بقلم الكاتبة الزهيريه الزهيريه
من لا يؤدبه ضميره
تؤدبه الحياة حين تدور
سيصيبك ما اصبت به غيرك
فقط أنتظر
آيسن/ دائمًا الاهل يكون الهم النصيب العذاب بسبب اخطاء أبناءهم واذا الابن يدفع ثمن غلطه مره وحده الاهل يدفعون الثمن الف مره وخطيه عمي من بلغني انه بعد عشرة أيام يعدمون رواد والله نقبض گلبي
والي چان يحچي ويا چان تمام ابن الشيخ شاهين ويصيرون اقرباء عمي من بعيد وعمي من نقلوا رواد للناصرية أتصل بيهم حتى يروحون عليه وخصوصًا بعد ما وگعت عمتي وتمرضت وأني انتهمت بقضية أبن اللواء لهذا عمي ابد ما وصل لرواد أبد بقى ويانه لهذا چانوا ولد الشيخ شاهين تمام وسيف همه الي قايمين بكل واجباته
لهذا الي اتصل على عمي وبلغه بموعد إعدام رواد چان تمام اني بوقتها صدگ بچيت على عمي والله حتى عمتي أنكسر خاطري عليها شلون راح تتحمل يعدموه إني نشرت ملابسي ورجعت دخلت للصاله سمعت عمي
يگللها لعمتي / يا مره ليش تبچين دى اگلچ نروح للناصرية حتى رواد يشوف ابنه ماتريدين شوفين ابنچ شو بس گاعده تنوحين عليه
وهي تتوسل بي وتگله / الله عليك راح يعدمون أبني گلبي نغزني
گاللها عمي / أنتي تموتين على المناحه يعني ابنچ يريد يشوف ابنه ناصبتها مناحه شكو لو الا تنكدين علينه
بس هي مثل ما أقتنعت بكلام عمي بس استسلمت وسكتت وچان تگلي / ايسن يمه اصعدي جيبيلي من ملابسه حتى نرتبها اله
گتلها / تدللين عمه هسه أصعد
وبالفعل صعدت فوگ ودخلت غرفة رواد وچنت حتى اثاث غرفته تجنن من الغالية وحتى التحف وين ماكو شي نادر موجود واكو صوره مال عرسان معلگه چانت صورة رواد ونيفين ظليت متعجبه بجمال نيفين وحتى رواد نفسه حلو وحالتهم زينه على شنو سويتي هيچي بروحچ وبزوجچ چان مدللها دلال استغفر الله ولو هي الخيانة ما الها مبرر بس المصيبه مو بس خانته لا أنوب راح يدفع حياته مقابل خيانتها وابتلى بيها
نزلت من ملابس رواد وعمتي شافتهن لو دموعها تجري ما سيطر عليهن واشرتلي يعني نطينيهن
اني هم نطيتها من ملابس رواد حضنتهن وظلت تشهگ والله كل شهگه تحسها راح شگ صدرها
بذاك اليوم صدگ مثل ما گال عمي چان عدنه عزه بدون ميت
وعلى ثاني يوم من الفجر اجى غسان ابن اخت عمي ويه آذان الفجر لمينه غراضنه وخليناهن بسيارة وعمي صعد بالمقعد الأمامي واني وعمتي وايهم وبراء بالمقاعد الخلفية وبعد طريق متعب على ساعه 11 الصبح وصلنه مشارف منطقة بالناصرية اسمها الرفاعي وعمتي
أتصل على واحد اسمه تمام والي هو يصير ابن الشيخ وتواعد ويا ينتظرنه بمكان اتفقوا عليه وبالفعل بعد حدود ساعتين وصلنه لمكان واگف بي ولد أسمر نزل عمي وهو سلم على عمي واكو ولد ثاني هم واگف بسيارته هم اجى سلم على عمي ونزل غسان هم سلموا ورجع عمي وغسان صعدوا بالسياره والولد كل واحد هم صعدوا بسياراتهم وهمه يمشون گدامنه واحنه وراهم لما
وصلنه لبيت الله يعمره كلش چبير
أنت تقرأ
شرفي عندك
Literatura Femininaتحكي فتاة تتعرض للأغتصاب من أخيها لتعيش بأغتصاب المحارم منبوذه من أقرب الناس لها لتحمل ذنبآ لم تقترفه سوى أنها كانت ضحيه لمن سلبها أعز شيء تملكه تحت مسمى الأخ
