ظلموني و بكاو عليا قصة ليلى " باللهجة الجزائرية "

21

#من_صفحة_هنا_نحكي_حكايتي
#ليلى
#الحلقة_21
تاقبضنا فالكوزينة كي شفت راجل سارة طبع راجلي و حقرو مبديتش نفرز ...بديت نتلمس في وحد طابلة و نشوف فيه ونحوس على كاش حاجة حتى توشيت موس حطيتولو عند فمو ...قتلو و الله نقتلك يا لحقارة تحقر واحد مهوش قادر يمشي ...حتى دخل شيخي قلي ليلى ....حبسنا قاع كيما رنا ...خرج راجل سارة و قلي ضروك تخملي قشك و عيطي لبويك يجي يديك و كي تترباي رواحي ...هي فحقيقة الامر انا نفعلت شوية و تقلقت الله غالب مكنتش في حالي ..نضريت بزاف ....بقيت نشوف فيه و نشوف في موحا  ونستنى فيه يهدر ....جا يهدر معاع ... قلو بلع انت ..كون ربطتها من لول ميصرلهاش هاك .....قلي ظهر منصيبكش هنا ...رحت لشومبرتي لحقتني حميدة ....بديت نبكي و نقلهم حقرتوني .....وهي تصبر فيا قاتلي ما ديري والو. ..يما راهي معاه برا تهدر معاه ...المهم رحنا نتصنتو سمعتها تقلو وين تروح المخلوقة هاك تعرف الكناين يدابزو و يرجعو ...وزيد كي تروح شكون لي تغسل لمحمد وك الحق تاع ربي هي لي رفادتو ...وزيد سارة ثان مهيش ساهلة ...قلها قتلك ترفد قشها وتروح .....قاتلو اودي طفلة راهي بالكرش و الوحم راه يدلها هاك ....ايا سكت و قلها املا فهميها تالية تاعها هذي ...( شفتو وين وصلنا على زينهم و زيد يشرطو عليا و باغيين يحوزوني ولات حياتي كيما البالو لي يجي يتيرني ) ..المهم رجعت لشومبرة نحكي لحميدة واش صرا ..قاتلي ني مأمناتك قاتلي بصح نوصيك البلاصة لي تكون فيها سارة روحي منها ...فاتت ذيك المشكلة ...بصح كارهة حياتي ..خانتني صحة راجلي ...وخانتني ثقة اهلي ...ولات كل حاجة ضدي ....ليصونصيال فاتو يمات و انا منيش في حالي ووحد الخطرة من مور العصر صليت و جيت رايحة نحط راسي باه نريح حتى جات عجوزتي  قاتلي العين جات  نوضي نوضي عاوني لبنات ...ها نوضت على سواد سعدي نعمر فالما ....المهم قاعدين نعمرو  ...حتى جا ولد حماتي يجري من برا ويعيط لجداها قلها اجدة اجدة وحد المرا راهي برا تحوس على ليلى .....فشلت و طحت في بلاصتي ....باينة بلي يمينة جات ...خلاص ضاعت حياتي ...المشكل كون سامعين بالقصة معليش ...نورمال معنديش علاه نخبي ...واحد معوش سامع من غير موحا ...خرجت عجوزتي تشوف و انا دم ناشف فيا    ..حتى جابتها و جات ......#يتبع...