين لساعه لشفتي
وجهي بيها وها تصلين
ركعتين حمد وشكر
لاني صرت نصيبج
✉هههههههه بأحلامك
يماما ويلا عندي تصحيح
اوراق خذ راحتك
✉لا تعبين نفسج بس نتزوج ماخليج
تشتغلين اشبعج دلال
....
مارديت عفت الفون
وكعدت اصحح الاوراق الي عندي
واني اصحح وصلت
رساله زفرت بجزع
من عنده بس الي
خربط كياني صاحب الرساله
كرار شذكره بيه ليش جاي يراسلني
صح اني مانكر شكل ساجر يجذبني
اساسا مو بس اني اي وحده غيري
راح يعجبها جماله وشخصيته تسحرها
بس وقت الجد قلبي بعده بي مكان الكرار
هوا اول دكة حب داخلي لو ما هوا
ما عرفت معنى الحب
من بابها اكول حقه ليش صارلي
مستحيل واحد
يتقبله خصوصا
بعائله محافظه مثل عائلة كرار
لي فهمته من رهف انهم محافضيين
هوايه ومن جها
ثانيه اتذكر
كلام ساجر ليحب
يفهم وينطي الف عذر
خصوصا اني جنت
بموقف صعب ماجنت
استجري افتح الرساله
ماعرف احس حتى قلبي رجف
مو بس جسمي واني
اشوف صورته الأيقونة
مالت الماسنجر
سديت الموبايل ماريد ارد لازم
افكر واتخذ قرار ياما ارتبط
بساجر ياما خلص احضره ووكفه
عند حده ابلغ بابا عنه
....
سيف
وصيت سيدرا وانتضرها
يوم بعديوم واني انتضر
وسيدرا ماراحت
حسيت خلص صبري
خصوصا وره ما
سمعت كلام سيدرا وفهمت
انها تحبني اصلا
وتوكف كل يوم بس حتى
تلمحني واني طالع للشغل او لدوام
نتبهتلها كم يوم اشوفها صح
واكفه بس تشوفني
ترجع وتسد لبرده بسرعه
ماعرف ليش احس قلبي
نبض الها
جنت بغرفتي سمعت سيدرا
تبلغ ماما انها رايحه لمرام
حسيت روحي
بنيه جايين يخطبوها
من كد الارتباك قلق اريد اعرف
شنو راح يكون ردها
تذكرت يوم لي عصبت
عليها حسبي الله على لي
ضيع عقلي ذيج لفتره
جنت طالع وهيه يمكن واكفه
وره ابوها شفتها واكفه تودعه ولاحضت
ولد ٢ يتمشون شلون يباوعون الها
صيحت عليها ورفعت صوتي
وكلتلها كلام ماعرف شلون
طلع من عندي الحمد لله
جان ابوها رايح الشغله
المشكله انها جانت توها تريد
دكول صباح الخير
واني كلبتلها صباحها سم
بقيت انتضر شو
سيدرا رجعت بوجها لغرفتها
كلت خلص
لو موافقه ماجان راحت بسرعه
جان بلغتني موافقتها
حسيت بخيبة امل
بس ليش ترفض
هيه تحبني وواضح هلشي
معقول بسبب نفس الموقف
صفنت جا بالي موقف ماتذكره بالضبط
بس جنت توي بلشت اشب
وافهم لحلال ولحرام
ولي يصير ولي مايصير
§åřå95
اجت هيه وحضنتني ماتذكر بلضبط
بس اعتقد جان احد معاركها
ودافعت عنها حضنتني
قووي حسيت بشي غلط
بعدتها عني وكلت الها لا
تعيديها هيه برطمت
ليش انتا حبيبي
اني ضحكت كلتلها
اني اخوج وماخلي شخص
يئذيج ماما وصتني عليج
وعلى خواتج جانو يقضون
نهارهم لحد مايجي والدهم
من شغله ببيتنه بسبب
وفاة امهم بعدين تذكرت
موقف ثاني جان بابا معزوم
الحفله وقرر ياخذني ويا
وسوالي قاط نفس قاطه
لبسته واكف احس روحي رجال
كبيررر اجت هيه وكفت يمي
كلتلي من اصير كبيره عروس
البس فستان ونتا تلبس هذا
ونتزوج بتسمت ماعرف شلون
فكرة بغيرها ربت بينه وعلى ايد
امي واعرفها وعرف اخلاقها
ولصراحه مرام كلش حلوا
رغم عمرها الصغير
بس تمتلك كل مقومات
ممكن الرجل يقفل عليها
احله شي بيها جان لون عيونها
يتغير حسب ملابسها
كل ماتلبس لون يصير يتغير
جانت سيدرا تغار من عدها
ومن عندي لان عيونه ملونه
وهيه عيونها عسلي
جانت ماما تكوللها
انتي ربج خلق عيونج
بلون العسل العسل اطيب
شي بلدنيا تقنعها
وحنا نضحك عليها
بقيت فكره بين ضوجتي
وبين مواقف ماعرف شلون
جنت ناسيها
ندك باب غرفتي كلت ادخلي
...
سيدرا كملت الاوراق
ورحت لسيف حتا ابلغه بكلام
مرام وانو هيه اساسا متريد تتزوج
بلوقت الحالي بس ماعدها
مانع يخطبها ويعلنون الخطبه
فا همه متفقين بهلنقطه
دخلت يمه لاحضت شكله
مو تمام كلتله سلامات عريسنه
شكلك دايخ بشيي
بتسم بتسامه مزيفه
ضحكت كلتله شبيك سيوفي
وحجيتله موقف مرام وموافقتها
حسيت ردت اله الروح
ضحكت كلتله هاي من يمتا مو
جنت تريد تنتحر
على الاميره للوش
...
سيف
اسكتي بربج لاتذكريني بهلحثاله
لمهم يعني بهلوضع ماكو مشكله
احنا متفاهمين شرئيج بعطلة نصف
السنه اخلي بابا يفاتح ولدها بالموضوع
وخلص
...
§åřå95
سيدرا
اي ولله حبيبي هذا لي لازم
يصير حتى متروح الببنت من ايدك
ولو لو اشرحلك شلون شفتها
لمن رحتلهم تشبع ضحك
....
سيف
ليش شبيها
....
سيدرا ولك هيه كد نمله من كدماناعمه
ولابسه دشداشه كودري حمره كبيره
مال شغل ولافه عصابه شكلها
يموت ضحك جنها هذن لبنات لصغار
لنشوفهن على المواق ملبسيهم ملابس
كبار
.....
سيف
فدوا صح هيه ناعمه وترفه
...
سيدرا
يالله بسم الله نقره الفاتحه
على عقل اخويه
شال المخده ضربني عفته وطلعت بسرعه
من الغرفه
.........
يتبع
