#من_صفحة_هنا_نحكي_حكايتي
#ليلى
#الحلقة_25
قتلكم رجعت لدارنا وحكيتلهم كلش و قتلهم نضريت منيش قادرة ..قلي بويي رجعي لدارك ...مخلانيش نفهمو ...مكاش لي كان حاس بيا ...مع كنت صغيرة مقدرتش نحمل هذ التعب ..لي نروح ليه وونحكيلو يردني ...فليل عيطت لمحمد نسقسيه فيه واش قال بويو ..حتى هو صبتو في حالة ومن هدرتو يبان بلي راه مضرور ..بصح مهوش باغي يبين خايف عليا ...قلي راه يقول مترجعيش لدار .. قتلو محمد علبالي منرجعش بصح ها شوفلي حل ...قلي ا ليلى كيفاه نشوفلك حل ...قلي قوليلي واش ندلك و ك علبالك انا لا حول و لا قوة شهريتي ياربي تكفينا غير فالماكلة ...قتلو يفتح ربي قتلو خليني نريح هذ اليومين ايلا مصبناش حل نروحو نهملو ...قلي ريحي و ساهل ...بصح واش من ترياح ...يومين كامل فاتو مدابزة يما مع بابا و خواتي مع يما والموضوع غير انا ....جيت نريح زعما ...من غير زهيرة لي جاية في صفي بصح متبينش خايفة خويا و بابا ....ضربتلي فكرة في راسي ...عيطت لموحا قتلو محمد يخي ليكول لي تخدم فيه نص الكلايص فارغين و ذراري تاع ذيك الابتدائي مكاش بزاف و كيما علبالي قاع يبغوك ثم قلهم بلاك يعطونا كلاصة من ذوك القدم نسترو روحنا لابغا منكلش المهم نهنا ...قلي خممت فيها ..قلي غدول نقلو بلاك على ربي ...المهم غدوا من ذاك العشية عيطلي ...قلي هدرت معاه و قلي رواح بصح مكاش لي يجي عندكم مكاش ضياف منيش باغي المشاكل ... فرحت ..قتلو ياودي هذي انا نشرطها ...قلي بصح البوربلام في سيدي ...قتلو علاه ..قلي خبرتو و قلي ايلا رحت ثم متزيدش تدخل هنا ....قتلو واش قررت.. قلي منيش عارف ....قتلو دبر راسك شا باغي نقلك قتلو حتى انا و الله ما نرجع لذيك البلاصة ...قلي شوفي المدير قلي الجمعة رواحو سيقو ذيك الكلاصة و جيبو قشكم .. .قلي من للجمعة نخمم و نردلك الخبر .....(حتى هو غاضني الله غالب راه متحمل الخطأ معايا تاع الباصي تاعي ) ...ليصونصيال خبرتهم فالدار كنت حاسبة يرفضو الفكرة تاع بنتهم تسكن في ليكول بصح العكس قاع جاتهم نورمال و يستناو فالجمعة وينت تلحق باه نروح .....المهم في ذيك سمانة كان رونديفو تاعي تاع طبيبة رايحة نشوف جنس المولود كيما يقولو ....رحت وحدي عند طبيبة وخايفة و فرحانة مفهمت والو ..المشاعر قاع تخلطولي ..المهم وصلت عندها هي تشوف و انا قلبي يخبط ..قاتلي يا مدام ليلى ......#يتبع ....الحلقة الاخيرة اليوم على 20:00 مساءا كونوا في الموعد .....
أنت تقرأ
ظلموني و بكاو عليا قصة ليلى " باللهجة الجزائرية "
Historia Cortaاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
