Chapter (11)
<<<Warning!NSFW!!>>>
မြို့တော် D ၏မြောက်ဘက် မြေအောက်တော၌ စတုရန်းမီတာ ၈၀၀၀ ကျော်ရှိသော လျှို့ဝှက်သိပ္ပံသုတေသနစခန်း တစ်ခုရှိသည်။
ဤလျှို့ဝှက်သိပ္ပံသုတေသန အခြေစိုက်စခန်းကို " ဖယ်လ်ကွန်စီမံကိန်း " (အမဲလိုက်သိမ်းငှက် စီမံကိန်း) ဟုအမည်ပေးထားပြီး စီမံကိန်းကို K အုပ်စုနှင့် D နိုင်ငံ၏စစ်တပ်တို့ ပူးပေါင်းတည်ထောင်ခဲ့ခြင်းဖြစ်၏။
(Chapter -2 မှာ ရှန်ကျိယွီကျိမောင်ကို ပြောပြခဲ့တုန်းကတော့ မြို့တော် K နဲ့ မြို့တော် B ပူးတွဲပရောဂျက်ဆိုပြီး English Tran မှာ ရေးထားတာပါ။ အခုတော့ K Group နဲ့ D Military လို့ ရေးထားပါတယ်)
ဖယ်လ်ကွန်စီမံကိန်းသည် ကမ္ဘာပေါ်တွင် ခေတ်အမီဆုံးနည်းပညာများကို စုစည်းထားပြီး ၎င်း၏သုတေသနအကြောင်းအရာများသည် အဓိကအားဖြင့် စစ်တပ်၊ ဇီဝဗေဒနှင့် ဥာဏ်ရည်တု (AI)ပညာရပ်များ ပါ၀င်သည်။
ဖယ်လ်ကွန်စီမံကိန်းအကြောင်း အခြားနိုင်ငံများမှ ခေါင်းဆောင်များနှင့် အဆင့်မြင့်အရာရှိများကြားဖူးကြသော်လည်း စီမံကိန်း၏ အကောင်အထည်ဖော်မှုနည်းလမ်းကိုမပြောနှင့် ၎င်း၏တည်နေရာနှင့် တိကျသောအစီအစဥ်ကိုပင် မသိရပေ။
ရှန်ကျိယွီသည် K အုပ်စု၏ အခြေစိုက်စခန်းသို့ပြန်သွားရန် နှစ်လသာကြာခဲ့သော်လည်း သူသည်ဤနေရာနှင့် အတော့်ကိုရင်းနှီးနေပုံရသည်။
သူ့အခန်းသည် မြေအောက်အခြေစိုက်စခန်း၏ အလယ်ဗဟိုတွင်ရှိသော K အုပ်စု၏ဥက္ကဌ ကလယ်ရီအခန်း၏ ဘေးကပ်ရပ်ရှိ အမှောင်ခန်းငယ်လေးသာဖြစ်သည်။
(Chapter -1 စစချင်းမှာတော့ ကလယ်ရီကို The head of City K Interpol မြို့တော် K ရဲ့ အပြည်ပြည်ဆိုင်ရာ ရဲတပ်ဖွဲ့အကြီးအကဲလို့ E tran က ရေးခဲ့ပါတယ် အခုတော့ K အုပ်စုရဲ့ ဥက္ကဌလို့ ရေးထပါတယ်)
ကလယ်ရီ သူ့အနားတွင်မရှိသရွေ့ အလုပ်လုပ်ရန်နှင့် ညစာအတွက် သူ့ကိုစောင့်ကြည့်နေသော အရပ်ရှည်ရှည်ဖြင့် ကိုယ်ရံတော်နှစ်ဦး ရှိနေမြဲဖြစ်သည်။ ရှန်ကျိယွီသည် ကျိမောင်၏ပရိုဂရမ်ကို ကော်ပီကူးရန် လိုအပ်သော်လည်း သူဘယ်လိုမှ မလုပ်နိုင်ဖြစ်နေသည်။
ESTÁS LEYENDO
Lowly Creature ||အညတရ ဖြစ်တည်မှု|| [ မြန်မာဘာသာပြန် ] (Completed)
Ciencia Ficción" Lowly Creature " Author- Not! Pikachu / Ka Bi Qiu 卡比丘 English Translator-Snow Project Translations Burmese Translator-littlewillow01 Start Date-22 August 2021 End Date- 7 September 2021 This is Myanmar Translation of Chinese novel " Lowly Creature...
![Lowly Creature ||အညတရ ဖြစ်တည်မှု|| [ မြန်မာဘာသာပြန် ] (Completed)](https://img.wattpad.com/cover/282300477-64-k528541.jpg)