#من_صفحة_هنا_نحكي_حكايتي
#ليلى
#الحلقة_15
قتلكم نضت صباح انا و حميدة توريلي كيفاش ندير حتى جات عجوزتي ...صابتها رايحة ترون العجينة و انا واقفة عليها نتعلم معاها ....شافت فيها وحد الشوفة الله لا يشوفكم ...قاتلها حطي من يدك و فوتي لشغالاتك شكون قلك خبزي بكات عليك فوتي ..حطتها و راحت تجري انا منخلعتش من العجوزة كيما نخلعت من حميدة كيفاه خافت منها ....انا بقيت واقفة و جامدة في بلاصتي ...قاتلي شاكي تشوفي تحركي كملي الخبيز ضروك ينوض سيدك (شيخي)وميصيبش القهوة طايبة...وراحت و خلاتني ...وياربي وانا كي ندير منعرفش نخبز المدلوك ....شفت هاك و هاك و ذيك العجينة حولتها لخبز الدار كاين لي يقلو ( البراج ولا الخبيز ولا المغيز المهم كل واحد كيفاه يقلو المهم الكسرة لي طيب على طاجين ) ..خبزت زوج خبزات كبار و طيبت القهوة و حطيت في سني كبير ...جات حميدة وقفت عندي غير فالباب تاع الكوزينة قاتلي اسمعي سيدي راه في شومبرتو ديلو كاس قهوة كحل و شوية كسرة و صبحي عليه و غكي شعرك متنسايش وراحت ....رحت ديتلو قتلو صباح الخير قاع مردهاليش تحسب حاكم السما ...حطيتهملو و رحت ....خرجت ذيك القهوة و ذيك الكسرة لذاك المراح برا ...ايا بحال فرغت زوج فناجين ليا و لمحمد وبغيت نديهم لشومبرة نشرب انا وياه قاتلي عجوزتي لالا لالا احنا نشربو قاع هنا هذ العقلية نسايها ...عاودت حطيتهم و رحت و دمعة باغية طيح رحت نوضت محمد صابني باغية نبكي ..قلي لالا متزيديش تجيبي لشومبرتك نكلو برا و ندخلو لداخل قلي معليش متزعفيش ....عاود خرجني رحت عندهم صبت تقريب 20 عبد متلايم على هذيك الطابلة هوما و ولادهم و الكسرة كي تقول فتيتة مخلاوهاش ..وبداو يهدرو في وجهي شا هذا شا هذا مخبزتش بزاف وقاع مش عاجبهم الحال ...نخلعت ...واحد كلا و احد مكلاش ...قتلهم سمحولي جيت نقلهم انا منيش موالفة بالحاجة الكبيرة ....نطقت وحدة من الكناين الكنة الكبيرة (رقية ) فالدار قاتلي اسمعي هذي تاع منيش موالفة غير نسايها يسموك توالفي بلخف هنا ....خزر فيها محمد و قلها اسمعي مهدرتش معاك و من ضروك نقهالكم هنا مكاش لي عندو الحق باه يهدر مع مارتي من غير آما و لا سيدي ...طلعت شنيفاها وراحت كلمة مزدتهاش ...وانا متأمنوش عقلكم شا فرحت شعااال عندي مشفتش واحد ديفوندا عليا طلعلي المورال ..المهم ستقهاواو كامل و راحت رفدت الماعن مع العشية عيطت لحميدة ديتها لشومبرتي و قتلها العشا شا ندلهم قاتلي تعرفي ديري طعام قتلها ايه قاتلي صحا ديريه راحت جبدتلي كلش الخضرة هوما عندهم من البحايرة ديراكت المهم قاتلي هاو ليك العبر و بداي ....المهم درت ذيك الطابلية ودخلت للكوزينة من العصر وانا نفور و نحط قلبي نجبد ....المهم قاعدة نخدم حتى نسمع فالتلفون يصوني رحت صبت زهيرة معيطة تقريب 5 خطرات .....عاودتلها ...قاتلي .....#تصبحون_على_خير ...معوفطوم مش حتقدر تغمض عينيك ....
أنت تقرأ
ظلموني و بكاو عليا قصة ليلى " باللهجة الجزائرية "
Short Storyاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
