#من_صفحة_هنا_نحكي_حكايتي
#ليلى
#الحلقة_17
المهم حطينا العشا و جايين رايحين نتعشاو كي جاو يسقو الطعام ..بداو قاع يتشاوفو في بعضاهم ...حتى نطقت السمية تاع سارة قاتلهم جيبولنا لبن و لا حليب حرمت علينا الطعام ....وانا مزال معرفتش واش كاين ...قاع حطو مغارفهم ..حتى قاتلي عجوزتي علاه مكاش طوماطيش ..قتلها علاه و انا ماوفهما والو والو ...قاتلي المرقة علاه شهبة كي وجهك ...سكت مهدرتش بقيت نشوف غير في حميدة ...باه تفهمني ...قاتلي العجوز احنا منكلوش بهذ المرقة لي كيما هاك ...قتلهم بصح احنا موالف ...نطقت الكنة الكبيرة ..قتلك هذي تاع موالف خليها في داركم ...قاتلي كي يجو داركم يزورك ديرلهم هذ الما باه يسقو ....نضت ضربت ذيك المغرف على طابلة و قتلهم كولو وحدكم .....قاتلي عجوزتي رجعي كي نولي نهدر يسموك تتصنتي ...مديتهاش قاع فيها رحت نيشان لشومبرتي كي لعادة وغلقت على روحي ....وحد.شوية جا موح يطبطب ..قلي فتحي و صوتو خشين ويبان زعفان ...حليت عليه الباب صبتو واقف هو و عجوزتي ...قلي فوتي سلمي عليها ..جيت نقلو بصح انا.....قاتلو شفت شفت كي ترد الهدرة ...رحت حبيتلها راسها كيما قدر عليا ربي .ورجعت لشومبرتي ...جا هو يهدر وبقا يساعف قلي لالا و من و من اكم تعرفو ...المهم وحد الشوية جا راجل سارة ثان يطبطب ...قلو مرتك و مرتك و دارت لمرتي ....وموحا ما فاهم والو المهم داه برا و لعبلو في راسو ...جا معمر ..رقد نيشان ....معليناش ....خرجت برا و انا معمرة بالزعاف عيطت لزهيرة ....قتلها وينت تجو ....( باسكو ناسي كانو يستناو في دارنا يجو حشمت لازم يجو قدامهم خفت يزيدو يحقروني كي يعرفو بلي عندي مشاكل مع دارنا و يقلولي انتي متنعشريش ) ...قاتلي راهم معولين الخميس يجو قتلها زهيرة روحي معاهم وبديت نبكي ...قاتلي ايه نجي نجي ...المهم رحت خبرت محمد ...قلي خبري يما ..رحت خبرتها قاتلي مرحبا بيهم ( عجوزتي عادلة بصح تبغي تتحكم كي هي كي شيخي و متبغيش الكنانين تبغي غير بناتها متشكركش بصح تبهدلك ) ..المهم نهار الخميس الصباح صبحت رقية هي لي دير فالفطور باسمو بنتها الكبيرة و مصرفتها فينا ...وانا نضت نلبس و شيخي مراح حتى لبلاصة بقا يستنى فيهم ....المهم مع العشرة تاع صباح جاو ....جات يما و زهيرة دخلتهم عجوزتي و خويا و بابا قعدو برا تحت وحد الشجرة ...رحت دخلت عليهم بقاو غير يشوفو نخلعو معرفونيش كحالت و ضعافت....بقيت نسقيي فيهم و يسقسو فيا ....عجوزتي تهدر فالعين قتلهم قاع شا كين و شا مكاش ...و مخلاتهمش قاع يهدرو ...المهم فطرو و فاتت على خير ..جا شيخي فالباب قلهم قولوها بويك و خوك راهم باغيين يشوفوك خرجي ....ما جيت نخرج حتى بتطباع مقدرتش نلاقهم ......#بتبع.....
أنت تقرأ
ظلموني و بكاو عليا قصة ليلى " باللهجة الجزائرية "
Contoاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
