ظلموني و بكاو عليا قصة ليلى " باللهجة الجزائرية "

3

#من_صفحة_هنا_نحكي_حكايتي
#ليلى
#الحلقة_3
قتلكم رحنا للمعهد تاع التكوين صبنا لابوليس ثم مع ذاك الطاكسيور تهديت شوية و كالميت روحي ودخلنا عادي صبناهم فالبيرو يستناو فينا هذاك الشاف قال لشوفار هذو هوما قلو واه هوما.. درت روحي انا نسقسي واش كاين واش لي حنا ...قلنا هذاك البوليسي تفضلو معايا للكوميسارية قتلو انا منروحو معاك حتى لبلاصة حتى تفهمنا قلي تفضلو معنا و ثم تفهمو ...قاتلو يمينة علاه شاك تشوف فينا رانا قاتلين نروحو وحدنا منروحوش معاك كاين ناس تعارفنا و كاين عندنا عايلات و نورمالمو تبعثولنا استدعاءات ماشي بهذ الطريقة ...قلي شكون يضملي بلي تجو ...قتلو انا هاك لي كارط كنا غير كيما صنعناهم ..قتلو وعلى باغي ضمانة وعلاه نهربو اصلا ..دا لي كارط و رحنا من موراه حنا ...تفهمنا مليح مليح فالطريق و درنا قاع اجوبة للأسئلة لي قادرين يسألونا بيهم ....وصلنا كي دخلنا صبنا مرا كبيرة و ديرنلها ليمينوت في يديها ....( وعرفنا بلي هي مولات الساشي لي نساتها ولا طحتلها فالطاكسي )  انا لولا لي دخلت ..بقا يسقسي فيا و جاوتو عادي حتى اسئلتو كانت عادية ...قلي لي مفهمتهاش علاه هبطتو من طاكسي قبل الاقامة تاعكم قتلو حاجة تخصنا نرومالمو انت سقسيت على الساشي قتلك مشفتهاش صيبو ..و قتلو نورمالمو هذ السؤال سقسيه لطكاسيور الرخيص ..نخلع قلي علاه قتلو باسكو ميحشمش دار موسيقى و احنا بنات معاه و ركبنا معاه على  اساس انو كببر فالاج ومحترم  بصح ضهر العكس .....عيطلو قلو شوف واش راهي تقول الطفلة ..السيد بقا مخلوع قلو مكاش منها ...درت روحي نبكي و خايفة قتلهم عيطو لبابا متهدروش معايا كيفه تشكو فينا واحنا مناش عارفين مومبا واش هي القضية..جبدتلو بابا فالقضية علبالو يهولها كون نقلو طاكسيور شوف واش دار نولو في زوط قضيات  ...خرجوني انا و دخلو يمينة ..قعدو معاها بزااف ...حتى هي و خرجت تبكي ..المهم قلولنا روحو و قادر في اي لحظة نعيطولكم ...المهم القضية هي انو المرا سرقت من وحد الصياغ قديم معندوش كميرات  و حكمتها كميرا تاع فرماسي و ركبت في هذ الطاكسي و نساتهم ولا طاحولها ولا من الخوف خلاتهم منيش عارفة ..وراحت في هذ الطاكسي و من حسن حظنا هذ الطاكسيور خدم زوج كورسات من مور هذ المرا  و احنا الثالثين على هذيك الشكوك مهيش موجهة لينا بنسبة كبيرة وكامل درولهم استجواب لي ركبو في ذاك الطاكسي ....سنينا على وحد المحضر و رحنا لدار .....رجعنا و مزلنا خايفين قلت ليمينة لازم نخبرو والدينا ...باين رايحيم لابوليس يجو لينا مرة خلاف ..قاتلي اوكي ...رحنا خبرنا ديرنا انا دارنا جاتهم نورمال قلولي حرزي روحك بصح هوما في دارهم شكو فيها وسيرتو فؤاد خوها لي تلاقينا بيه كيما جينا ذيك الخطرة وسقسنا علاه جينا نمشو ....المهم وحد ليلة بعثتلي يمينة ميساج قاتلي ليلى ......#يتبع ....لسما ما بدينا