شرفي عندك

البارت الواحد والاربعين

الى الذي اخبرني يومًا انه
سيحارب الدنيا من أجلي
شارفت حربي على النهايه
ولم اراه بجانبي

بقلم الكاتبة الزهيريه الزهيريه

أيسن/ أكو ناس عايشه على الحيل ودسائس واكو مثل يگول ألي يعيش بالحيله يموت بالفگر وهذا چان حال ياسين ويانه داس علينه في سبيل مصلحته ويحصل بينه فلوس بس الله بالمرصاد وما يعوف احد مظلوم وخصوصًا اذا چان باطل ومن چان يزن عايش چنت مهما يكن چنت عايشه بأمان بس من مات يزن صرت فريسه سهله لكلمن واحد نفسه نگسه وما يخاف الله بنتي اغتصبوها وصار عدها نهيار عصبي وياسين الكلب ما يقبل اشوفها وصارت گعدت الفصل والله
الفصول كلها حرام

لان نشوف الولد يغتصب ويبوگ وينهب ويسلب وبعدين العشيرة تدفع فصل وتدفع للشرطه ويطلع
حتى يسوي الاضرب ولا حسيب ولا رقيب وهذا كله لآن حمدلله المخدرات كثرت +عائله منحله +اصحاب سوء والعشيرة تدفع والحلو بالموضوع تجيك العگل وتحلل الحرام وتحرام الحلال وبعدين يضربون الثريد وللحم وما يهمهم شگد يشيلون خطية ناس برگابهم المهم خاطر فلان وعلان

اني لما ياسين أخذهم مني بحكم عشاير والله چان ما يگدر ياخذهم مني وهذا الوقت والله العظيم ما تحملت كل هذا الظيم الا على مودهم بس ضيعت أطفالي وضيعت نفسي بعد الفصل الاگشر سمعت من رواد آنه الأستاذ معترف على نفسه انه هو اغتصبها حتى بالفصل لهذا حاكمين عليه انه يدفع فصل وياخذها يستر عليها

تخبلت هي على كبرها حتى تروح فصل بعدها بصف سادس وينها وين الزواج وبنفس الگعده مال الفصل عاقد عليها عقد شيخ وصاير وكيلها ياسين والي يخبل الواحد أنه ياسين صاير عنده معرض مال سيارات ورواد يجيب ويفشر عليه على ياسين الگواد لعبها صح ويگول اعتيادي يفتح معرض مال سيارات لان ماشاءالله عنده خوش تجاره احسن تجارة ورابحه بهاي الايام هي التجاره بالبشر

وبنفس يوم الفصل ماخذ الاستاذ فرقان رودينا ويا بعدها ماكو خبر عنها صرت الوب عليها شلون يا ربي ماكو غير رواد هذا الي الله منين سلطه عليه ما اعرف وهو بعد فصل بكم يوم چان گاعد بالمطبخ يتعشى لكون يجي متأخر لهذا هو يسوي عشه لنفسه حتى لا يتعب نيفين والله حسدتها شلون يحبها ويخاف عليها

من شفته گاعد بالمطبخ اجيت وگفت مقابيله
وگتله / رحمه لاهلك سوي عليه فضل وادعيلك يصير عندك طفل وتفرح بي أريد أروح اشوف بنتي والله گلبي نار عليها

گال/ ما انصحچ تروحين هسه شوفيها لان ماكو واحد راح يخليچ شوفيها خصوصًا زوجها متصوره راح يجون يبوسون بيها ويرحبون بيها لا انتي متوهمه راح شوف ايام سوده

گتله/ يعني فوگ ما اغتصبها يأذوها يعني طمع ببنيه عمرها 12 سنه شيگول لله بيوم الحساب

رفع گلاص اللبن لحلگه وهو يسوي حركات بعيونه ويغمز

ما فهمت عليه وهو شافني مثل متعجبه من حركات وجهه نزل الگلاص من حلگه
وگال/ انتي مقتنعه انه الاستاذ مغتصبها يعني هذا الأستاذ جديد هستوه أجى وشافها لو من زمان يعرفها