𝐇𝐞𝐚𝐫𝐭 𝐎𝐟 𝐒𝐭𝐨𝐧𝐞🖤<ကျောက်ဆစ်နှလုံးသား>

Episode-18

\Unicode/

"ဘယ်လိုဖြစ်ရတာလဲ Hyung ရယ်.."

ဆေးရုံအခန်းတွင်းသို့ Jimin အပြေးဝင်လာပြီး ကုတင်နဘေးတွင်ရပ်ကာစိုးထိတ်စွာပြောသည်။အခန်းတွင်း Jimin ရောက်လာတော့ EunJi လည်းထိုင်နေရာမှ ထလာပြီး
နဘေးနားတွင် လာရပ်သည်။

"အတွင်းရေးမှုး Park.. Hyung ကဘာဖြစ်တာတဲ့လဲ..ဆရာဝန်ဘာပြောလဲဟင်"

"အခုကတော့ အရမ်းအားနည်းနေတယ်တဲ့၊
အလုပ်တွေရဲ့ stressကြောင့်ပင်ပန်းပြီးဖြစ်တာလို့ပြောတယ်.."

ခပ်ဖွဖွသက်ပြင်းချသံနဲ့အတူ ကုတင်နဘေးကခုံတွင် လေးတွဲစွာထိုင်ချလိုက်သည်။EunJi လည်းအတူ Jimin ၏နဘေးနားတွင်ဝင်ထိုင်လိုက်၏။

ဆေးပိုက်မသွင်းထားသောလက်တစ်ဖက်ကို ဆုပ်ကိုင်လိုက်ရင်း Jimin အားလျော့စွာဆိုလာသည်။

"အဲ့တာကြောင့် ကျွန်တော် Hyung ကိုပြောတယ်၊အလုပ်ကြီးပဲအရမ်းဖိလုပ်မနေနဲ့ ကိုယ့်ကျန်းမာရေးကိုလည်းဂရုစိုက်ဦး ဆိုပြီး..
ဒါပေမဲ့ အလုပ်နဲ့ပတ်သက်လာရင် Hyung ကခေါင်းမာတယ်လေ..ဘယ်တော့မှပြောစကားနားမထောင်ဘူး၊အမြဲတမ်း အဆင်ပြေပါတယ်ပဲ ပြောနေတာ..အခုတော့..."

မျက်ရည်များအနည်းငယ်ရစ်သီလာတော့ ပြောလက်စ စကားကိုဆက်မပြောတော့ပဲ နှုတ်ခမ်းကိုဖိကိုက်ကာ မျက်တောင်များပုတ်ခတ်သည်။

Jimin လည်းဒီရက်ပိုင်းအလွန်ပင်ပန်းနေတယ်ဆိုတာကြည့်ရုံနဲ့တင် နားလည်မိပါတယ်၊ဘေးတစောင်းအနေထားမှာ မေးရိုးတို့ကထင်းလို့နေသည်။ ဆက်တိုက်သတင်းဆိုးတွေသာ ဝင်လာနေသောဒီအချိန်ကာလကြီးက လူတိုင်း‌အတွက်ရောဒီလိုပဲလား..လူတိုင်းကံဆိုးမှုတွေကြုံနေရတယ်ဆိုရင်တောင်
သူတို့မိသားစုလောက်တော့ မဆိုးရွားလောက်သေးပါဘူး ဟု Jimin တွေးမိသည်။

"အရမ်းကြီးလည်း မစိုးရိမ်ပါနဲ့ ဒါရိုက်တာ Jimin shi..,CEO ကစိတ်ဓာတ်‌မာကျောတဲ့သူပဲ မနက်ဖြန်လောက်ဆိုတာနဲ့ချက်ချင်းပြန်ပြီးသတိရမှာပါ"

Jimin အတွက်နှစ်သိမ့်စကားပြောနေပေမယ့် EunJi ရင်ထဲမှာလည်းစိုးရိမ်စိတ်တို့ မရှိဘူးဆိုရင် လိမ်ခဲ့မိသလိုများဖြစ်မလား..။