شرفي عندك

البارت السادس

عندما تحب انساناً
ولا تعرف لماذا احببته
حتماً سيكون الجواب
هو القلب

آيسن /اني من النوع أحب العزله ما أحب أختلط انطوائيه اني ما چنت هيچي لاچنت أحب المرح والضحك بس من حادثة الاغتصاب لا صرت احب أعزل نفسي وصرت اخاف حتى من خيالي
لهذا حتى صديقات ما عندي

بس وحده اسمها إيمان وهو صارت صديقتي من چنه بالثالث لان احنه نفسنه المتفوقات صعدنه للرابع وهي اجتنه نقل وخطيه صارت المشكله بوجهه من صارت المشكله ويا شيماء لهذا تعرف كل شي عني وحتى حچيتلها حادثة الاغتصاب
وكل شي تعرف عني

اني من رجعت من المدرسة من دخلت للبيت لگيت عمتي ام يزن وزوجة يزن واخته دخلت بس على گد السلام ودخلت للغرفه وگاعده يمهم دموع الام الحنونه الي ما اعرف شلون ام وهي عمرها كله محسيت بيها ام وسمعت ام يزن

تگول / احنه جايين نخطب آيسن
آني أبد ما يوم خطر على بالي الزواج أبد لهذا تفاجأت وحادثة اغتصابي ودخولي للمستشفى الأمراض العقلية دموع اتكتمت عليه بشكل مو طبيعي لهذا بحيث اهل أبويه ما يدرون بي وحتى دخول سجاد للسجن ماكو واحد يعرف حلت الموضوع كله بعيد عن اهل أبويه هي وخالي

من عرفت هي يريدون يخطبوني تخبلت على شنو انتوا وانطيكم بنتي وهاي ما انطيها وبده الصياح بين أمي وعمتي وصار الغلط بس خطيه زوجة يزن حبابه تحاول تهدء الوضع بس بلقيس اخت يزن تخبلت وظلت تغلط ويا امه بس شنو دموع لو مو عمتي وبلقيس لو بعد عشرة ما يگدرون على دموع

واجتي موج هم من المدرسة ولگت الهوسه وظلت تغلط ويا دموع عليهن وخلصت هاي الهوسه بخروج عمتي ومرة يزن وبلقيس بعد المكافش الي صار خروج عمتي بدون الشيله مالتها والشحاطه ومرة يزن الدگم مال الجبه مالتها مگطعه والحجاب مالها نص شعرها طالع
وبلقيس حتى وجهه مخرمش يعني جملة الحچي الخسائر كلها عليهم مو علينه

ودخلن أمي وموج للغرفه وهن مكفشات ويحچن شلون ما يستحن ويتهجمن علىينه واحنه گاعدين بيتنه من يحچن أمي وموج يخبلن الواحد شلون يسون نفسهن فقيرات لهذا الله يساعد الي يوگع بيدهن

أجى أبويه والله ماكو واحد كاسر ظهري وخاطري غيره يسحل برجله وبهذا عمره يروح يبيع خضره تحسه حياته راحت على فاضي من كبر ماكو لا زوجة يستند عليها ولا ولد يتعكز عليه بكبرته اول ما أجى ودنيا حاره حضرتله الحمام والملابس وهو خطيه من أصير قريبه عليه يخلي ايده على راسي ويفرك بي واني دائمآ اجر أيده وابوسه وهو يبتسم ابتسامه خفيفه ويدخل للحمام

واني بين ما يطلع أسوي غده ونگعد نتغده اني ويا لآن دموع وموج يجيبن لفات من المطعم دلڤري منين يجيبن هاي الفلوس ما اعرف منين وماكو شي يبقى طول العمر مضموم ما تخفيه الأيام تظهرها الليالي بس حمد لله ماكو بس ألي يجيبه أبويه من السوگ يعني خضره وخيار على طماطة من كل شكل كيلو لان ما يگدر يشيل هوايه