شرفي عندك

البارت الثالث والعشرون

مضيت عمري اتعلم حتى لا أتألم
فوجدت نفسي أتألم ولا اتعلم
بقلم الكاتبة الزهيريه الزهيريه

آيسن /الماضي مرات يكون ماضي الأنسان لعنه ومرات يكون نعمة وكل انسان آله ماضي ومرات يكون ماضي الأنسان يتحكم بحاضره وبمستقبله ومرات أكو أشياء نظل نسأل نفسنه ليش هيچي صار وليش هيچي صار بينه وبعد فترة حكمة رب العالمين وتبين ليش هذا كل صار بينه ونعرف الإجابة وسبحان الله حتى الاجابه ما تكون تشفي غليل لان نكون فات الأوان لإن يكون صار ألي صار

واني من شفت سجاد چان يحوم يمي قررت استغل سجاد حتى أعرف المضموم من سنين بس سجاد ثعلب يعرف شلون ينگط عليه تنگط بالحچي يعني يذبلي معلومة ويختفي ويلعب بأعصابي وكأنه حسيت عليه دى يهدد عن طريقي
ويضغط على يزن او كأنه يريد من يزن شي ودى يضغط عليه لهذا كل مره ينطيني معلومه ومن ضغطت عليه

بوقتها گال / شوفي آيسن قبل يزن چان سكير اگشر يعني چان من يسكر يصير طلي حتى ما يذكر شنو الي صار ويا وهمه چانوا ساكنين بمنطقة زراعية كلها بساتين وبيوم رجع والدنيا شتاء وضباب من راجع وهو سكران طينه وعنده سيارة برازيلي من جاي بكل سرعته اكو ولد شاب ويا بنيه حامل عليها 6 أشهر وهاي البنيه طالع بيها زوجها حتى يوديها لأهلها لان دى يصير عدها وجع وقبل ماكو موبايلات كلها تليفونات أرضية ومخابر على اهل زوجته انه راح يجيبها الهم لان عدها وجع بطنها وللعلم هاي البنيه الوحيدة لأهلها وعدها 7 اخوه وحلوه ولد عمامها كلهم خطبوها بس ما قبلت لان تحب هذا الي صار زوجها خمسة سنوات هو كل جمعه يروح على أهلها يخطبها وأهلها يطردوا لان هو من بغداد وأهلها يريدوها يمهم أخير شي جاب عليهم الشيخ العام مال العشيرة وادخل بخطوبة هاي البنيه يله انطوها لهذا الولد وعاف أهله بغداد واجى سكن هنا علمود هاي من گد ما يحبها

لهذا هو ما يعرف بهاي المناطق الزراعية وهو الولد عسكري لان هو شلون شافها غير عسكري وطريقه على ذيچ المنطقه وما يعرف بذيچ المنطقه من مرته تتوجع طلع يشغل السياره لگه السياره ما تشتغل لهذا طلع وياها على الشارع حتى يشوف سيارة واجاهم يزن بسيارته وحضرته لكون سكران بكل سرعته وضربهم بسيارته وعافهم وراح ولمى طالع الصبح والناس شايفتهم لاگين البنيه ميته والولد بأنفاسه الاخيره بس ذاكر انه السياره الي ضربتهم لونها أحمر يعني لايعرف موديلها ولا نوعها ولا رقمها وسلمها لله

گتله/ سجاد انت گلت احنه مو أخوه يعني اني بنت ذوله الي ضربهم بسيارته لان انت گلت البنيه چانت حامل

ضحك سجادوگال/ انت حوله وطرشه دى اگلچ البنيه چانت حامل عليها 6 اشهر يعني الجنين مات وياها ما نولد شنو بعد انتي بنت هاي الي ماتت

ظليت الح ويا بالاسئلة بس ما جاوبني أبد بوس الأطفال وراح وخلاني اموت من الاسئلة الي دور براسي والمشكلة حتى اذا اواجه يزن واسأله ما احصل شي نفس الوضع ونفس اللف والدوران
واني بدائره وأدور حول نفسي