#من_صفحة_هنا_نحكي_حكايتي
#ليلى
#الحلقة_22
قتلكم جات عجوزتي من برا ودخلت معاها يمينة ...انا مصبتش قاع كي ندير تبانيكيت ...كي شفتها نخلعت حطا غير وحد الخيمار على راسها ...و لابسة جلابة موسخة و بليغة مقطعة .....نخلعت .....المهم كي شفتها درت روحي نعرفها من زمان و لقيتلها ..و قتلهاا اه يمينة حنونتي كي راكي ..كي راهي مك ....مكيش قاع تجي طلي عليا. ....هي مفهمت والو ...سلايفي و حمتاتي بقاو غير يشوفو ...المهم نهدر معاها و نغمز فيها باه تفهمتي ....مخليتهاش قاع تهدر ....قتلها ارواحي ارواحي وديتها لشومبرة ..غلقت عليها ....ودمرتها على الخزانة ..قتلها واش جابك هنا و اش جاب جدك هنا ...بدات تبكي و تشهق ...خفت ايلا يسمعوها قتلها صيبو بلعي واش جابك هنا ....قاتلي خليني نهدر ...قتلها ريحي درت روحي رحت جبتلها فنجان قهوة و قرعة ما ...صبت عجوزتي رايحة و جاية لباب شومبرتي ....قاتلي علاه دخلتيها لشومبرتك هاو قعديها فالشمبرة تاع الضيوف ..قتلها اودي مسكينة تحشم هذي وحدة مضروبة و بويها ميت مسكينة تسكن حذانا كنا نحنو عليها وكانو غير الجيران معيشينهم هيا و يماها وكي رحت لدارنا سقسيت عليها ومصبتهاش ..ايا لحقتني ...(غير ثم و دبرت قالب ) .....المهم عاودت رجعت ليها ...كل ما نجي نهدر معاها تبكي ...مقدرتش حتى نفرغ واش كاين في قلبي ...بلاك كون كنا وحدنا كون قتلتها ....قاتلي ماجيتش ندلك المشاكل جيت نطلب منك السماح ...قتلها واش ينفع السماح ضروك ..دمرتيلي حياتي ....قتلي مكيش كيما انا ....قاتلي صرا فيا العجب ...قتلها واش درتي بالذهب ..قاتلي رحت عند واحد كنت نهدر معاه فالتلفون و عقد عليا و عطيتولو كامل ذوك الدرهم قاتلي كرينا تقريب 3 شهر و من بعد ذوك دالي هذوك دراهم و راح و خلاني .....قتلها مليحلك الله لا يرفد عليك ....قاتلي و المشكل راه عندي طفلة ....خلاص هنا طاحتلي فالجرح ...قاتلي راني نطلب برا ...و الحليب و معنديش باه نشريه غير حباب ربي راهم يحنو عليا ...قتلها و بنتك و ين راهي قاتلي ني مع وحدوخرة كي حالتي ووخليت بنتي عندها ....مصبتش قاع واش نقول ....قاع ذاك الشي و قسمتلي قلبي .....قتلها شوفي ابنت ناس انا معندي مندلك و بساباك وصلنا لزوج لهذ الحالة ....جات نايضة قاتلي انا نقلك سمحيلي و غدوا عند ربي دي حقك ....جات رايحة ..قتلها اصبري رحت للخزانة جبدتلها عشرين الف هذاك مكان عندي عطيتهالها وقتلها هاكي كاش ما تشري لذيك الصغيرة ....عنقتني و زيرت عليا و بدات تقلي ها سمحيلي انا حنونتك ها سمحيلي...كي جيت مخرجها حتى سمعنا الحس برا كي شغل مدابزة و سمعنا واحد يقول خرجوها و لا نقلب عليكم دار .......#يتبع ....
أنت تقرأ
ظلموني و بكاو عليا قصة ليلى " باللهجة الجزائرية "
Short Storyاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
