مدري شنقص بالعمر من المرض جاسك 💔
الليل انومك واظل كاعد بصف راسك
لو نزل مني الدمع لا تقلق
تطمن صدكني راح ابتسم
لمن تصير احسن
...............
ساره العبيدي
...........
اللهم صل على محمد وال محمد
.....
لاتنسون التصويت ولتعليقات الحلوه مثلكم
......
ساجر
كافي كلتلج اسف
نامي احد لازمج ذاك لفراش
سيدرا رحت مددت كلتله طفي لضوا
ساجر
ست سيدرا طفيته امر خدمه بعد
سيدرا
لا شكرا بس الضوه فتح لكنتور
وشوفه مشغل
لايت لفون اخذ ملابس ولمنشفه
وكف يم لبلكات شغل ضوا
ساجر
اسمعي من هنا وجاي من تصعدين تطلعيلي
غيارات وتراك وتخلي بلحمام
عليش متزوج حتى اشوف وجهج
سيدرا
اي معلش ابو شهاب بس طفي ضوا
ساجر
شنو تستهزئين احسج
سيدرا
تطفي الضوا لو اكعد ابجييي
ساجر
لا ابجي ابجي بله ماتبجين لازمج
هاي طفيته بس
ريحيني من صوتج
سيدرا
توي مدده رجع شغله
ساجر
اسف ولله مو مدابل
بس انزل فراشي
سيدرا
براحتك مددت وغطيت راسي
ابد ولا فكرت ولا شي غفيت
كعدت ثاني يوم هم نحول وجسمي
يوجعني بس كلت تغيير مكان
مادري
هيج عدت لحد يوم ل٥ ام ساجر
اصرت تسويلي سبعه
واله البس سبع بدلات
كلتلها خاله محد بقا يسوي لسبعه ولله
ما اريد اصرت وعزمت اهلي وكالت لساجر
ياخذني لبغدداد ونجيب فساتين ماقبلت
بعدين كالت واذا كتلج لخاطري لاتكسرين
واهسي هذا وحيدي كلتلها اي اقبل بس بشرط
ساجر عصب لاني جاي اتشرط ع امه
كلتلها انتي ولبنات تجون ويانا
وساجر يعشينه هناك
ونرجع
ام ساجر
هههههههه بس هيج واني اكول شبيها
لبنيه شو عنفصت علينه نوب تدور
شروط
سيدرا
ههههههه لا ولله اتشاقه بس
حبيت تروحون ويايا هم فرصه
اني ولبنات نطلع سوا
باوعت ساجر يباوعلي برضه
حسيته فرح لان اريد يروحون وياي
وفعلا ثاني يوم رحنه لضهر اخذنه فساتين
الي وللبنات واخذنا ساجر لمطعم عائلي
جان كلش حلو رايحتله قبل
ويا اهلي
تعشينا وساجر طلب اركيله دخن
واني ولبنات نحجي حبيت نتقرب من بعض
اكثر صراحه حبابات هوايه ويعاملوني
كأني اختهم وخاله ماكو مثلها مستحيل
اول مره اشوف عمه تحب جنتها هيج
يارب يبقون دوم هيج لحد ما نلكه حل
لعلاقتنه كملنه ورجعنه جان لوقت شوي متأخر
بس الحلو انو عمو جان متفهم من وصلنه
جان هوا بلديوان طب يمنه
جان يجي يبوس راس خاله
شتاكيتلج يلبغداديه
ام ساجر
يابغداديه عيني هوا انتا خليت
مني شي
ابو ساجر
افا شيخت لبنات انتي وزينتهن
ساجر
يابه ترا انا اغار على امي لاتاغزلها
جدامي
سيدرا
لاحضت ساجر مايحجي الهجه الانباريه
بس ويا عمو وحتى لبنات قليلل يحجون
انباري يمكن لان خاله بغداديه فا اخذو لهجتها
ثاني يوم كعدت من الصبح جان ساجر بعدا نايم رحت طلعتله ملابس خليتهم بلحمام ورجعت
باوعتله عابت لهلوجه حتى وهوا نايم حلو
ابن الذين عابتلك طلعت لساني اعيبله جان يفتح عيونه
سويت روحي اتمطا وحرك جسمي
صباح الخير
ساجر
شبيج مهبوله شجاي سوين بنفسج
شكو تعيبيلي يولي
سيدرا
شنو الضاهر النوم بعدا بعينك
يلا عيني كوم ماما وريمه جايات بلطريق
اريد الم لم لغرفه
قبل لايجون فراشك مبعثرها
