في اليوم التالي
كان الجميع يشعر بالتوتر من أجل شرط تلك الوصية
خرجت رنا من القصر تبحث بعينيها عن السائق الخاص بالعائلة لكي يصلها إلى كليتها ولكنها وجدت صُهيب يقف أمامها بسيارته
صُهيب : اركبي
ركبت رنا وظلت طوال الطريق صامتة وهو أيضاً ..
وقفت السيارة أمام كليتها وهبطت من السيارة
صُهيب : الساعة١١هكون عندك ومش هتاخر المرة دي
رنا : ماشي ثم دخلت إلي كليتها
أما سيلا فكانت تدرب فريقها ولكن هذه المرة ارتدت بلوزة بأكمام كي لا تسمح لأحد أن يقول عنها كلمة واحدة
كانت تدربهم بجدية ولم تلاحظ ذلك الذي يراقبها من الشرفة بحزن وكسرة
أما رغدة فإرتدت بنطال من الجينز وشميز بالون الابيض بأكمام كي لا يتحدث عنها أحد فمنذ أتت والجميع طلب منها أن ترتدي ملابس محتشمة ليست منال فقط بل زينب ومنه ورنا طلبو ذلك أيضاً لذلك قررت أن ترتدي ملابس تليق بذلك المكان .
خرجت رنا في الوقت المحدد وجدته في انتظارها بالسيارة لا تنكر أنها شعرت بالفرحة بداخلها ولكن اخفتها بداخلها
ركبت السيارة بصمت
إنطلق صُهيب وكان لا يبالي لأمر الوصية لأنه يعلم أنها ليست حمقاء لتختاره
انتهى اليوم وذهبت كل فتاة منهم إلى جدتها واخبرتها بإختيارها .
أت المساء وتجمعو لكي يسمعوا ما قرروه الفتيات .
منال : دلوقتي هقول إلي البنات اختاروا وهو إلي هيحصل من غير اعتراض
دخل أسر في ذلك الوقت وبيده شهد .
أسر: بعد اذنك يا جدتي أنا عاوز أقولكم على حاجة
نظر الجميع ليده الممسكة بيدها بإستغراب
زينب : أسر أي إلي بيحصل دا ؟
أسر: اسمعيني بس للأخر.. أنا عايز اقولكم إن أنا وشهد بنحب بعض وهنتجوز
زينب وهي تضع يدها على صدرها : نعم اهو دا الي كنت خايفه منو وفي الرايحة والجاية واقفين مع بعض
أسر: ماما ملوش لازمة الكلام دا أنا قررت خلاص وجدتي عارفة
منال : اقعد يا أسر إنت وشهد،
جلس الاثنين وجلست زينب بغضب مكبوت
منال : هنبدأ برنا هتجوز صُهيب وسيلا..
في ذلك الوقت هبط قلب عُدي في قدمه
فأكملت منال : هتجوز عُدي
فتح عُدي عينيه بصدمة ممزوجة بفرح هل اختارته حقاً
منال : ورغدة ..
نظر إسلام بحزن فهو متأكد أنه خارج اختيارها
منال : اختارت إسلام
صدم إسلام هل حقاً سيتزوجها ؟ هل اختارته ؟
منال : واخيرا مسك فطبعا معدش غير .. أنس
كان أنس جالس لا يبالي لأنه يعلم أن لن تختاره أي منهم ولكن عندما سمع هذا الحديث غضب كثيراً
أنس: أنس مين دا؟
منال : إنت
أنس: ومين قالكو إني عاوز اتجوز
منال : والله دا الشرط علشان الوصية تتفتح
أنس: عنها ما انفتحت مش عايزها ثم غادر بغضب
شعرت مسك في ذلك الوقت أن قلبها قد كسر فركضت إلي غرفتها بدموع
تتذكر ما فعلته لأجل أن يبقى لها
Flash back:
دخلت مسك إلي القصر وجدت رغدة مازالت جالسة
مسك : تعالي يا رغدة عوزاكي
رغدة : ماشي
ذهبت رغدة مع مسك إلي غرفة رنا وجدو سيلا أيضاً هناك
مسك : بصو بقا من الآخر كدا مفيش مفر لازم تجوز حد منهم فعلشان كدا كل واحدة تقول هتختار مين؟
رنا بحزن : مش عارفه اختار غير صُهيب
مسك : كدا صُهيب طار ها وانتو؟
سيلا : بصي هو أنا بكره عُدي وكنت عايزة اكرهو في عيشتو بس بدل لازم تجوز حد منهم يبقى هو وكدا هقدر بعون الله اخلي حياتو جحيم
مسك : ايوه بقا يا جامد وكدا صُهيب وعُدي طارو وإنتي يا رغدة
كانت رغدة تفكر رأت مسك في عينها الحيرة فشعرت بالخوف في داخلها بأن تختاره
مسك بخوف : رغدة اختارتي مين ؟
رغدة بتفكير : هو أنا معرفش حد منهم غير إسلام وكمان بحسو غامض كدا فممكن هو لأني حابة اتعرف عليه وعلى شخصيتو .
مسك بفراحة: كدا التلاتة طارو
رنا : وانتي هتختاري مين ؟ أنس ولا أسر
سيلا : اكيد أسر علشان إنتو أصحاب
مسك : دقيقة ورجعالكو ثم ركضت إلي غرفة أسر وطرقت على الباب بقوة
أسر بخوف : إيه يا بنتي في إيه مالك ؟
مسك : مصيبة
أسر: ايه ؟ حد مات ؟
مسك : أمر
أسر: حد اختار أنس؟
مسك بدموع : أمر كلهم اختاروا ومعدش غيرك انت وأنس
أسر وهو يشعر براحة : الله يخربيتك خوفتيني ثم جلس على الأريكة : طب وزعلانة لي ما تختاريه ؟
مسك : كلهم عايزني اختيارك إنت علشان إحنا أصحاب
أسر : والحل
مسك : إنك ترتبط
أسر : نعم بمين إن شاء الله
مسك : أى حد علشان يبقى معدش غيرو وأعرف اختاروا علشان خاطري يا أسر ونب ونبي مش أنا زي أختك برضو ثم بدأت في البكاء واكملت علشان خاطري ونبي
أسر: اوووف خلاص حاضر بس دي هجيبها منين دلوقتي
مسك : أى حد من هنا
أسر : مفيش غير الخدم وطبعا..خطر على باله شئ في ذلك الوقت
غادرت شهد غرفة تالا وعندما ذهبت لغرفتها وجدت مسك وأسر في انتظارها
شهد بإستغراب: نعم ؟
مسك : تعالي متخافيش
جلست شهد بجانب مسك وكان أسر امامهم
مسك : بصراحة إحنا عاوزينك تمثلي لفترة إنك إنتي وأسر مرتبطين
شهد : نعم أنا ومين ؟ أنا والحيطة دا؟
أسر : مين دا إلي حيطة يا بت إنتي احترمي نفسك ؟
شهد : محترمة غصب عنك
مسك : بس اهدو كدا بصي معلش أنا محتاجة تعمليلي الخدمة دي ضروري وعمري ما هنسهالك وهديكي إلي انتي عوزاه
شهد : لا الموضوع مش موضوع فلوس بس مينفعش
أسر : لي يا ست الحسن ليكون مش قد المقام
شهد بثقة : وليه لاء ؟
اعتاد أسر منها كثيرا وكان سيجيبها لولا قطعت مسك حديثه
مسك : طب إيه المشكلة
لم تجب شهد
مسك : وعد التمثيلية دي لفترة بس ومحدش هيكلمك نص كلمة
شهد : ومامتو هتسكت دي مشاء الله عليها بتحبني أوي
نظرت مسك لأسر
أسر: وعد مني مش هخليها تكلمك ولا تغلط فيكي هي أو أي موجود هنا
شهد : خلاص موافقة
Back
عودة للواقع ظلت تبكي كثيراً فبعد ما فعلته ندمت كثيراً ليتها لم تختاره ،ليتها لم تعرفه نهائياً..
#يتبع
گ: ولاء محمد ثابت"لولي"
رأيكم فضلاً..
أنت تقرأ
جعل منى وحشاً
General Fictionيقولون أن القسوة ليست دائماً عنوان القلوب الميّتة، فبعض القلوب الطيّبة تقسو لأنّها مجروحة ،وأنا أؤكد هذا الكلام فهيا كانت فتاة بريئة لا تعلم شئ عن خبث البشر وعندما جرح قلبها قررت أن تتعلم فنون القسوة وأماتت قلبها ،وبدأت فى ممارسة حياتها كالرجال لكى...
