شرفي عندك

البارت السادس والعشرون

أقسى انواع الفراق هو ذلك
الفراق المغلف بالغموض
هو في الحقيقة رحيل ظالم
لا يمنحك الدفاع عن نفسك

بقلم الكاتبة الزهيريه الزهيريه
آيسن/ يگولون الما يعرف تدابيره حنطته تاكل شعيره واني ما عرفت اصون النعمه إلي عندي چنت يم يزن بيتي وحدي وكل شي اريده الگى حاضر يجيبه الي يزن اني واطفالي بس من اجيت لبيت اهلي صرت احتاج اليسوه والما يسوه اشتغلت بكوزمتك لان عندي مصاريف جامعه ويزن چنت شگد احس بالأمان بوجود يزن هسه لا لإن يزن كشر عن أنيابه وصار يهدد يفضحني

وأسلم حل بالنسبه ألي أسكت الى ما تعدي الريح صارت حياتي بين الشغل وبين الجامعه وأكثر من مره اتصلت الباحثة على يزن انه أشوف أطفالي بس ما قبل ويگول / خلي تروح تشوف حياتها وبديت أموت بس أريد أشوف

اجتي موج وتوسلت بيها حتى بس أشوفهم وهي هم من شافتني ابچي نكسر خاطرها عليه ومرات الأنسان الي يكرهك شلون يسوي وياك معروف وكأنهُ يعرف هاي ايامه الأخيره
وما انسى أبد من گالت / أحس راح أموت وما أبقى ولأ أكمل هاي السنه وموتي راح يكون على ايد ياسين بس آيسن الله عليچ خاف سمعين موج ماتت لا تكرهيني وآني متأكده انتي الوحيدة الي راح ذكريني وابريني الذمه خاف بيوم أذيتچ آيسن

صدگ هنا نزلت دموعي عليها حضنتها وبوستها وهي هم گتلها / ليش تگولين هيچي ترى انتي مو أول وحده ولأ آخر وحده تتأخر بالحمل

گالت/ آيسن مو موضوع حمل راح احچيلچ والله شاهد عليه الي راح اگوله الچ ماكو واحد يعرفه بس الله وأنتي ما أنكر أنه اني غلطت بس أي غلط نغلطه يكون الاهل ألهم الدور الأكبر بهذا الغلط اني چانت الغلط شجعني عليه امي بس مرات وأنتي بوسط الغلط والذنوب محاوطه حياتچ يجي انسان ينتشلچ من قعر البئر ويكون الچ السند والامان ودون مقابل ويقبل بكل ذنوبچ وهو
يگلچ / صرتي روحي ولا سوين اي شي غلط وأي شي تحتاجي اني مستعد أسوي الچ
تعوفين هيچي انسان

گتلها / لا ما اعوفه أبقى محافظة عليه

گالت / شوفي آيسن اكو هوايه ناس يظنون انه أطفالهم يحتاجون بس الآكل واللبس ما يفكرون يريدون تربيه يريدون عاطفه حنان همهم الوحيد يجيبون ويعبون بحلگ اطفالهم آكل وبعد ما يهمهم شيسوون خلي يسوون يعني بين (ينطون خبز وما ينطون تربيه) واحنه مع الاسف هذا الي صار ويانه

اني بعز ما غرگانه بالوحل الله دزلي فلاح طبعاً فلاح مره من جابوچ فلاح وابو وتعارك وياهم سجاد اجيت شفت سياره واكفه يمنه ومرتچي عليها واحد يطلع نهاية الثلاثينات من تقربت على البيت وردت ادخل شفت بالگراج يزن وابو فلاح وما چنت أعرف هذا أبو فلاح خفت ادخل لا يشوفني يزن واني حاطه مكياج ولبسي ضيق
وفلاح شافني متردده

گالي فلاح وهو مبتسم / شنو طافره وماكو واحد يدري بيچ وتخافين لا تنكشفين

باوعت عليه وهزيت راسي
گال / شوفي راح ادخل وأخلي يزن ينطي ظهره للباب وأنتي دخلي وتأمرين آمر