#من_صفحة_هنا_نحكي_حكايتي
#ليلى
#الحلقة_20
قتلكم قاعدة متناوشة مع محمد على شكون قلب خزانتي حتى عيطت زهيرة ...قاتلي يمينة جات لدار ...نخلعت و فشلو ركايبي .....قتلها اه .....قاتلي جات جات حالتها تشف ...انا مقدرتش نهدر ....وقدام محمد مصبتش واش نقلها ...قاتلها ايه و ين راهي ..قاتلي جات مصابت حتى واحد في دارهم يماها حوزتها و غلقت عليها الباب ...ومن بعد جات عندنا تبكي وتحوس عليك ....بديت نفيبري .....قاتلي و يماك بهدلتها و قتلها انتي السبة في واش صرا ...وقتلنا عيطولي ليلى نطلب منها سماح وتبكي بشهقة ....قتلها و ين راهي ضروك ..قاتلي راحت .....زدت هبلت بالقلق ...باينة تسقسي عليا و تجي عندي تبهدلني قدام ناسي ..ياربي شا هذ المشكل ...(خطرات المشاكل يجوك هاك و صايي ) ...قلي محمد مالكي قتلو ننن والو والو ...جدة اهي مريضة شوية ....قلي وك كنتي ثم ...قتلو ايه كانت مريضة و زاد عليها الحال ....المهم بدلتلو السوجي ...و بقيت غير نخمم ايلا سقسات عليا و جات عندي تقضي عليا هذ الخطرة و تقتلني للمرة الثانية ....عاودت عيطت لزهيرة قتلها فوتيلي يما ....قلت ليما شوفي نقلكم حاجة ..والله و تجي عندي غير نقتل روحي انتونا سبابي ...قاتلي ما تجي ما والو ...قتلها قتلكم منيش مستعدة باه نبقى ضحك بين السلفات ....قاتلي وك راجلك راه عارف ....نخلعت صدمتني ..قتلها اه ..قاتلي واه ....طاحت الدمعة و حدها ..قتلها يسما حتى هو داني على جال مشكل فيا .....سكتت ...قتلها حرام عليكم ...منسمحلكمش ....كوبيت عليها و بقيت قاعدة وونخمم انا علاه حياتي هاك .....ذاك ليل بت حية نستنى غير فيها تجي عندي ...مرقدتش بت نتقلب ....غدوا من ذاك كانت دالتي تاع القهوة ..نضت نطيب و ساهية منيش قاع حاصية روحي ناضت سارة دير فالحليب لوليدها ..كنت واقفة مع السلة تاع ماعن جات تدي مغرف ولا ممنيش عارفة كي شغل دمرتني ( طبعتني) ....ومن زعاف .....نرفد كسرونة تاع حليب و نخبطها لصدر ضبحت غير ضبحة .....طاحت ثم تعيط ..ومع صباح ناضو قاع يتجارو .....بقاو ينوضو فيها و انا واقفة في بلاصتي من الخلعة و الزعاف....وبقاو حتى هوما مخلوعين ....جا رجلها يجري ....قلها واش بيك واش كاين ...بات تعيط و تقلو اااي ضربتني اااي ضربتني ..قدم ليا ...قتلو متقدمش ليا ..ها تقدم ..حل عينه فيا معوهو جايب صحتو .....خفتو ..جا محمد مسكين يعرج ...جاو وقف في وسطنا .....ايا راجل سارة طبعو طااااح و ياااا نهار شفتو طاح مبديتش نفرز ...حقرو..غاضني .....درت هاك و هاك ونصيب موس ......#يتبع....ليوم حطيتهلكم بكري باسكو نبغيكم
أنت تقرأ
ظلموني و بكاو عليا قصة ليلى " باللهجة الجزائرية "
Короткий рассказاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
