شعيشتني حزن من صدفتك لسا
حبيتك من القلب بس انتا للونسه
وما الك موقف حلو يبردني من اذكر
جا بيش اقنع القلب بالصيف من اتمر؟
بشتاي ماتمطر !
ها ياطويل العمر يمكصر ايامي
......
ساره العبيدي
.......
يلا نبلش بارتنه
مثل العاده بالصلاة على النبي
....
سيدرا
اي طبعا اني اخاف ع كل ناس من لموت
كرار
اهووو رجعنه للتكبر احجي احجي عدل باابا
لاتخافين ماراح اكلج
سيدرا
ههههه صراحه اي اخاف عليك
اساساً ماكو اي شي افكر بي غيرك
كرار
اي عفيه هيج احجي كلام يرد لروح
سيدرا
مااااشي كرار لعاطفي امر
كرار
تتمهزين ع مشاعري لثمينه
لتي لاتقدر بثمن غيرج هوايه يتمنوووهه
سيدرا
هااااا شو كمنه نحجي الغاااز
كرار
ههههه لا وداعتج ولله مابعيني غيرج
سيدرا
ونا بحياتي ماشافت عيوني غيرك
انتا يااحله صدفه بعمري
كرار
ربي يسهل امرنه وخطبج باقرب وقت
بس خل ابوج يكعد يوم بلبيت
سيدرا
ههههههه هاي صعبه هوايه
كرار
اعرف ع حضي اذا جان يتغدا وياكم
حتى ع لغدا بعد مايجيكم
سيدرا
مممممم يمكن هيج حيصير
كرار
لابربج لاتكوليهه
غير اطك من لقهر
سيدرا
ههههه لا ان شاء لله
يفضى هليام وتبين
كرار
يارب
ونتي يلا حبيبي نامي حتى تكعدين تكملين
دراستج نريد نجاااح
سيدرا
ماشي تصبح ع خير
كرار
و ن ت ي م ن ا ه ل ي
*
ام سيف
بقيت للصبح كاعده يم سيف
وحرارته ماترضا تنزل
وكوابيس وبس افهم منهه ليليان
كلت خلص ليوم اروح وخطبهه وقبل كل شروطهه
ولا ينقهر سيف هيج
اني شعندي غيره هوا وخواته اهم شي
سعادتهم وانعل ابو لفلوس
تصلت ع سيدرا كلتلهه من رتجعون من لدوام انتي وختج
تحضرو حتى نروح ع بيت ليليان
اني ماتحمل تعب سيف هذا
سيدرا
ماما غير يصحا سيف اول
ام سيف
لا ابد مثل ماكتلج تحضرو ومالكم شغل
سيدرا
بلغت ريمه بلي كالته ماما
وطلعنه وبلفعل نتبهت مرام فاتحه شوي
من لبرده وتباوع
كسرت قلبي عليهه
رحنه لدواماتنه متحنت وخذت محاضرتين
وطلعت هذا اخر يوم دوام من بعدا متحانات
رجعت لكيت ريمه بعدهه مجايه
نضفت لبيت وسويت غدا
وحضرت ملابسي
وملابس ماما وريمه
بين ماجو تغدينا ولبسنه ورحنه الهم
وماما كلتلهم موافقين بكل شروطكم
بس اريد سيف مايعرف اني حنطيج لمهر بيدج و
اطلب منكم طلب اريد ليليان
تجي وياي للمستشفى لان سيف
صحته مجاي تتحسن وبس يصيح
بسمهه من لبارحه وجانت ماما تحجي ودموعهه
تنزل بدون متكدر تسيطر عليهه
وقبلت ليليان تجي ويانا واجا سايق لي بابا
دزه النه ورحنه سيف
بس لي فاجئنه بس طبت ليليان لسيف
بسرعه فتح عيونه ويباوع عليهه
وكانو مو اذك سيف لي قبل شوي منتهي
شسالفه هم لو سحر ماتطيبه بهلسرعه
وطبعا جان تبجي بس واضح تمثيل
اني وريلام متحملنه كميت لتمثيل
وطلعنه من لغرفه ودايخين بوضع اخونه
مانعرف نحمد لله ع سلامته لو نفكر شنو لموضوع
