Lowly Creature ||အညတရ ဖြစ်တည်မှု|| [ မြန်မာဘာသာပြန် ] (Completed)

Chapter (5)

Chapter (5)

ဟဲ့ကျီ၏နာရီသည် အလွန်တိကျလေသည်။ သူနိုးလာတော့ မနက် ၇ : ၃၀ တောင်ရှိ နေပြီဖြစ်၏။ တစ်ညလုံးစဥ်းစားနေမိသော ပရမ်းပတာအဖြစ်အပျက်များသည်လည်း ခေါင်းထဲတိုးဝင်လာကြသည်။ မျက်လုံးဖွင့်ကြည့်လိုက်ပြီး ညာဘက်ခြမ်းကို ကြည့်သောအခါ သူ့အနားတွင် ဘယ်သူမှ ရှိမနေပေ။

မနေ့ညက အဖြစ်အပျက်များသည် သူ့စိတ်ထဲ ချက်ချင်းပေါ်လာခဲ့သည်။ ဟဲ့ကျီသည် တစ်ကိုယ်ရေသန့်စင် ဆေးကြောရန်ပင် အချိန်မရှိသောကြောင့် အိပ်ယာမှထလိုက်ကာ အခန်းထဲထွက်ပြီး လှေကားများကို အမြန်ပြေးဆင်းကြည့်လိုက်သည်။ နံရံထဲတွင်မြှုပ်ထားသော စပီကာများက ဟဲ့ကျီ၏ အမူအယာများကို ဖမ်းယူလိုက်ပြီး နံနက်ခင်းသတင်းကို ဘေးပတ်လည်မှ စတင်ထုတ်လွှင့်တော့သည်။

ကံကောင်းထောက်မစွာပင်. . . . တစ်စုံတစ်ယောက် ရှိနေသေး၏။

ကျိမောင်သည် ဧည့်ခန်းထဲတွင်ထိုင်နေပြီး ဆူညံသံများထွက်ပေါ်နေသော နံရံကိုငေးကြည့်နေခဲ့သည်။

ဟဲ့ကျီ လမ်းလျှောက်လာပြီး အာရုံစူးစိုက်မှုအပြည့်ဖြင့် နံရံကိုစိုက်ကြည့်သော ကျိမောင်ကို ကြည့်လိုက်၏။ ကင်မရာထဲမှ သူရဲကောင်းမလေး၏ မင်းသားအပေါ် အသဲကွဲနေသည်ကိုသာ သူမတွေ့ရပါက ကျိမောင်တစ်ယောက် ပြင်းထန်သော တီဗီအစီအစဉ်အချို့ကို ကြည့်နေသည်ဟုတောင် သူထင်လိုက်သေးသည်။

" မင်း ဘာကြည့်နေတာလဲ " ဟဲ့ကျီ သူနှင့် စကားစမြည် စပြောလိုက်သည်။

" ပန်းပွင့်တွေနှင့် လိပ်ပြာလေးများ " ကျိမောင်သည် သူ့လက်အောက်နားတွင် ခေါင်းအုံးတစ်လုံးခုထားကာ Jimmy ၏ နေ့စဉ်လုပ်ရိုးလုပ်စဉ်အတိုင်း တီဗီကြည့်ရင်း " လင်းကျင်းကျင်းက သနားစရာကောင်းတာပဲ " ဟုဆိုလာသည်။ ဟဲ့ကျီသည် တီဗီဇာတ်လမ်းတွဲများကို မကြည့်ပေ။ များသောအားဖြင့် သတင်းအချို့သာ ကြည့်လေ့ရှိသည်။  ထိုသို့ Idol ဇာတ်လမ်းမျိုးများနှင့် ပတ်သက်၍ သူ့၌ ဗဟုသုတသိပ်မရှိသောကြောင့် ကျိမောင်ပြောချင်သည်ကို သူသိပ်နားမလည်ဘဲ ဖြစ်နေ၏။

" ကျွန်တော် အဲ့ဒါကို အကြာကြီးစဉ်းစားနေခဲ့တာ " ဟု ကျိမောင်ပြောလာသောအခါ ဟဲ့ကျီသည် ကျိမောင်က သူတို့နှစ်ယောက်၏ ဆက်ဆံရေးအကြောင်း ဆွေးနွေးနေသည်ဟု တွေးမိသွားပြီး သူ့စိတ်ထဲတွင် နည်းနည်းခံစားသွားရသည်။ ခေါင်းစဉ်ကို ပြန်ပြောင်းလိုက်ပြီး ကျိမောင်က တီဗီစီးရီးအကြောင်း သူ့ကိုပြောပြခဲ့သည်။ " ယွဲ့ယွမ်ရှန်းက လင်းကျင်းကျင်းနဲ့ ဘာလို့ရုတ်တရက်လမ်းခွဲခဲ့တာလဲ?? ရှောက်ရှန်ချင်းဆီမှာ သူ့ကလေးရှိနေလို့လား??"