شرفي عندك

البارت الثامن والثلاثين

البارت الثامن والثلاثين
عندما تعطي الحمار أهميه زائده عن اللزوم سيظن نفسه حصان عربي أصيل هكذا هم بعض
البشر يرون عيوب الناس ولا يرون عيوبهم

بقلم الكاتبة الزهيريه الزهيريه

رواد/ أكثر الأحيانن يگولون على الي يحب زوجته خروف يعني ألي يحب مرته ويحترمها يگولون عليه خرگه وألي يضربها ويهينها يصير رجال هو هذا مفهومنه عن الزواج أو الحب لا هذا مفهوم خاطىء يعني اني أجيب وحده من بيت أهلها حتى أعزها واحبها واحترمها وتعيش ويايه معززه ومحترمه لو اهينها وأذلها

والرجال الصدگ واخو خيته الي يصون ويحترم مرته بس هاي المفاهيم الخاطئة شوكت تصلح بس الله يعلم بيها بيوم الي صدمتنه آيسن برفضها آنه متقبل بهيچ عرض وأنه تفضل تموت جوع هي وأطفالها وما سوي هيچ وفتحت كام ويه ربى أختي وحرگت الفلوس وغلقت الموبايل وحظرت ربى

هنا الوضع وضع ربى صار دمار ظلت تبچي وتگلنه/ الله لا يوفقكم ان شاء الله خطيه صاحبة أطفال ورجال معاق وما عدها وكاتلهم الجوع أنوب انتوا خطيه هاي ربع ما عدها كاتلها الجوع هي وأطفالها وانتوا تردون تستغلونها لكون فقيره خلوا الله بين عيونكم لكم شلون راح توكل اطفالها وهي حرگت الفلوس ساعه گشره من اخذت بحچيكم وامي تعض بأصبعها وتريدها تسكت بس هذا كله ما فاد ويه ربى

واني من نزلت من فوگ ويه نيفين ما چنت اعرف أبويه وين بس من ظلت ربى تصيح ابويه ما أدري منين طلع
وگال / منو مزعل نبتة گلبي
وهي عبالك كلام ابويه اجاها على الجرح گامت وتبرعت بالحچي تبرع وكتت الحچي كله هنا ألوان قوس قزح صارن بوجهه ابويه لان ما اعرف وجهه گام ينطي ألوان ويه كل لون رزاله شكل ما عدى التفال والغلط أشكال وألوان

ورجع على امي ويگللها/ گمت ما أتعجب على ولدچ ولا على تصرفاتهم لان ماشاء الله الخلف على الخلفوا والتاريخ يعيد نفسه هسه همه ما عدهم عقل انتي شبيچ ما تگولين هاي الدنيا دور باچر اذا دارت الدنيا على بنتچ تقبلين يصير بيها هيچ بس اذكري ربچ بالمرصاد وأني أعرف فكرت منو هاي بس الي تحسبه موسى يطلع فرعون

ردت عليه امي / شنو قابل كفرنه شو عرض وقبول وأكو آلف وحده تقبل شنو هي

گاللها أبويه/ انتي شنو بلا أحساس وهم دين سز يعني على مود بنت اخوچ لا يزوج عليها ابنچ ويصير عنده طفل حاله حال الاوادم بس هو حيوان وما عنده عقل اسمعوا لكم انتوا لو عدكم عقل چان ما قبلتوا حتى بالحرام وهسه مو مهم كل واحد يعرف مصلحته بس هاي البنيه وين بيتهم حتى تروحون عليها تعتذرون منها إنتوا فكرتوا انه البنيه تگدر سويها عشاير وياكم لان تعرضون عليها عرض يخالف الدين والاخلاق صيروا مره وحده عدكم اخلاق واستحوا من الله وبعدين استحوا من نفسكم

عافنه ودخل لغرفته واحنه بقينه واحد يذب الصوچ بالثاني بعدين امي ختمتها من
گالت/ حمدلله صحلها رجال وگالت اعور بدل ما تحمد الله جابلها رزق ودفرته برجلها والله يا الله