The Uncontrollable

/ 10

ချစ်ခြင်းမေတ္တာထက်သူမကိုယုံကြည်မိတဲ့အခါ။

ဥယျာဥ်ထဲမှာ Lisa တို့အတူတူလမ်းလျှောက်
နေကြနေကြတယ်ဆိုပေမယ့် Jennieက
ခြေနှစ်လှမ်းမျှရှေ့ရောက်နေသည်။

Lisa ခေါ်နေတာကိုလည်းမကြားဟန်ပြုပြီး
Lisa ကိုပါလျစ်လျူရှူထားသေးသည်။

Lisa သူမနဲ့ယှဥ်လျှောက်တဲ့အနေအထားထိကို
ုမြန်ပြီးလျှောက်လိုက်သည်။ထိုအခါ Jennieက
ဘေးကသူ့ကိုတစ်ချက်ကြည့်တယ်။
Lisa ပြုံးရုံလေးပြုံးပြလိုက်ပြီး သူမလက်ကို
ဆုပ်ကိုင်ကာဆက်လျှောက်နေလိုက်သည်။
ပြန်ရုန်းဖယ်သွားခြင်းမရှိတဲ့သူမလက်တွေက
တကယ်နွေးထွေးနေလွန်းသည်။

" နေပြောက်တွေထိုးနေပြီ ပြန်ကြတော့မလား"

အရိပ်ရတဲ့သစ်ပင်အောက်မှာ Jennie ကထိုင်နေပြီး
Lisa ကသူမပေါင်ပေါ်ခေါင်းအုံးက သူမမျက်နှာလေး
ကိုပဲငေးကြည့်နေနေတာ။ သစ်ရွက်အ​ကြိုအကြားတွေကနေရောင်တွေထိုးကျလာတော့ Jennie
လက်နဲ့ကာထားပေးနေပေမယ့်လည်းနေပြောက်က
ထိုးနေဆဲ။

" ဒါ နေ့လည်စာစားချိန်မဟုတ်လား မိန်းကလေးNini ကျွန်မတို့တစ်ခုခုစားသွားစားကြရအောင်"

Lisa ရပ်လိုက်ပြီး သူမကိုလက်ကမ်းပေးလိုက်တယ်။
လက်ချောင်းပြေပြေဖွေးဖွေးလေးတွေနဲ့ကြည့်လို့
ကောင်းလွန်းတဲ့လက်ဖဝါးလေးက သူမမျက်နှာရှေ့
နားမှဆန့်တန်းလို့။ သူမဆွဲကိုင်လိုက်တော့ သူမလက်ဖဝါးကိုခပ်ဖွဖွပြန်ဆုပ်ကိုင်လာတယ်။
လက်ဖဝါးကိုဆုပ်ကိုင်ပြီးခြေထောက်ကိုအားယူကာ
ထရပ်လိုက်တော့ သူ့မျက်နှာနဲ့သူမမျက်နှာက
နီးကပ်သွားတယ်။

မျက်ဝန်းဝိုင်းဝိုင်းလေးတွေနဲ့သူမမျက်နှာကိုစိုက်ကြည့်နေတဲ့Lisaကြောင့် သူမကိုယ်ကိုမတ်လိုက်ရသည်။

" ဒါဆိုသွားရအောင် ဆရာ "

Lisa ကိုနာမည်တစ်ခုပြောင်းခေါ်ဖို့ကသူမအတွက်
စောနေသေးသည်။ဒီသုံးလေးလအတွင်းမှာ
ယောကျာ်းလေးပုံစံနဲ့အတူဆရာဆိုတဲ့အသုံးအနှုန်း
နဲ့နေသားတကျဖြစ်နေခဲ့တာကြောင့် ပြောင်းလဲဖို့
ရာခက်ခဲနေလိမ့်ဦးမည်။