#من_صفحة_هنا_نحكي_حكايتي
#ليلى
#الحلقة_23
قتلكم جيت مخرجة يمينة باه نليكيديها حتى سمعنا واحد برا يضبح ...عيطولها عيطولها ..جات حميدة تجري ومخلوعة قاتلي واحد راه يحوس على طفلة لي جات عندك قتلها ايه ايه هذا ولد خالها يخاف عليها....و يمينة خايفة ....وملي هربت من دار ملقتوش حتى ليوم باه رايح تلاقاه ...بدات تفيبري انا خلاص معادتش تهمني المهم نسلك روحي ربي يسهل عليهم ....المهم خرجت و ناسي ماهم فاهمين والو ...هو يقلهم ختي و هو انا نقلهم بنت خالتو ..ترنكت قاع ...المهم هداه ربي وداها نورمال ...جاو داوها في طاكسي ....وانا رجعت ليا عجوزتي بهدلتني وومخلتليش و قاتلي كنتي مصاحبة وحدة كيما هاك ...تلفتلي قاع الهدرة وليت نتعقن و قلت ضروك يقتلها مع الطريق .....ليصونصيال رجعت لشومبرة رفدت تلفون وعيطت لزهيرة بهدلتها و قتلها بهدلتوني ......المهم خبرتها قتلها كاش جديد بعثيلي ميساج متعيطليش ...ليصونصيال ...مع العشا بداو المعاني و الشرات عليا دايريني جماعة ....تبهدلت....تعشينا و كل واحد راح لشومبرتو حكيت لمحمد كلش ....سكت مهدرش كي شغل معجوش الحال ....المهم لغا الميساج عندي صبتو من عند زهيرة قاتلي جا وحد الطاكسي بصح جا غير خوها هي مكاش ....اووو ....وين داها .....عاودت بعثتلها قتلها دبر ريسانهم الله يسهل المهم روحو ليهم و قلهم خطوني بجاه ربي خطوني ....قتلها هذ الخطرة و الله ووتصرا مشكلة غير نرفد شطايطي و متعرفونيش وين رحت ....قاع ذاك شي و الله لا بقيت نخمم عليها ...غضتني بنتها ....المهم وحد شوية جات حميدة طبطب ...فتحت عليها قاتلي قولي لموحا قلك سيدي رواح ( شيخي ) ..راح ليه موحا و رحت انا نتصنت من مور الباب ...قلو انت مكش راجل خاوتك قاع قدرو يتحكمو في نساهم وانت مقدرتش عليها ...هو غير ساكت ..قلو كون راك مين ذاك تزرقها قاع مديرش هاكا ...جا يهدر معاه قلو اسسسسكت خليني نكمل ...قلو هذ المرة منيش رايح نفوتهالكم ...وديجا فلول قتلك هذو ناس تاع مشكال خطيك منهم ....تعمرت مقدرتش نسمع في واحد يعمر في راجلي عليا .....عاودت رجعت لشومبرة ...جا محمد ووعينيه حمر من الزعاف ....قتلو شا قلك ....قلي والو ....وزعفان بزااف .....كالميتها و سكت ......وزيرت على قلبي ....المهم فاتو يمات وحد النهار بت نتقلب مرضت و صبحت طايحة فراش .... و هذاك نهار كانت دالتي تاع العجين و منيش قادرة ...رحت لسلفتي الوسطانية قتلها راني مريضة عجني في بلاصتي و نخلفهالك ...قاتلي معليش ..راحت للكوزينة و انا رجعت تكيت ..وحد الشوية نسمع عجوزتي تقلها حطي من يدك عندها شهر كرش راهي تتمرض حطي و فوتي عيطيلها ...جات مسكينة تخبرني قتلها سمعت سمعت ني نايضة ...نضت و معصبة راسي وموحا كان هذاك وين جا من الخدمة كان يبات ليلة فليكول و ليلتين فالدار ....المهم جا صباح دخل للكوزينة صابني ميتة شادة مع الحيط و ندلك في ذيك العجينة بسيف ...قلي واش بيك قتلو ني مريضة و بديت نبكي غاضتني ...قلي حطي من يدك ...و فوتي ترقدي ....جيت نقلو لالا ..قلي قتلك فوتي لشومبرة ...راح ليهم للحوش قلهم لي قادرة تجي تكمل العجين تجي ... مرتي متخدمش راهي مريضة ...بداو متقابضين برا كل و حدة دايرة فم ....و عجوزتي قاتلوو عمراتك اه عمراتك ...راك مخلوع في سراقة ....و ياااا نهار سمعت كلمت سراقة خلاص تبريسيت مقدرتش نتحمل ولي و نخرج ليهم ...........#تصبحون_على_واقع_اجمل ....
أنت تقرأ
ظلموني و بكاو عليا قصة ليلى " باللهجة الجزائرية "
Historia Cortaاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
