لا تجلد ذاتك بالتأنيب ولأ تعاقب نفسك
بالألم على اشياء ليس لك يد فيها
بقلم الكاتبة الزهيريه الزهيريهآيسن/ دنيا كلها حظوظ والي حظه گاعد يكون عايش بهاي الدنيا مرتاح والي ما عنده حظ يظل طول عمره مشلوع گلبه والحظ الگاعد مو شرط الجمال والله اكو ما حلوات وحظهن متربع وگاعد واكو حلوات حظهن مجير ما أدري بيا طينه نايم
وچانت آم دموع الي چنت اصيحلها بيبي تگول لبنتها دموع بنتي الجايفه الله ينطيها گرصتين خبز والنادره والشاطره الله ينطيها نص گرصه
وچانت دموع تسأل امها وليش النادره نص گرصه والجايفه گرصتينتگللها/ ربچ يعرف الجايفه متگدر طلع رزقها بس النادره طلع لگمتها من حلگ السبع
وهذا چان وضعي والله الاوي الدنيا ملاوه حتى أعيش أطفالي وچنت متحمله يزن وياسين بالقران على مود أطفالي وأكثر شي چنت متحمله على مود رودينا لان بنيه وتحتاج أمها اني شفتها بنفسي ربيت بدون ام ونلعب بيه طوبه وما أريد مصير بنتي مثل مصيري والله ادعي من كل گلبي ألي مشلوع گلبها كون الله لا ينطيها بنيه حتى ينشلع گلبها مثل امهااني چنت بحظ مصخم واحد صرت بحظين مصخمات والله چنت راضيه بحكم فرعون مال ياسين بس حتى اظل ويه أطفالي ويبقون بحضني بس هذا الاغبر رواد اجى صخمني وعزاني وصح إلي يگول ألي يخاف من شي يصير بي چنت خايفه لا آحد يشوفنه من الجوارين او ياسين يشوفنه وسبحان الله صدگ طلعلي حظي المصخم ياسين
واني صرت ما ألوم ياسين لان أي واحد يشوف وحده ويه واحد بشنو راح يفكر اكيد مثل تفكير ياسين من صعدني ويا بالسياره ظليت اعيط واضرب بي على چتفه هو ساكت وصوت طلق ورانه وهو يباوع بالمراية
واني دماغي كله يم أطفالي وذوله شلون بقوا بالبيت والمصيبه الاكبر انه بالبيت يعني يم ياسين وخصوصًا رودينا وظليت بس أدعي على هذا رواد
وهو هم گام يصيح ويگلي / وجع بس طرشتيني شنو بس تعيطين انلصمي خلي أعرف أفكر هرجتينياني من صاح بيه سكتت ما چنت متوقعه ردت فعله سكتت ودموعي صب شلون باطفالي ومن يگعدون شلون بيهم ومنو الهم وصلنه لمنطقة حلوه وگف يم بيت ونزل فتح باب البيت الرئيسي ورجع صعد بالسياره ودخلنه للبيت ونزل سد الباب الخارجي واجه فتح باب السياره
وگال / نزليگتله/ الله يستر عليك رجعني لبيتي أطفالي بقوا هناك والله يضيعون من دوني
گال/ لا تخافين عليهم لآن باقين بيتهم وعمهم ياسين موجود والاظفز ما يطلع من اللحم
گتله/ أنت كل شي ما تعرف هي المصيبه بعمهم ياسين
گال/ لا تخافين اني يبقى ياسين عمهم
باوعت عليه بس الشك دخل گلبي من ناحيته
وگتله/ وأنت شلون متأكدما جاوبني وغير الموضوع وگال/ نزلي بين ما اگعد أمي وأبويه لان ما معقوله نبقى وحدنه
ودخل لبيتهم وأني نزلت من السياره وبقيت واكفه بالگراج بس شفت أكثر من ضوه بالبيت أشتغل وعلى اثرها سمعت الصياح وأكثر من صوت وذوله من الي دى يصيحون ما اعرف بس أسمع
رواد يگول / يمعودين والقران على عيوني وعافيتي ونظر عيني اني رحت بنية أسوي خير أدري راح ينگلب عليه شر
أنت تقرأ
شرفي عندك
Literatura Kobiecaتحكي فتاة تتعرض للأغتصاب من أخيها لتعيش بأغتصاب المحارم منبوذه من أقرب الناس لها لتحمل ذنبآ لم تقترفه سوى أنها كانت ضحيه لمن سلبها أعز شيء تملكه تحت مسمى الأخ