#من_صفحة_هنا_نحكي_حكايتي
#ليلى
#الحلقة14
قتلكم فاتت ليلتي و صباح بكري جاو يطبطبو عليا ..من الخلعة نضت نجري ...كي فتحت صبتها عجوزتي ..قتلها صباح الخير ...مردتهاليش قاتلي راه المقيل وانتي مزال منضتيش نوضي لبسي و خرجي برا كاين نسا قاع مشفوكش ..قتلها بصح شعال راهي ساعة ..قاتلي فوتي لبسي و روحي لشومبرة الكبيرة ....و راحت ...بقيت مخلوعة ...عاودت غلقت الباب قلي راجلي ( وسمو محمد ) قلي متزعفيش نسا خاوتي قاع دراتلهم هاك فلول يما قلبها بيض ....سكت مهدرتش نوضتو هو لول ...عطيتلو وحد لاتوني وبليغة زهيرة شرتهملي قاتلي عطيها لراجلك نهار لول ...المهم لبسها و خرج و قتلو اخرج كي نعيطلك فالتلفون رواح نخرجو كيف كيف ...( يا لبنات متامنوش عقلكم شعال فرح كي بديت نهدر معاه نورمال و معملاتو عادي بانلي حتى هو محقور على حساب ذيك الفرحة ) ...خرج هو و يما جات من موراه امنو يا لبنات هي تحكي معايا و انا كرهتها فالشر نهدر معاها من فوق قلبي ....الله غالب ماشي بيدي ..اقرب ناس ليا موقفتش معايا ....المهم بقات تهدر و تسقم فيا و ترفد فالقش ..مكييت و لبست لبسة عادي قبل ما نكمل جات حميدة حماتي مسكينة غير هي لي متفكرتني جابتلي لقهوة انا ويما و قعدت مجمعة معانا ..ليصونصيال عيطت لموحا خرجني لذيك الشومبرة و زاهي بيا مسكين ....(باه نكون صريحة معاكم كنت شفقانه عليه مكنتش باغيتو في ذيك دقيقة ) ....خرجت برا بداو يجو يسلمو عليا ....ومن بعد داوني برا عند الشيخي بحال هو كبير العايلة لازم انا نروح ليه و نسلم عليه و ندي رضايتو ...(معليناش اسيدي مبقاتش غير في ذي ) ...من مور الفطور جا بابا ووخويا يدو يما ....بغاو يجو يطلو عليا ...قلت ليما شوفي تروحي تقوليلهم مستحقيتكمش و كون راني صايبة اسمواتكم منسمعهمش ..علاه يحوسو يطلو عليا ....يخي تهناو مني ...المهم يما زعفت و راحت ....المهم ذاك نهار فات غير تعارف و يعرفو بيا فالغاشي تعرفت كامل على العايلة تاعهم بصح ياسرين بزاف ...بقاو خوتاتو المتزوحين بيهم برجالتهم و والدهم ....مع المغرب قاعدين قاع نتعشاو و حد الهيراج و ربيج و الحس ...حتى نطقت ختو متزوجة الكبيرة قاع قاتلي ليلى ..غدوا نتي ديرلنا العشا نذقو ماكلت يدك ...نخلعت ...(انا نطيب لهذ الغاشي كامل) ....من الحشمة قتلها نشالله ....كي كملو قتلهم انا نروح نريح ني عاية بداو يضحكو ...(ما فهمت والو ) نضت و خليت محمد معاهم ..لحقتني حميدة دخلت معايا لشومبرة قاتلي متزعفيش احنا قاع ميهدروش على التعب ...قتالي و متخافيش غدوا صباح ندورك كامل بالدار و نوريلك كلش و انا نعاونك فالعشا وقاتلي غدوا ريقلي تلفونك نوضو صباح انتي طيبيلهم القهوة ...(ارتحتلها هذ الطفلة ) ليصونصيال الصباح نضت معاها قاتلي تعرفي تخبزي المدلوك (المعارك) قتلها لالا . حطت الجفنة و قاتلي هاه شوفي تتعلمي غير بلعقل هي فرغت الدقيق فالجفنة و انا رايحة ندير البراس تاع القهوة حتى دخلت عجوزتي تحسب بايتة حية ..خزرت في حميدة و قتتلها شاكي ديري هنا .....#يتبع .....لسا ما بدينا .....
أنت تقرأ
ظلموني و بكاو عليا قصة ليلى " باللهجة الجزائرية "
Historia Cortaاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
